Gôndasiswara, Pigeaud, 1953, #1417


Panêmbrama Konduripun Kangjêng Pangeran Ariya Gôndasiswara Pêrang Saking Nagari Ngacih Taun 1803

1. Sêkar Walagita

Tumrap ing gêndhing ladrang Sumatra dhawah katawang Ngacih, salendro pathêt sanga

1. pulo rawa atmaja Sang Hyang Nurasa | adhuh anggèr | sukur bagya rahayu kang mênang yuda ||

2. Patih Kôngsa pangèsthi kang amrih kêna | adhuh anggèr | nèng Sumatra ambêdhah ing Ngacih praja ||

3. urug wrêksa dewaning Hyang Sasadara | adhuh anggèr | ramening prang campuhe luwih sacôndra ||

--- 4 : 100 ---

4. bêsat rata kahyangan para jawata | adhuh anggèr | pira-pira mungsuh rowang kang pralayang ||

5. wastra seta tamtuning kang parasêja | adhuh anggèr | mari yuda kasaru ratune seda ||

6. panduk carma kang lata misayèng mina | adhuh anggèr | anglês driya merang kalamun nungkula ||

7. perak pindha tawing mukaning wiwara | adhuh anggèr | têmah praja bêdhahe tanpa karana ||

8. tuduh warna santining janma sangsaya | adhuh anggèr | kang mangkana èstu pitulunging suksma ||

9. krama wrèksa ari Prabu Basudewa | adhuh anggèr | Kangjêng Raja Nèdêrlan sinungnyinung. nugraha ||

10. garwa Salya sudarma Rêsi Wisrawa | adhuh anggèr |

--- 4 : 101 ---

duk cinitra malêm Rêbo kaping astha ||

11. parab Boma jawata kang salah warna | adhuh anggèr | sasi Sura taun Alip na sangkala ||

12. pandhan pita pambajêng Sri Basudewa | adhuh anggèr | panas sirna sarira praptaning bala ||§ Taun Jawi 1803, Masèi 1874, wulan Pèbruari. [Sengkalan: panas sirna sarira praptaning bala (Rêbo, 8 Sura 1803 A.J., Rabu, 25 Februari 1874 A.D.)].

2. Sindhenan

1. tapas krêsna kang wulan tanggaping warsa | duk praptane Sêtatsiyun Surakarta ||

2. jarwa warta wiji gêng mawa sarkara | kang kinôndha kurmate kang mênang yuda ||

3. trah ngawirya sabawa sukaning driya | pra satriya surak santi jaya-jaya ||

4. ginda wanda kutha waruju Pandhawa | urut marga jajaran rontèk bandera ||

--- 4 : 102 ---

5. salar basa punggawa andêl Ngalêngka | sabên plêngkung bul-umbul kalawan gôngsa ||

6. bikang gora we mijil ing bomantara | rabinira ngudani Gôndakusuma ||

7. rêming arka kang tambang pranti wisaya | iribira kaya Arjuna Wijaya ||

8. parab wipra ari Prabu Gêndrayana | iku môngka sudarsananing prawira ||