Raffles: Surat dari Tumênggung Yogawesja (Sêndhang Kasi, 24 April 1816)

--- [124] ---

From the Regent of Sendang Kase in Cheribon

Punika sêrat sarta ingkang tabe katha-katha[1] saking kaula Tumênggung Yogawesja saking pasitèn Sêndhang Kasi, katur dhumatêng Kangjêng Tuwan Tanporêt[2] Raplis, ingkang munggi-munggi[3] sinalamêtêna sarta angsal si[4] kanugrahan dening Alla[5] miwa[6] kang kagêngan sakathahing kaormatan ing sadaya-dayanipun.

Sasampuning kadya sapunika, aprakawis Kangjêng Tuwan Raplis, aparing layang dhatêng kaula inggi[7] sampun kaula tampèni, dala[8] saungêling sêrat punika, kaula sampun maos sarta sampun kaartosakên.

Kalayan mali[9] Kangjêng Tuwan Raplis aparing uninga, yèn ing mangke sampun kesa[10] saking nagari Batawi, sarèning[11] dhatêng Batawi angraos anganglu[12] sangêt, ara[13] pailaran panggenan kang dados dhangan, ingkang punika sakalangkung sangêt cinta dhatêng Kangjêng Tuwan Raplis. Rèhing botên kongsi angsal kapanggi[14] mali dhatêng Kangjêng Tuwan Raplis.

Kalayan mali kaula aningali ing salêbêting sêrat Kangjêng Tuwan Raplis, punapa mali kaula midhangêt pawartos saking Tuwan Hansên risdhèn ing nagari Garage, dening mangke sampun botên anyêpêng nagari Jawi.

Ingkang punika, kaula sakalangkung ing susa,[15] mila sapunika ing salami-lamine kaula kalangkung trima kasi[16] dhatêng Kangjêng Tuwan Raplis, punapa mali Tuwan Raplis kang iyasa rumaksa dhatêng sakathahing kaula bala, sadayaning kapênêdan, sarta kang anguningani dhatêng sadayaning kawula bala, sadaya.

Lan saprakawisipun mali kaula sampun anampèni ingkang pasihan saking Kangjêng Tuwan Raplis, kang rumuhun Kangjêng Tuwan Raplis, sampun

--- [125] ---

amaringakên dhatêng kaula, ingkang punika ugi dados cuwane mana-mana[17] kaula, dhumatêng ing Kangjêng Tuwan Raplis, lan munggi-munggi Tuwan Raplis sarèhing mangke mantuk, anguningani tana[18] Jawi, Tuwan Pendhol[19] kang minangka dados gêgantosipun, Tuwan Pendhol kang dados pugêran kaula punapa kados dhatêng Tuwan Raplis. Makatên tiyasa amêngkani kawula bala sadaya, dados pangaubaning salami-laminipun.

Punapa mali kaula nênuhun dhatêng kangjêng tuwan, mugi-mugi sampun kalampahan kagungan supe ing manahe Kangjêng Tuwan Raplis dhatêng kaula, ing salami-laminipun, tansa[20] kaula angajêng-ajêng dhawuhing sihing kaula sapaosing alam puniki.

Kasêrat ing dintên Rêbo, Jumadilawal tanggal 26 naun[21] 1[...][22][23]