Sastra Jawa

Program Digitalisasi Sastra Daerah

  • Increase font size
  • Default font size
  • Decrease font size

Langênarja, Pigeaud, 1953, #1419

Katalog:Langênarja, Pigeaud, 1953, #1419
Sambung:-

Pasanggrahan Langênarja

1. Langên-gita

1. marna pasanggrahan Langênarja | kang mayasa jêng sinuhun kaping sanga | têbihira tigang pal sakidul praja ||

2. kôntra§ katawis = katingal. mangetan ajênging pura | pinarsada capuri wingking kewala | menggok prapta dalêm agêng ingkang madya ||

3. mawa wiwara môngka gapura | kanan kering kang lumêbèng jroning pura | lamun dalu margine kang nganglang pringga ||

4. wisma kang munggul kiduling pura |

--- 4 : 106 ---

môndhakiya pandayanirèng pamuja | ngandhap karya pakuwoning para putra ||

5. ngarsa datan mawi pinarsada | amung sinung laleyan inggil saasta | pinandara pindha ombaking samodra ||

6. nyôngga pot bêling wadhah puspita | tarap prapta ujung pagut lan gapura | sinung dwaja munggul asri kawistara ||

7. marga pirit mubêng pagêr bata | ngalèr prapta simpangan kang marang praja | mangidule dumrojog anjog narmada ||

8. gyanya giyota maneka warna | ana kumba naga liman myang cakarwa | wahanane sang nata lamun cangkrama ||

9. saha sori putra myang wandawa | mudhik prapta pakuwoning Parangjara | alêlana lêlangên misaya mina ||

10. kadya ruwiyaning jaman kina | duk Narendra Maispati apêpara | lan pra garwa mring sawanganing samodra ||

--- 4 : 107 ---

11. purna cinitra ari Raditya | tri wêlas ing Saban Jimawal kang warsa | gatinira ngluhurkên sarira raja ||§ Taun Jawi 1805 taun Walandi 1876, wulan Sèptèmbêr. [Sengkalan: gatinira ngluhurkên sarira raja (Ahad, 13 Saban 1805 A.J., Minggu, 3 September 1876 A.D.)].