Sastra Jawa

Program Digitalisasi Sastra Daerah

  • Increase font size
  • Default font size
  • Decrease font size

Prayasmara, Pigeaud, 1953, #1413

Katalog:Prayasmara, Pigeaud, 1953, #1413
Sambung:-

Prayasmara

1. Dhandhanggula

1. pisang lêsah Sang Rajèng Kubarsi | sabên dalu datan antuk nendra | gunting wohan swarèng bêndhe | kacipta mung sirèku | garwa Prabu Malawapati | sêtyanana ngawula | pambagening etung | parane amung sakêdhap | suling dara wana lit turut ing têpi | yèn nyawang tarataban ||

2. gayung sumur wêlut ing wanadri |

--- 4 : 67 ---

tambanana intên brônta kula | rotan buntal tan ginawe | tingalana mas ingsun | putri adi nagri Kubarsi | sakadare kewala | salumpringing pantun | lamine wanuh lan sira | suku palwa kang arta ciri turanggi | katon sasolahira ||

3. sukêt galêng rinumpaka gusti | kang baita kandhêg ing samodra | rontang-ranting têmahane | abdinya nêdya labuh | mring kusuma kang asung branti | blimbing mindha widara | carême dumunung | wismèng pêpujan ngulama | raosing tyas dhuh gusti kadya rinujit | kang ketang amung sira ||