Sastra Jawa

Program Digitalisasi Sastra Daerah

  • Increase font size
  • Default font size
  • Decrease font size

Suluk Bayan Maot, Angabèi IV, c. 1900, #1322

Katalog:Suluk Bayan Maot, Angabèi IV, c. 1900, #1322
Sambung:-

Sêrat Pêthikan Suluk Bayan MaotJudul berdasarkan pada daftar isi.

1. Gambuh

1. lire dat iku wujud | wujud ingkang sabênêre iku | aran bênêr puniku roh ingkang wêning | têgêse roh wêning iku | paesan Pangeran kono ||

2. sampurnaning dat iku | tan ana wujud loro puniku | ingkang ana kaananing dat puniki | sampurnaning salat iku | tan ana jênênge kono ||

3. sampurnèng sakarètu | tan ana rasa roro puniku | iya rasa kaananing datolahi | jênênge kawula iku | kadi sadurunge katon ||

4. sirnaning kawulèku | dene ingangge gêgêntènipun | dadi kang jumênêng anêmbah amuji | kang sêmbah sinêmbah iku | pamore ing wujud kono ||

5. ing kitab Bayan Maut | awêwarah ingkang bênêr luput | ing kadadèn marmane dèn ngati-ati | pan mangkene lapilipun | nukil saking Bayan Maot ||

6. panman. la rasangilma mut | abadan punika têgêsipun | sing sapa wonge tan dadi ngèlmunèki | mati bae sajêgipun | tan ana urip ing kono ||

--- 276 ---

7. man sarangil man lamut | kayan abadan pan têgêsipun | sing sapa kang dadi ngèlmune wong iki | urip bae sajêgipun | ngalih gon boyong kadhaton ||

8. waman dakala pilmut | pajismun suma sipatirabun | lan sing sapa wong manjing ing dalêm pati | môngka ilang jisimipun | mulih sipating Hyang Manon ||

9. ing kono gon pakewuh | ewuhe bok tumpang salah surup | yèn tiba ing gilingan pan ora kasil | miwah yèn tiba ing luput | dèn rangkul marang gêndruwo ||

10. kunir pita kang têmbung | dening pangabaraning kang pandung | yèn wis têmu sirêpên aja katawis | poma dèn awêrit iku | yèn gampang dadi kacênthok ||

11. kacênthok duraka gung | dene iya anggêgampang wuwus | nora nganggo parah-parah lamun angling | wong tan bisa sêmonipun | têka ingajak calathon ||

12. mantêp lan panrimèku | yèku kang môngka busananipun | pangrakite pan ora kalêbu tulis | parabot [parabo...]

--- 277 ---

[...t] pangukutipun | ana larangane kono ||

13. yèn gêmpal sarak iku | pan bilahi donya akiripun | sayêktine kamlêkêrên nora dadi | sarak iku wadhahipun | yèn tininggal dadi borot ||

14. têmah kècèr tan wêwutuh |Lebih satu suku kata: têmah kècèr tan wutuh. siya-siya marang badanipun | kang mangkono ngèlmune jatine maksih | angawur kaya si pocung | pantês dinulang talethong ||