Sastra Jawa

Program Digitalisasi Sastra Daerah

  • Increase font size
  • Default font size
  • Decrease font size

Pralambang Kênya Candhala, Pigeaud, 1953, #1410

Katalog:Pralambang Kênya Candhala, Pigeaud, 1953, #1410
Sambung:-

Pralambang Kênya Candhala

1. Gambuh

1. kumêdah nyêkar gambuh | dasih paduka pun rara wijung§ wijung = cèlèng. | ingkang sawêg pinardi nyindhèni gêndhing | dèrèng sagêd amung nurut | ing karsa gusti sang anom ||

2. mring lagu maksih kadung | iramane dèrèng patos atul | saking dene kadêrêng arsa malês sih | marmanta darbe panuwun | aksamanira sang anom ||

--- 4 : 58 ---

3. salendhang kênya ing rum | têtêmbange gôngsa kang tinabuh | wêwangsalan ingkang tinunggil ing gêndhing | tômbra krêsna kiswa lumung | parênge gusti sang anom ||

4. dewanirèng sitangsu | sikarane kang bôngsa lêlêmbut | candranira wanodya angganggu ati | wêru gêng kang klapa trênyuh | yèn busana sarwa mompyor ||

5. kiswa tinambang jumbuh | cêplik panjang ingkang jamur wungu | gêlung malang cundhuk kêmbang dhuwur kuping | wangke sisaning mong kantun | pantês lamun pindha borok ||

6. wida wadana rêmu | rêkathagêng pulas rôngka dhuwung | pupu jênar kadi kapithing sinungging | alis gamêng lir bêtatung | yèn luntur pating calerong ||

--- 4 : 59 ---

7. kadang Wiratha Prabu | têmbung dhalang sasmitaning nêpsu | salin rupa mari grêgêtake ati | kutha Madura kang kidul | wêkasan kaya Ni Thowok ||