Sastra Jawa

Program Digitalisasi Sastra Daerah

  • Increase font size
  • Default font size
  • Decrease font size

Lampahing Agêsang, Angabèi IV, c. 1900, #1335

Katalog:Lampahing Agêsang, Angabèi IV, c. 1900, #1335
Sambung:-

Sêrat Lampahing AgêsangJudul berdasarkan pada daftar isi.

--- 0 ---

Lampahing agêsang

1. Tapaning badan, patrap anoraga, jakatipun tabêri ulah pandamêl sae.

2 Tapaning manah, anarima, jakatipun angicalakên pangintên awon.

3 Tapaning napsu, rila, jakatipun sabar ing coba bilai.

4 Tapaning nyawa, têmên, jakatipun botên dahwèn munasika.

5 Tapaning rahsa, utama, jakatipun kèndêl analôngsa.

--- 335 ---

6 Tapaning cahya, sukci, jakatipun êning.

7 Tapaning atma, awas, jakatipun emut.

Bekaning jiwa.

1 Ambabar suka pirênaning karsa.

2 Ngumbar hawa napsu.

3 Watak dora paracidra.

4 Ambêg angkara murka.

5 Anuruti budi pitênah panganiaya.

Bekaning raga.

1 Ulah carobo.

2 Lampah nistha.

3 Tingkah dêksura.dêgsura.

4 Sarwa kêsèt sungkanan.

5 Lumuh nastapa pujabrata.

Lampahing badan.

1 Tapaning netra, cêgah sare, jakatipun lumuh aningali sawarnining pamrih.

--- 336 ---

2 Tapaning karna, cêgah hawa napsu, jakatipun lumuh mirêngakên wiraos awon.

3 Tapaning grana, cêgah ngunjuk, jakatipun lumuh angingsêp pandamêl awon.

4 Tapaning lesan, cêgah dhahar, jakatipun lumuh angraosi awoning tiyang.

5 Tapaning asta, cêgah colong calimut, jakatipun lumuh anggêbag mara asta.

6 Tapaning dakar, cêgah sahuwat, jakatipun lumuh anglampahi bandrèk jina.

7 Tapaning suku, cêgah lumampah awon, jakatipun rêmên lumampah istirakat.