Rama, Van Dorp, 1923, #832 (Pupuh 55–74)
1. | Rama, Van Dorp, 1923, #832 (Pupuh 01–13). Kategori: Bahasa dan Budaya > Wayang. |
2. | Rama, Van Dorp, 1923, #832 (Pupuh 14–26). Kategori: Bahasa dan Budaya > Wayang. |
3. | Rama, Van Dorp, 1923, #832 (Pupuh 27–39). Kategori: Bahasa dan Budaya > Wayang. |
4. | Rama, Van Dorp, 1923, #832 (Pupuh 40–54). Kategori: Bahasa dan Budaya > Wayang. |
5. | Rama, Van Dorp, 1923, #832 (Pupuh 55–74). Kategori: Bahasa dan Budaya > Wayang. |
6. | Rama, Van Dorp, 1923, #832 (Pupuh 75–91). Kategori: Bahasa dan Budaya > Wayang. |
Pencarian Teks
Lingkup pencarian: teks dan catatan-kakinya. Teks pencarian: 2-24 karakter. Filter pencarian: huruf besar/kecil, diakritik serta pungtuasi diabaikan; karakter [?] dapat digunakan sebagai pengganti zero atau satu huruf sembarang; simbol wildcard [*] dapat digunakan sebagai pengganti zero atau sejumlah karakter termasuk spasi; mengakomodasi variasi ejaan, antara lain [dj : j, tj : c, j : y, oe : u, d : dh, t : th].
55. Durma
1. parêng surak wau kang bala wanara | nêdya umangsah jurit | têtêp anjawata | ring sang narendraputra | umangsah kadya punagi | Radèn Anggada | Marutasuta aglis ||
2. Nala Nila Wrêksaba parêng lumumpat | Winata Sata Bali | Druwenda Krêdana | Sêmpati Bimamuka | Danurdara lan Kesari | myang Wisangkatha | Subodhara Puthaksi ||
3. mèh rahina angsahe bala wanara | mangkrak wre sadayanjrit | kumrutug mayuta- | yuta mawêndra-wêndra | sagulma kirna parêng ngrik | limpat bawana | pyah kadya manêngkêri ||
4. wuwuh suranira kang bala wanara | têtela wus kaèksi | măngka tăndha prapta- | nirèng angin garudha | tuhu nataning sabumi | bumi isinya | durmurka tumpês tapis ||
5. rumêksayunira jagad pramudita | wanara rêbut dhingin | gêbèl mawurahan | ngêmput bataning kitha | Sri Dasamuka miyarsi | swara gênturan | rug yayah manêngkêri ||
6. nuduh mêmariksa marang jawi kitha | prapta duta wotsari | pukulun kang swara | kadya manêngkêr wiyat | mungsuh wanara kang prapti | Ramawijaya | sampun waluya malih ||
7. sabalane sampun waluya sadaya | sikitan wontên [wo...]
--- 339 ---
[...ntên] kari | dening nagapasa | Dasamuka miyarsa | ngênês tyasira prihatin | cipta bêbaya | nangis sajroning galih ||
8. mupus prapta tyasira tuhuning raja | mati madyaning jurit | nglabuhi nagara | nungkula nistha papa | apês jêjêmbêri bumi | sigra angatag | gêgêdhuging bupati ||
9. mêtu aprang sira prawira Dumraksa | sawadyanira aglis | tur sêmbah samêkta | balanira Dumraksa | nêmbang têngara gong bèri | gurnang wurahan | kêndhang makêthi-kêthi ||
10. gambira sawadyanya wira Dumraksa | wus samya ambêg pati | paran yèn uripa | sira wira Dumraksa | gumrêgut malês sih gusti | kumrab wadyanya | bubul bêlêk ing kori ||
11. sêsêk dening wêtuning rata dipăngga | kuda jêjêl ing margi | praptèng jawi kitha | Dumraksa munggwing rata | mayuta makêthi-kêthi | bala rêksasa | umèb saking jro mijil ||
12. prapta dhandhang wurahan luhur gêgaman | angin mêsês ngênêsi | sagunging daludag | kabuncang ana suwak | kapulêt suwèk masêbit | sira Dumraksa | pratăndha sor kaèksi ||
13. nora miris punagi ing kautaman | bupati mati jurit | gumrit ratanira | pangirid kuda nama | si wêrka tate linuwih | ginawa aprang | prawira
--- 340 ---
duk ing nguni ||
14. mila nêmah solahe wira Dumraksa | bupati gêng pinilih | anggung sinung boja | pèni-pèni mas rêtna | myang èstri anggung pinaring | wira Dumraksa | singa nabda goranjrit ||
15. mulat sagung wanara mungsuhnya prapta | mangkrak mangiwung sami | gut-gutên ing aprang | nêpsunira prasamya | kênèng nagapasa wingi | ngambul sadaya | kumrutug nampêk jurit ||
16. balanira Dumraksa krura mapanggah | rame têmpuhing jurit | lir têdhuhing mega | isi mala durmala | mèh numpês isining bumi | bumi winisa | mangkana solahing wil ||
17. para mantri ditya kang mangsah tumindak | duminding bêksa piling | ana limpung kunta | manggala myang candrasa | kèh wre pêgat lambungnèki | ditya makantar | wre wira manglumpati ||
18. amrih kuwêl amrêp ing ditya pyah parah | wanara ingkang kanin | tan wruh tan rinasa | saking sruning kadarpan | pêpulihana ginandhi | mèh prapta nampak | kalênggyak mukya kêni ||
19. limpung kunta manggala prasu candrasa | ana wêtêng wre sêbit | rahnya muncar-muncar | kambah kèdêk prangira | wanara prawira kanin | ing wuri nunjang | kumrutug ngidêk wani ||
20. sangsaya sru riwuting ditya wanara | caruk rok silih ukih | pilih palu papal | pupuh-pinupuh
--- 341 ---
rêbah | jangkah-jinangkah ngakahi | kèh rangkêp kapat | tutug titih-tinitih ||
21. ana siyung-siniyung sêbrak-sinêbrak | kuku-kinuku sêbit | sumêbut kasilar | nêpak muka tinampak | apêlak nampak nampêki | mukaning ditya | pêcah bahu wre suwir ||
22. kadya jawah sela tala wre drêsnira | mêmandhêm wukir-wukir | darpanya kadahat | sagung bala wanara | riwut angidêk pêpati | butêng suranya | ngiwung awuru gêtih ||
23. kombak kambah kèdêk prange kang rêksasa | Dumraksa aningali | yèn ditya kasrakat | mangsah gumrit ratanya | mutêr limpung ngolang-ngaling | pangirid rata | ngilês wanara rujit ||
24. si wêrkasa kuda mamuk lumba-lumba | nujah wanara wiwrin | Dumraksa gêdhubyah | munggèng luhuring rata | limpung pidutêr[1] awêrit | amabit-mobat | tumpês wre kang nadhahi ||
25. Radèn Ramadayapati sigra mêsat | mandhi watu sawukir | munggèng asta kanan | asta kiwa kang molah | amiwir-miwir kumitir | kadya manyura | kirab mrih andon rêsmi ||
26. praptèng ngarsaning rata wira Dumraksa | Anoman ngadhèdhèri | mundur mungkur mêsat | mingêr nêngên angiwa | sêsamir milir kumitir | nêngên makanjar | muncar netranirandik ||
27. Dumraksa ngling hèh
--- 342 ---
Anoman sira mapag | lawasmu julig wêgig | ing prang papaksa purba |[2] ngorakakên ing lawan | ujêr durung olèh tandhing | buta gêgala | Dumraksa krura sêkti ||
28. padha buta ukur urip tanpa guna | oliha tandhing mami | duk ing nguni sira | wus basah awor lêmah | angling Radèn Dayapati | babo Dumraksa | dèn inggal payo jurit ||
29. mamrih popor apragola pupu jăngga | rok băndawala pati | atêpung wadidang | angadu tosing tulang | iki Ramadayapati | pinutra-putra | mring sang nataning bumi ||
30. Dumraksa ge mêsat saking rata dhêndha | Anoman anadhahi | sinabêt tan obah | limpung mubêng lir papan | sinabêt awanti-wanti | Radèn Anoman | malah saya mêrpêki ||
31. molahakên jaja amêmiwir asta | samir ngêlab ngawêri | dhadha krêp dhinêndha | marang wira Dumraksa | tan rinasa dènira mrih | têtêg tan tular | kêlar ingkang ginitik ||
32. kaku tyase Dumraksa wangsul mring rata | krodha mêmalu malih | saking rata nampak | tan osik gyan ginada | sira Ramadayapati | malês angagar | ing arga mandhêm aglis ||
33. angoncati wira Dumraksa tan kêna | ratanira kang kêni | rêmak [rêma...]
--- 343 ---
[...k] rêmpu rêmak | syuh lan turangganira | si wêrkasa sru kaswasih | moring pratala | Dumraksa krura angrik ||
34. mangsah dharat pamalunira Dumraksa | nêsêk awanti-wanti | Anoman ginada | tan osik mara dhadha | ngadhèdhèr rinêbut kêni | limpung Dumraksa | binuwang kontal têbih ||
35. dyan sinikêp sukune wira Dumraksa | binandul sarwi angling | hèh pongo si buta | Dumraksa andêl sira | sigra ingabên binanting | kalawan sela | rêmpu rêmak ngêmasi ||
36. bubar larut rêksasa karining pêjah | ngungsi jro kitha sami | wre surak wurahan | dewa manadukara | angudanakên wêwangi | mêmuji wijah- | wijah ring Sang Maruti ||
37. sadu dibyaa Maruti jaya-jaya | wre bujung ditya sami | malêdug sadaya | prapta sajroning kitha | katur ing Dasamuka glis | lamun Dumraksa | pêjah madyaning jurit ||
38. ngungun Prabu Rahwana asru ngandika | hèh Kampana dèn aglis | sira pêpuliha | patine Si Dumraksa | tumpêsên wanara aglis | nêmbah Kampana | mijil wadyaniratri ||
39. nêtêg kêndhang têngara bèri wurahan | bêgor gurnang wiyati | awahana rata | kêthèn bala rêksasa | sapraptanira ing jawi | wanara [wa...]
--- 344 ---
[...nara] mulat | Kampana mêtu jurit ||
40. saha bala kumêrap rêksasa gora | sabdanira krodha ngrik | Kampana angiglag | ngadêg luhuring rata | gandhewanira pinusthi | pan gangsal dhêpa | sapucang kêndhêngnèki ||
41. numung nungsung asu asang-asangsrangan | gurnita manundhungi | kumêdut bahunya | tan ajrih Sang Kampana | mênthang langkap nulya mijil | mêtu naraca | ngêbêki ing wiyati ||
42. wre mangruwak bala wor waringutira | pinapag têmpuh aglis | kèh wanara rêmpak | dening panah Kampana | kumêrcêk akèh nibani | wanara kêna | rampas akèh ngêmasi ||
43. tandang krodha Anoman anikêp kang tal | pinutêr kadi lori | kumitir nèng asta | Anoman mara molah | panah sinabêtan gusis | wangsul katimpal | papal panah kuwalik ||
44. mangsah buwang dhêndha tal Sang Bayusuta | sigra ambêdhol wukir | wukir watu krêstal | binopong gêbyar-gêbyar | kataman surya sênggani | lan netra muncar | lir baskara sêsiring ||
45. hèh rêksasa durcara agoragadha | saparanmu bupati | hèh ingsun Kampana | andêl-andêl punggawa | iki buta gutuk dhacin | dudu urakan | dudu papat sêtail ||
46. sira iki si bundhas [bundha...]
--- 345 ---
[...s] munyuk Anoman | ambêk wre nglêlanangi | bukrak kêthèk nistha | kodhik gawemu papa | pamadal pang kêna pidhir | apêksa guna | gul-agul gêgilani ||
47. ngayat kunta anggêro bahune mêngkap | hèh dik tan wurung mati | dening kuntaningwang | si tuwaburu nistha | pêksa angadoni jurit | sijis tan pira | mêsat kuntanira glis ||
48. luput datan kêna Sang Anjaniputra | mêrpêki dingkik-dingkik | pacêk gulu molah | miwir samir kumêlap | asta kanan bopong wukir | sigra Kampana | wus ingantêban wukir ||
49. dhadha dhadhal bahu bêntar rênyu timpal | Kampana angêmasi | gya bala wanara | kumrubut rêbut mêngsah | balane Kampana gusis | sirna wurahan | sakarine kang mati ||
50. ngungsi kitha katur ing Sri Dasamuka | yèn Kampana ngêmasi | langkung ngungunira | ruhara kang wardaya | tan panggah dènira linggih | mêmonang manah | lênglêng lunga kuliling ||
51. mamungu tyasira mangun abêbaya | midêr kèdêran sêdhih | ngadhuh ngadhah-adhah | sêdhih sayan kadhudhah | Dumraksa Kampana dhingin | pilih kang năngga | ing prang duk anom nguni ||
56. Sinom
1. kèndêl Sang Prabu Rahwana | nèng ngandhaping gapura ngling | ditya kang tungguk dinuta | timbalana paman [pama...]
--- 346 ---
[...n] Patih | Prahasta lah dèn aglis | sakapraboning prang pupuh | tan dangu praptanira | ing ngarsanira narpati | angandika Sri Mahaprabu Rahwana ||
2. hèh kayapa budinira | bupati kang tunggu puri | gêgêdhug nagri Ngalêngka | si wira Dumraksa mati | hèh sira paman patih | sapa yogyane kang magut | ngasmara pabaratan | wanara băndakalani | sapa yogya asiha praja Ngalêngka ||
3. Dasamuka wusnya mojar | Prahasta matur wotsari | dhuh Buminata Rahwana | punapa susah kang galih | yèn mêksih punang patih | dipun eca nèng kadhatun | masalah kang rumêksa | ing pura sri narapati | botên kirang pan agung bala rêksasa ||
4. pan kawula kang maguta | umangsah ngasmarèng jurit | dados lamaking nagara | nênggih pratăndha punagi | apan pun paman patih | pukulun sampun asêpuh | sêdhêng nanggulangana | ing praja Ngalêngka gusti | salamine dèrèng kambah parangmuka ||
5. saking tiwase pun paman | rumêksèng nagara gusti | ing mangke sampun ubaya | risaking Ngalêngka gusti | pun paman anglabuhi | yêkti wong tuwa katêmpuh | Prahasta mundur mêdal | sarwi luhira drês mijil | Dasamuka anusuli dana rêtna ||
6. pira-pira kang sêsotya |
--- 347 ---
gagănda myang makuthadi | wastra pèni-pèni pira | rata turăngga lan èsthi | kalawan dèn paringi | buta nujum kalih atus | praptèng dalêm Prahasta | mahom sêmadi kang kèsthi | dhanyang wolu pininta munggèng sarira ||
7. umastuwèng jaya-jaya | wus aglar wadya sang patih | sagunging mantri manggala | rêksasa samêkta sami | minum sawadyanèki | bojaning apatih pênuh | sagung para prawira | sinungan têtopong sami | lan karoncong kêkalung gêgêlang êmas ||
8. miwah gundhala mutyara | manike sacêngkir-cêngkir | samêkta bala Prahasta | kaprabon adining jurit | nêtêg kêndhang gong bèri | budhal balane panganjur | daludag andêladag | dalêdêg sêsêk ing kori | tanpa wilis balane Patih Prahasta ||
9. bêgor gurnang mawurahan | kêndhange makêthi-kêthi | wus munggèng rata gothaka | sira Prahasta apatih | kudanira pangirid | ing rata pan pitung atus | busanane kawarna | tinon lir wukir kabêsmi | ratanira Prahasta linimput ing mas ||
10. wiku-wiku kuna-kuna | Ngalêngka pangulah jurit | samya ngatêr kyana patya | sagung buta kaki-kaki | lan buta nini-nini | têtêkên pating kêthêk |[3] mêmuwus jaya-jaya | jayaa rêkyana patih |
--- 348 ---
tilasipun buta kang nguwisi karya ||
11. lêlêthêk nagri Ngalêngka | prasamya ngatêr ing margi | mangastuti jaya-jaya | anjayakakên apatih | suka rêkyana patih | para ciklu-ciklu mêtu | ngastuti lampahira | wangsul sajawining kori | sêkèthènge nênggih kutha ing Ngalêngka ||
12. abra busananing yuda | balane rêkyana patih | kadya baskara tumumpang | munggèng angganing kang wukir | gumuruh tanpa wilis | pira-pira untabipun | sagung mantri manggala | anggarêbêg kyana patih | lir sagara êrob wutah ing dharatan ||
13. daludag ewon pinăngka | alune kang jalanidi | wahana rata dipăngga | pindha karang-karang sami | anglud kang angin-angin | awor swaraning ditya gung | ingkang pinăngka gêrah | kakăndha kumlabing angin | ingkang măngka iwak sêdhêng lumba-lumba ||
14. pratăndha kasoran ing prang | kyana patih wus kaèksi | praptane calèrèt warsa | mole-mole angungkuli | lir ngalup ngulilingi | gêtêr putêran kumêtug | katon udan rudira | riris kêras angênêsi | kèh daludag sêbit punggêl tikêl pupak ||
15. Prahasta wruh yèn kasoran | nanging tan owah ing galih | rèhning amêngku parentah | among ing sri narapati | nora kêdhèp makingkin | dening kèh
--- 349 ---
dalajatipun | ala alamatira | matêguh tyasira patih | kautaman punagi mati ing rana ||
16. ing jawi kitha wus prapta | aglar rêksasa ngêbêki | dadi byuha arda căndra | gêlaring Prahasta patih | gêlaring wre jaladri | wutah ing dharat mangalun | angrèb sêsêk kumêrab | gumêrdêg wor tanna pilih | Sang Prahasta matag kang para manggala ||
17. angarahakên rêksasa | parêng mangsah ing ajurit | miwah kang bala wanara | parêng nêmpuh anadhahi | Susena Senapati | angatag wre sadayambyuk | ngêbyuki ing rêksasa | rame têmpuhing ajurit | kadya guntur-gumuntur rèh magênturan ||
18. rêksasa mantri manggala | kumrab mangsah rêbut dhingin | tandange kagila-gila | pepe dhêpe mungsuhnèki | wanara wira sami | angrok amupuh pinupuh | nanggala kunta cakra | candrasa badhama piling | rame têmpuh watu gunung lan wrêksa tal ||
19. têmpuh pupug maputêran | dêdêr-dinêdêr mèt tandhing | ingkang kapêndir kèdêran | rukêt marangkêp anarik | palu-pinalu pilih | pêlak-pinêlak apêluk | kyèh solahing ayuda | saut-sinaut kèh sêbit | wangke suwak rêksasa miwah wanara ||
20. balane Patih Prahasta | kyèh rêksasa sura sêkti |
--- 350 ---
tuwin ingkang tinindhihan | ditya akèh bêcik-bêcik | wanara kèh katitih | katindhih kêndhih gènipun | pinêlak dening singa | ingkang ginawa ngajurit | miwah gajah atusan saking jro kitha ||
21. bingung wanara prawira | kèh wangke parah manguwir | awor rah purusa abang | mrêbangbang pating saluwir | ditya marunggul aglis | anggêgila agul-agul | mandhêndha wre pracăndha | pracalita kèh kêpalih | rêksasa kèh wangke-wangke ngangkak-angkak ||
22. ngolang-aling palêlêngan | tan ana kang anulungi | dadya wil mulat mêlajar | ajrihing rewang kèh kanin | puthul cêngêl macicil | tuwin wre warata wuru | waringutên sangsara | rusak kang ayuda kalih | kêparèng wre kasrêging yuda kênaka ||
57. Pangkur
1. krodhanya Patih Prahasta | gumrit ratanira amênthang aglis | gandhewa satal gêngipun | kakêndhênge sapucang | linêpaskên saking jêmparing ambubul | ewon-ewon saking panah | nibani wanara sami ||
2. ginêdhêg malih panahnya | mêtu malih bêlêk saking jêmparing | ambubul mawur malêdug | panah atumpa-tunpa[4] | anibani wanara kèh kagum-kagum | ingkang rèntèng-rèntèng rantas | ana rangkêp tibanèki ||
--- 351 ---
3. wre sêmpal bahunya ana | sirah pêgat lambung buwak kasêbit | ana janggut pêgat saut | bahu kadya sêsawat | kumarutug panah manak satu-satu | sapuluh-sapuluh manak | satus manak sèwu malih ||
4. kang sèwu manak salêksa | angêbêki titip ngasmarèng jurit | wre sumyur mawur malêdug | kèh pêjah anggêlasah | kagyat mulat Narpati Sugriwa gupuh | angawe Kapi Anila | Prabu Sugriwa lingnya ris ||
5. hèh Nila ywa mênêng sira | nora nana wre kang pantês nadhahi | yudane Prahasta iku | liyane saking sira | yèku patih mêmatah patih kang sêpuh | patih kang mêmatah jagad | lah payo pagutên aglis ||
6. yudane Patih Prahasta | aja kurang wiweka dèn abêcik | sawusira wau tuduh | Maharaja Sugriwa | Nila aglis ta nangga rêntêsing kewuh | mêsat mibêr nambut dhêndha | randhu gêng tur randhu kuning ||
7. panjange sapuluh dhêpa | praptèng rana sampun yun-yunan jurit | Patih Prahasta andulu | hèh munyuk saparanta | kêthèk bundêr tanpa lambung kudu magut | Si Sugriwa mêtonana | kang pantês aprang lan mami ||
8. sira iku munyuk rucah | ambalênêk buh ngisor dhuwurnèki | kêthur-kêthur blak kêthuthur | kaya kêblak nèng lêbak | ingsun iki [i...]
--- 352 ---
[...ki] gung aluhur anèng dhuwur | luhur kabupatèn ingwang | pêpatih ngrèh para patih ||
9. ingong patih amisesa | pamanane marang jêng narapati | Anila sumaur sêndhu | hèh dik si gêlah-gêlah | pêksa luwih nampik tandhing ing prang pupuh | ingsun bae kang anglawan | sagêndhingmu ing ajurit ||
10. ingsun prawira Anila | nadyan padha bupati tuwa mami | ing ayuda pan gêgêdhug | payo aprang lan ingwang | pijêr-pijêr ngucap-ucap gora wuwus | cangkême andhêlak dhêlalak |[5] kodhik rêrêgêding bumi ||
11. si lêlêthêk sabuwana | kacocotan payo rok rêbut pati | Prahasta krodha brakuthu | aniyangakên langkap | mêtu panah saking gandhewa ambubul | dalêdêg arak-arakan | mayuta makêthi-kêthi ||
12. ngêbyuki Kapi Anila | tadhah dhêndha randhu amobat-mabit | sinabêt ing randhu mawur | malêdug singsal kontal | mênthang malih Anila sigra tinuju | luput Anila tan kêna | pinacar wutah tan kêni ||
13. Anila tuhu widagda | luwih bangkit waskitha ing ajurit | syuh hru katimpal kapêluk | pêluk ingkang sanjata | sangsaya gung Prahasta jêmparingipun | gunge panahe Prahasta | kadi upama jaladri ||
14. Sang Nila
--- 353 ---
kadya badhawang | mukanya lir rodra kamuka bahni | jala padhaning kang randhu | ingkang gêmpung sanjata | lir pawaka Prahasta sanjatanipun | panas landhêpe kalintang | nanging wre kang ambrasthani ||
15. Kapi Nila kadya mega | anglir mêndhung dhêndha ingkang nibani | ing patih sanjatanipun | agni sirêp ing toya | ping sèwu pan kya patih pamanahipun | pan datan tumamèng ăngga | Kapi Anila tan sakit ||
16. gumrit ratanya apatya | marêpêki amanah wanti-wanti | Kapi Anila pan luput | saking putêring dhêndha | lir bêlabag abundêr nèng astanipun | tangane nora katara | mungsêring dhêndha tan sipi ||
17. dhêndhanya malah gumilap | saking sangêt kongsi bundêr kapati | mangsah ngiwa nêngên maju | sarwi astane molah | ngagar dhêndha lah lah lah pamuwusipun | Prahasta sinabêt dhêndha | jajanira ingkang kêni ||
18. kya patih datan karasa | lir cinakar malah lir dèn pijêti | Prahasta pangrasanipun | sayahe dènnya manah | lir pêpijêt Anila pamalunipun | dadya kras pamênthangira | langkape rêkyana patih ||
19. kumêbul wêtuning panah | tanpa gawe wre Nila tanpa kêni | sangsaya tis panahipun | sayah dangu mêmanah | sang prawira Nila mêrpêki tumanduk |
--- 354 ---
ing dhêndha wêdananira | mengo cêcêngêle kêni ||
20. pingkêl kapanggêl Prahasta | gèdhèg-gèdhèg cêngêl karaos sakit | pinindho ratane rêmuk | malumpat sang apatya | wre gumuruh surak lir gora gumuntur | suka kang samya tumingal | yudane prawira kalih ||
21. kya patih langkung bramatya | dene ratanira rêmuk ginitik | sinrêg runtuh kabarubuh | sigra nyandhak musala | putus ingkang pucuking musala sirung | mangsah kya patih krodhanya | angayat musala aglis ||
22. Nila wus mangundha dhêndha | parêng têmpuh por por pur putêr kalih | kalihe darpa mêmalu | sarêng mundur anganan | Nila ngeri bêksa mamrih solahipun | Prahasta akiprah-kiprah | Nila midêr angunduri ||
58. Durma
1. mangsah mêrpêk prawira Kapi Anila | samya cukate kalih | Prahasta dhinêndha | Anila sru kinunta | Prahasta badhonge kêni | pèpèt lan awak | Anila datan busik ||
2. wakniralot tan tular katiban kunta | winawas kadi wêsi | kêna ing musala | kêthip-kêthip kewala | maringis angiwi-iwi | mêre wurahan | gêmbor gêrêng apatih ||
3. ing ngawiyat umung wuntu para dewa | suka anêningali | ngudanakên kêmbang | muwus manadukara | Anila
--- 355 ---
prawirèng jurit | apatih sira | ing aprang olèh andhing[6] ||
4. sigra mingêr adhêndha Kapi Anila | kawaca kêni malih | mukêt kêkêt lawan | karakêt lawan awak | patih angluh kadi kanin | ngrukêt andhêndha | dhêndha-dhinêndha sami ||
5. umrêng kalihira dènnya sru kabangan | gapyuk pyuk manêmpuhi | uwal sarêng singsal | mèt malu maluwaran | midêr kèdêr angidêri | inêr-idêran[7] | dêdêr-dinêdêr sami ||
6. ukêl tindak mantri prawira apatya | musala sru kumitir | prawira Anila | tindak suku supatra | pêsatnya anyêndhal aglis | mundur lêlewa | manglung molah jănggèki ||
7. sêbut mêsat angungkuli mring apatya | sigra dhêndha lumingsir | Prahasta anjingkat | nolih nabêt musala | Sang Anila miwir samir | dhinêndha tadhah | gadhug glis anglumpati ||
8. Sang Nila wèh kêndho ngêdhèdhèr solahnya | Prahasta amukuli | Anila tan obah | kumêdhèp lagi nora | nulya marambating gitik | Kapi Anila | gêdhêg rêkyana patih ||
9. mundur mungkur dingkik-dingkik Sang Anila | nolih modong mudiding | kêmba tindakira | agung manglung kang jăngga | yèn mangkêrêt gulunèki | mangkrêt buntutnya |
--- 356 ---
yèn madodong marêngi ||
10. jăngga manglung buntute nglawèr apanjang | astanira kumitir | mara mêndhak-mêndhak | pinalu mring kya patya | sêbut mingêr milar mulir | musala dhêndha | udrêg-udrêgan angrik ||
11. sêluran lir angin-anginira molah | tugur makêrtêg sami | pyuk marangkêp samya | gapyuk parêng tibanya | amêngkul-pinêngkul sami | cêngkah-cinêngkah | ukêl-ingukêl kuwil ||
12. kuwêl kontal kasingsal parêng mring têbah | gapyuk parêng nêkani | ulêng alinglingan | lêbu milya ubêkan | mêlêk ing papan ngêbêki | mubêng lir cakra | cakar-cinakar mangrik ||
13. ukêl kêkêt marangkêp rapêt wagyutan | rêbah guling-ginuling | parêng gêgulungan | lir cakraning gilingan | kadya kalanging panggiling | gumulung têbah | tiba pinggir pasisir ||
14. lêbu mêlêk ibêkan anglud putêran | lesus mulês malêsi | sumaput kalihnya | ing lêbu kêsaputan | tan katon kang yuda kalih | lêbu kewala | ulêke kang kaèksi ||
15. umêr maliwêran gumilir nèng ngandhap | gênti kang anindhihi | kèdêr dêduluran | nèng pinggiring samodra | mêsat sarêng wangsul kalih | uwêl-uwêlan | kumêbul tan ngênani ||
16. pan ingusir Anila sêparanira | pan sarwi [sar...]
--- 357 ---
[...wi] dèn gitiki | Anila tan kêndhat | dharusul mring jêjurang | anênggiling api mati | mulat ing sela | itêm têpining trêbis ||
17. Kyana Patih Prahasta nèng wurinira | mangisor tinutwuri | Anila mring ngandhap | Prahasta nèng luhurnya | gadhag-gadhug anggitiki | Anila nyêndhal | sela kras tan kêtawis ||
18. rikat saking pêsate Kapilanila[8] | kungkulan kyana patih | mumbule Anila | sigra binandhêm sela | kêna sirahe kya patih | kantêp kapêtak | rêmuk sirahing patih ||
19. rêmukaning sirah amblês maring jaja | utêke kocar-kacir | wingsilan kasingsal | tikêl sariranira | bêbadhong mor kulit daging | bêbalungira | rênyuh awor lan gêtih ||
20. rahnyabang sumirat kadya dhatu muncar | tan beda lawan wêsi | abang duk binakar | cinêlubabên[9] toya | kumêcus nora mindhoni | Patih Prahasta | babar pisan ngêmasi ||
21. kadya wêsi abang pinalu sumêbar | mangkana rahnya patih | balane wurahan | sakarine kang pêjah | balêdug mawur angisis | angungsi kitha | wanara samya ngungsir ||
22. katub kuwur gègèr rêksasa jro pura | busêkan sanagari | katur ing sang nata | yèn kyana patih pêjah | gumuruh swaranira tangis |[10] bala wanara | gêbèl samya [sa...]
--- 358 ---
[...mya] nyuraki ||
23. pan kalimput sajawining bata kitha | Dasamuka winarni | kagyat duk miyarsa | patine kyana patya | acum Dasamuka nangis | gupuh adêgnya | nèng patiganing kori ||
24. mujar sarwi ngusapi luh Dasamuka | hèh sarupaning kang wil | kang anèng paseban | padha gugahên enggal | Si Kumbakarna aguling | tan wruh ing warta | tinêkan brăngta kingkin ||
59. Asmaradana
1. Kumbakarna yèn aguling | nora nganggo kira-kira | ambêke pan kaya kêbo | têka ngên-angêne wuta | sigra bala rêksasa | gumêrah samya lumayu | mring ênggone Kumbakarna ||
2. pira-pira kang rasêksi | kêthèn ayutan prasamya | anggawa kêndhang bèrine | têtêg sadaya tinêmbang | gong bèri mawurahan | tinitir kêndhang gong sèwu | gumuruh sarwi asurak ||
3. Kumbakarna tan anglilir | kang anggugah sami sayah | malah akiyu bahune | dangu dènnya nabuh kêndhang | gong bèri mawurahan | tan osik dènira turu | sira Arya Kumbakarna ||
4. rêksasa kaku tyasnèki | sakathahe kang anggugah | samya ngambil gêgamane | badhama parasu kunta | limpung miwah nanggala | pinukulakên jêjêngku | ana tuwêke kinarya ||
5. nojohi [no...]
--- 359 ---
[...johi] wadidangnèki | candrasa ingkang kinarya | nyênyublêsi walikate | tan măntra-măntra wungua | wong agung Kumbakarna | kaku tyas ana anguku | kêkupug datan karasa ||
6. sigra prasami angambil | rata limang atus prapta | kuda dipăngga wus dene | ingambahakên ing jaja | rata sinabêt samya | turăngga pangiridipun | taline samya pinêkak ||
7. dadya lumba-lumba sami | sagunge rata nèng jaja | turăngga têtêgar kabèh | sarta surake wurahan | prandene Kumbakarna | tan măntra-măntra awungu | prasamya kaku tyasira ||
8. liring umpuk-umpuk nênggih | sangsayeca dènnya nendra | kadya kinêbutan bae | ana kang ngantêbi sela | pêpolok talapakan | nora osik nora sêgu | tan owah panglugurira ||
9. dadya prasami asêdhih | kèndêl kaku ing tyasira | ana buta tuwa dhewe | anjapani wêwisikan | alon panglilirira | sêgu lir galudhug sèwu | lungguh angusapi mata ||
10. mawur ditya alit-alit | mantrine dhêku kewala | Kumbakarna pamuwuse | anapa ingsun ginugah | ditya mantri turira | pukulun timbalanipun | raka paduka sang nata ||
11. paduka manjinga puri | prakawis [pra...]
--- 360 ---
[...kawis] praptane mêngsah | wanara ampuh yudane | kathah bupapati kang pêjah |[11] tumpês sawadyanira | Prajăngga Pragăngsa lampus | Mintragna lan Wirupaksa ||
12. Brajamusthi Jambumangli | Puthadaksi wus palastra | Pratamadaksi parênge | miwah prawira Dumraksa | andêl-andêl sadaya | lan rama paduka lampus | Rêkyana Patih Prahasta ||
13. sigra mangraupa salin | agêgănda asêsêkar | prapta tumpêng lan wuduke | lan kulub-kuluban gajah | miwah pêpêcêl kuda | pira-pira gucinipun | isi badhèg lan wêragang ||
14. kuluban gajah binukti | rangkêp sapuluh pinangan | adhêdhêg anèng ngarsane | miwah guci-guci têlas | badhèg lawan wêragang | kulub-kulub kadi gunung | tan adangu babar pisan ||
15. tan ana kumluwêr gusis | tumpêng pirang-pirang lêksa | pirang kêthi tumpês kabèh | wusnya dhahar Kumbakarna | lajêng marang jro pura | prapta ngarsanira prabu | Dasamuka ngawe sigra ||
16. majêng sarwi awotsari | katingalan kakangira | Rahwana acum ulate | kêkêtêge sumyar-sumyar | rumaras katingalan | ulate abêngus-bêngus | ngrarêpa dènnya ngandika ||
17. ah ariku sun tuturi | kasor kaluwihanira | têka pijêr turu bae | mungsuh wanara digdaya |
--- 361 ---
măndraguna paprangan | kèh bupati ingkang lampus | kang padha kawilang guna ||
18. êntèk andêl-andêl mami | katitih prawirèng yuda | mêngko tan ana bobote | apês mungsuh lan wanara | nguni kang nglar jajahan | ngrupak jajahaning satru | tumpêsan dening wanara ||
19. malah pamanira mati | iya Si Patih Prahasta | iya kari sira dhewe | sirnakêna mungsuhira | Si Rama Si Lêksmana | Si Sugriwa aja kantun | Anoman lawan Anggada ||
20. pususên kabèh yèn bêsmi | yayi kang bala wanara | apan sira sêlawase | luwih kaprawiranira | têtêp digdayèng yuda | tan ana kadya sirèku | kaojat ing tri bawana ||
21. katon asihira yayi | trêsna maring kadang tuwa | iya sapa kaya kowe | wus kêtêr isining jagad | tumon kasêktènira | Dasamuka wusnya muwus | kang rayi lon aturira ||
22. asêndhu nanging aririh | Kumbakarna aturira | lah puniki pinanggihe | wong atinggal parikrama | ing nguni sampun kathah | kang ngaturkên ing rèh tuhu | mila paduka tan arsa ||
23. kêlangkung mumpanging yêkti | amung anggunggung sarira | mangke mêkatên dadine | amung arda puha-puha | naputi amisesa | sapa ngalahakên ingsun |
--- 362 ---
prawira ing tri bawana ||
24. yèn dhahara atur bêcik | apan ora kêkurangan | asor ungguling karaton | adhine dhewe Gunawan | undhagi wicaksana | nora nana kang ginugu | atur kang amrih raharja ||
25. nalika gunêm ing nguni | sadurunge têmpuh ing prang | padha amrih rahayune | kang guna-guna wiweka | prawira rèh utama | kabèh tan ana rinungu | pinailakên kewala ||
26. bulahanaa ginalih | saking pelinge Gunawan | pitutur linêbur kabèh | dene iki nora salah | kang duwe atur samya | kang ngarani boting mungsuh | dene padha kalampahan ||
27. punggawane akèh mati | mungsuh wanara ing kana | durung kalong bêbêcike | prawirane wutuh ayam | Ngalêngka têtumpêsan | bêbêcike datan kantun | mungsuh mung kalong kang ala ||
28. ujar waluyaning dadi | raharja ajur kewala | kalulun kèlu ngalane | kang sami amrih raharja | têtêpe siniwaka | kawangsul kang amrih ayu | kolu kang amrih dursila ||
29. Si Arya Wibisanèki | ature kaliwat-liwat | ênggone amrih bêcike | pan ika nora angawag | matur ujaring cêtha | wus omah wiweka putus | waskitha jroning [jro...]
--- 363 ---
[...ning] sri nata ||
60. Sinom
1. pan Si Arya Wibisana | Gunawan sarjana niti | wruh wêkasane kang ala | lawan wêkasane bêcik | panggawe durung lair | Si Wibisana wus wêruh | matur saking gêng trêsna | ing kadang tuluse mukti | lan tuluse ngratoni bumi Ngalêngka ||
2. parandene wèh tinukar | dhinupak maksih ngaturi | kaku tyase nulya lunga | sabalane têmah balik | wong agung Dasarati | sujana marta pinunjul | wiweka sadu budya | aparikrama sayêkti | nuli kanthi Si Gunawan Wibisana ||
3. adu manising sudara | kaluhurane muwuhi | wong agung Ramawijaya | dene Si Wibisanèki | nagri Ngalêngka iki | ênggone wong busuk mumuk | mala murka dursila | niaya sikarèng bumi | iya apa margane mênanga aprang ||
4. wuta tuli ring upaya | si kaki milu nuturi | anuta mring Wibisana | yêkti anêmu basuki | mung siyunge dèn isis | sapa sira sapa ingsun | ratu jayèng bawana | ngaku lêlananging bumi | ya pagene prihatin kasoran ing prang ||
5. mung sukane pinujia | tan obah ing atur yêkti | ana sêsamaning raja | kang pantês kinabêktèni | tan arsa angabêkti | mungsuh tan patut minungsuh | mung panganggêpe uga | amunjuli
--- 364 ---
ing sabumi | tan wruh lamun nuraga kèrêm samodra ||
6. apan ta nistha paduka | kadi balumbang tan mili | sukêr rêgêd nora kentas | dadi sukêr tanpa kardi | kumaruk tuwan nênggih | kadi kawula satuhu | pan sarira paduka | kadi alun tanpa uwis | tanpa wêkas budine anggung purusa ||
7. kasukanira upama | kudu-kudu angungkuli | maring saisining jagad | krodhanira kang upami | ampuhan mawor riris | păncawara guntur kêtug | ing kaluwihanira | parikramaning narpati | mega dhêdhêt amêtêngi sabuwana ||
8. kudu krura amisesa | wasa-wasa anguwisi | murwani ing bumintara | aywana kang kaya mami | têmah winisesa glis | dènnyambêg luhur ginêmpur | misesa pinarusa | marang ing wanara yêkti | kamuktène pinèt ing satru utama ||
9. rahayunira tan ana | kudu badhog wong sabumi | anyapit barang katingal | mêngko ana kang nêkani | sarpa lêmpe tur cilik | tan katêngêr dènnya naut | pagene gundam-gundam | gêro-gêro sambat mati | aran kudu misesa isining jagad ||
10. cinokot sarpa karasa | ulane kuru tur miskin | alêsu tan bisa obah | kontal kentir dening warih | atipis sagodhong pring |
--- 365 ---
nora nyokot tanpa nganggur | margane pan dèn idak | silêmpe panyokotnèki | nora wirang gundam-gundam sambat pêjah ||
11. saengganira baita | panarik pangrèhirèki | kamudhi pandoman sirna | nyananira kang upami | lunas tan ana kèri | sungkêmira ing Hyang Guru | ingkang upama tiyang | wus tikêl nora mandhiri | trapsilanta upama minăngka layar ||
12. katut punggêling têtiyang | layar suwèk rowak-rawik | sêbit rujit rinaranjap | pandoman sirna wus kèli | baitane upami | nèng gêdhong wêsi tinutup | soroge nora nana | baita tinêmpuh ngangin | rêmak rêmpu malêdug sumyar nèng toya ||
13. tibane liwat kasrakat | sabature kèsi-kèsi | ukume angrusak jagad | wêwalêse anêkani | murka niaya yêkti | winalês ing ajur mumur | saturune tan kalap | singa kang ningali sêngit | saparane sinarang kasurang-surang ||
14. ngajak druhaka ngakathah | ujar jênênging narpati | mulane tan kêna salah | anggêgawa wong sabumi | ratune minăngka wit | wadya punggawa pangipun | pang agung kang nayaka | pang alit mantri lit-alit | godhonge pan sakèhing wadya sadaya ||
15. wit rêbah măngsa karia |
--- 366 ---
pang godhong gung alit rujit | wèh upata sanagara | mati-mati salah sami | durung tumon narpati | kadi paduka andarung | akèh ratu danawa | Ngalêngka ing nguni-uni | nora nana duwe tindak goragadha ||
16. mulane tulus raharja | si buyut lawan si kaki | padha asih ing utama | bêkti ring para maharsi | asih samining aji | kang duwe tindak rahayu | ing mêngko kadi ngapa | sira gawe ora bêcik | sêlawase nora kambah parangmuka ||
17. iya nagara Ngalêngka | sira kang gawe bilai | apa ingkang pinanggiha | ratu kang mêngkene iki | nusahkên wong sabumi | nusahkên ing kaki ibu | kabèh wong tuwa-tuwa | susah saking sira mangkin | jêr cok anggung amidosa tanpa dosa ||
18. ana undhagi utama | prawira waskithèng wangsit | putus titi tri buwana | dhasare kadang pribadi | kapati angaturi | Wibisana tan ginugu | pijêr melik tumingal | sang dyah ayu salah kapti | kaya nora tau mulat wanodyendah ||
19. mas rêtna sajroning pura | ewon wanodya kang bêcik | dadi tanpa dadi ngapa | mundhak angurub-urubi | barana dadi gêni | kayu aking wanodya gung | têmah murub kewala | basmi Ngalêngka
--- 367 ---
nagari | lah ta aja susah katêkaning mêngsah ||
20. apan ta anggêp paduka | sapolah-polahe yêkti | sarèh patêmên kewala | nganggo bênêre pribadi | dèn sandhanga ing mangkin | ana bilai gêng rawuh | aja angajak-ajak | nistha lakune kinardi | ngungkurakên rêmbug sanak wong atuwa ||
61. Pangkur
1. nêngna ture Kumbakarna | ngêmpakakên pamêlèh duk ing nguni | sakèhing titah kang luput | Sang Prabu Dasamuka | krodha muntap lir tinêpak mukanipun | malatu-latu kang jaja | sumung winga-winga wêngis ||
2. gonjit palăngka sru mujar | hèh hèh hah Si Kumbakarna lumuwih | sukêr jajêmbêr rus-marus | lêlêthêk alêlêksan | sukêr kêthèn amis bacin beca-bècu | angucap kang ora-ora | huh apa guna baribin ||
3. muwus tan nganggo ungkara | dudu-dudu jar kang patut kawijil | ana wong dèn wèhi wêruh | dadak angundhat-undhat | rada sênggrang Rahwana dêdukanipun | ing batin ora patia | dêdukane mring kang rayi ||
4. tanpa gawe ngujar-ujar | tangguh apa pamane angêmasi | têka dadak anggadêbus | măngsa ngong nyênyambata | maring sira yèn wis mêtu krodhaningsun | măngsa wurung dening sira | yèn ingsun [ingsu...]
--- 368 ---
[...n] krodha ing jurit ||
5. lah lah hèh hèh liwat-liwat | mêmêtokkên sêktine mungsuh mami | hah hah dhêkoka dhangkamu | nèng kene apa guna | Dasamuka wus kathah dènnya bêbêndu | dyan sang ari Kumbakarna | umadêg gadgadèng jurit ||
6. angambul agrêng gurnita | swaranira gora rèh angêbêki | wiyat lir galudhug sèwu | gêtêr patêr wurahan | wukir horêg agranya guntur-gumuntur | kumucak pyuk ombak bangkat | arga rug kagiri-giri ||
7. anggro tumindak Sang Arya | Kumbakarna kadi bêlah kang bumi | gara-gara rèh gumuruh | prakêmpa mawalikan | gagat wagyut gumlêgêr rêg guntur têtug[12] | kadya bubul bumi bêlah | busananira ngajrihi ||
8. makutha mas ginapura | bêbahone pinucak manik-manik | sinung sotya abra murub | bêbadhong gandhowara | pêkak bahu-bahu warna mantên murub | yèn tinon sariranira | pan kadya wukir kabêsmi ||
9. mabyungan ngêbêki jagad | lir Bathara Kala lagi nêdhaki | buwana arsa ginêmpur | mèh anyalini alam | singa mulat sabawa takut umingkus | balêrêngên pan kantaka | kaplêngên mêcahnèng kuping ||
10. kadya prabata Malyawan | kasor kadi baskara netra kalih | ringih-ringih mukanipun |
--- 369 ---
kadya prabata sigar | kagyat kang wre ing jawi kitha kang ngêmput | ing jro kitha ana swara | gora rèh kagiri-giri ||
11. mêngkab bênggangi ing kitha | mapan angrèb wanara ngati-ati | agolong-golong angumpul | sajuru-jurunira | tan antara lan sagung prawiranipun | samya narka Dasamuka | kang badhe ngawaki jurit ||
12. pêtèke durga ruhara | sato-sato gusis lumayu ngungsi | ana guwa ana gunung | gununge moyag-moyag | bubar malih ngungsi jurang-jurang parung | wau Arya Kumbakarna | kang krodha samargi-margi ||
13. tan pae Mèru gêngira | malongo lir guwa granane kalih | napas mêtu ngênguruwung | nguwêng-uwêng ampuhan | rodra kerid naro ri rat buta pêngung | êngung-êngung aliwêran | wrêksa rug rêbah kabalik ||
14. kang siyung kadi siyungnya | duk Bathara Kala anggaru bumi | kumilat-kilat malêdug | tinon saking mondrawa[13] | sindhung riwut graning gunung ngundhung-undhung | silêndhung dhangdhang wurahan | umung rubung manambêri ||
15. prapta mega bang marbangbang | wor andaru runtuh wor wira-wiri | udan rudira wor usus | kumêdut mukanira | kêkêdutên bahu gênjot kêdut-kêdut | pratăndha badhe sor ing prang | akèh dalajat kaèksi ||
--- 370 ---
16. upatarya Kumbakarna | datan gigrig tyasira ambêk pati | sangsayardanira darus | darpa drês sudarsana | tyas amêngku têtuladan rèh pinunjul | liring satriya utama | mati angadoni jurit ||
17. nanggulang praja Ngalêngka | praptèng jawi kitha sang aryanjrihi | pêtak gora guntur kêtug | kagyat bala wanara | kang wrêksa puh papal punggêl kabarubuh | horêg wre arêbut papan | kumrutug parêng ngêbyuki ||
18. makêthi mayuta-yuta | lir prabata Arya Kumbakarnèki | lir mega naput anglimput | sagung bala wanara | datan katon sang arya sariranipun | bêntêt kang bala wanara | agêbèl atap atitip ||
19. sadumuk tan ana sêla | sirah kuping jêjêl kanggenan sami | wanara tumpuk makumpul | ngawake Kumbakarna | rêbut ênggon kumrêsêk susun matimbun | misih angrèb kang angrangsang | parangrang nora ngunduri ||
62. Durma
1. pinarbutan sira Arya Kumbakarna | dening wre alit-alit | samya suka-suka | mêmandhêm watu ana | mêmupuh mangruwêk nyêngkrik | ing kuku nyakra[14] | andugang andhupaki ||
2. mamrêp nêpak nampèl mandêmak manampak | dêdêl anjêjêg jênggit | malu-malu ing tal | munggar agraning [agra...]
--- 371 ---
[...ning] arga | anggarut naut siyung glis | anjujur jaja | jinajah anjojohi ||
3. kèh solahe wanara amrih upaya | kumrêsêk sêsêk sami | nugang idêpira | bancang pat bancang lima | sapuluh-puluh gitiki | angogak-ogak | idêpe datan osik ||
4. pinarunggul idêp satunggal tan gigal | watu tan miyatani | sumyur tibèng jaja | palu tal singsal timpal | ajur mumur tan nêdhasi | wre samya sayah | kang anèng sirah sami ||
5. kêpanasên angaub marang talingan | atusan sami dhêlik | ngiras nyêbit mubat | nyiyung anguku mangkas | Kumbakarna nora busik | krodha risinya | malês astanira glis ||
6. ngurut ngrêmêd ewon kang bala wanara | kawênyêd[15] kèh ngêmasi | wanara lit kathah | kinipatakên mêsat | kapalêsat tiba têbih | rêmêk palastra | wangke manguwir-uwir ||
7. wanara kang agêng dêdêge cinandhak | binantingakên aglis | kang sinêmpal-sêmpal | putus tatas karantas | ginitês landhêsan wêntis | pêcah kang sirah | rah samya dèn inumi ||
8. wanara kang kasêrot ngirung atusan | mati kabêntus ngupil | papal pupu timpal | akèh rênyuh kêmamah | miwah kang ginawa wahing |
--- 372 ---
sumêbrung sêbrang | karangkang tibèng siti ||
9. ewon-ewon lêksan kêthèn ingkang pêjah | miwah kêsandhung sikil | atusan kang pêjah | katundhung lungka-lungka | kontal katampèl ing sikil | atusan pêjah | miwah limpungirèki ||
10. mobat-mabit kang kinăntha-kăntha ring mas | sakêthi lêksa kêthi | nibani wanara | pira-pira kang pêjah | rênyu lir katiban wukir | rêbah balasah | krura Kumbakarna ngrik ||
11. rodra sangkin agalak Sang Kumbakarna | riwut kawuron gêtih | durbala wre pêjah | muncrat muncar rah sumyar | kang katênggêl akèh sêbit | rusak wangkenya | kang kapipit katapis ||
12. kèh warnane patining bala wanara | giris kang kari miris | mulat Kumbakarna | kadi Bathara Kala | krodhèng dharat gêmpur bumi | mangan-mangan rat | marunggul gêgilani ||
13. gègèr mawur malêdug bala wanara | giris akèh angungsi | ing gunung Suwela | ana ngungsi ring guwa | jurang-jurang dèn êbyuki | mati ing jurang | pati susup-susupi ||
14. akèh matyèng pêpèrèng parung sinêrang | ngungsi ngrangsang pring ori | kasusu takutnya | mati rêncêm wangkenya | ana angungsi mring tasik | akèh mring tambak | tunjang-tinunjang pipit ||
15. kambah gugup sètubănda [sè...]
--- 373 ---
[...tubănda] layu oyag | jêjêl kang anèng têpi | katampak ing ombak | mati kabêntus tambak | solahing wre kawlas-asih | saparan-paran | kang samya ngungsi urip ||
16. ana kang mêmènèk waringin asoka | bulu miwah kasambi | wus isi wanara | biyêt awoh wre samya | horêg sol rêbah kabanting | kabotan samya | pêjah tindhih-tinindhih ||
17. ingkang mènèk ing arèn aruntung samya | muntêl ing êduk guling | saking sayahira | arip danguning aprang | ana kang rumangkang kanin | mati kaidak | ing rowange pribadi ||
18. ana ingkang aturu têpine tambak | sêsêk kasrêg tan kosik | katundhung katunjang | tunjang-tinunjang pêjah | tundhung-tumundhung mrih aglis | pangungsinira | mati katampak têpi ||
19. wangke wungkak katêkuk pipit katêkak | mangantak-antak mati | ana kang arikat | praptèng wukir Maendra | guwa goning mong dèn ungsi | saking mirisnya | tan wruh matiyèng trêbis ||
20. tan wus lamun ucapên jrihing wanara | kang samya ngungsi urip | padhanging paprangan | adya[16] bêndungan bêdhah | larut katêrajang banjir | lajêr kewala | wanara pra dipati ||
21. merang mulat sira Radèn Baliputra | dening wadya wre gusis |
--- 374 ---
krodha madêg tandang | Sang Rajaputranggada | lir pêtak swaraniranjrit | gora lir gêlap | saking doh swaranyatri ||
22. ambêgnya gul-agul mananggul nanggulang | tumunggul manggalani | wre kang duryasèng prang | ingujaran patanggah | kang têtêp pratamèng aji | tuhuning wira | ywa wirandhungan pati ||
23. hèh hèh hèh hèh sakèhmu bala wanara | padha lumayu jurit | apa gunanira | wanara tanpa karya | ala-alaning dumadi | dadi tongtonan | prang padha wêdi mati ||
24. yon[17] kopadha ngarêpakên tuhu dadya | balia ing ajurit | tuduh kang utama | mati sajroning aprang | sura sudira ing jurit | apan tan ana | kautamaning dadi ||
25. yèn duraka ing aprang ilang sêtyanya | wêkas-wêkasing dadi | kadar wong agêsang | apa ta kang sinêdya | sukan ala kudu bêcik | apa ta guna | milu umagut jurit ||
26. yèn tan ana mamrih bêciking wêkasan | tiwas têmên ing urip | patining urakan | apan sagunging titah | lumrah angarah kang bêcik | yèn kudu ala | tan pantês anèng bumi ||
27. nora pantês milu mulat surya căndra | apan jatining yêtti[18] | apa kaluwihan | liya pangulah puja | sêmadi tan ana malih | jroning paprangan | luwih
--- 375 ---
saking sêmadi ||
28. kang minăngka dupa asmaradilaga | têmpuhing satru sêkti | upama pawaka | suranirangkên dilah | urube marang sêmèdi | prawiranira | gêntha kêlèng upami ||
29. wijah jiwanira sêsajèn upama | têmênira ngaurip | anglakoni karya | tuduhing maharaja | yêkti anêmu kang pinrih | ing kuna-kuna | ana tuladan luwih ||
30. yèn tinggala tuladan papa druhaka | dadining puja yêkti | umangsah ing mêngsah | amunah satru sura | tanpa sesa ing ajurit | mèngêti aprang | Bathara Otipati ||
31. tuhu Sang Hyang Jagad Pratingkah kang molah | asor ungguling jurit | mila tan ajriha | pati pêpati jagad | pahoman puja tan dadi | ilang ciptanya | ambêg papa sabumi ||
32. kawêtu ring wêwilanganing tumitah | wus nora dèn akêni | marang kang anitah | ing bata ijab-ijab | dosane kang wêdi mati | yèn sura ring prang | matèni satru sêkti ||
33. pamukira kurah rudira pinăngka | patukuning swargadi | nêmu sarwa boga | jêrih nêmu naraka | sura suwarga pinanggih | sakulagatra | tuwuk tan anèng wuri ||
63. Pangkur
1. sagunge bala wanara | duk miyarsa Anggada mituturi | pitutur sastra satuhu | kang sura sudirèng
--- 376 ---
prang | nora kurang winalês ing sawarga gung | sinêksèning rat sadaya | yèn ingkang ajrih ing jurit ||
2. nêmu sakathahing papa | papèng jagad sagung wre kang miyarsi | kadi kinilèn tyasipun | mangkarag wulunira | samya surak swarane umung gumuruh | sadaya bangun tyas sura | kumrutug samyambêg pati ||
3. gumuruh kang lagya prapta | wus anambut gêgamaning ajurit | wrêksa tal lan kayu-kayu | watu-watu lan arga | sela tala kumêrab angrèb supênuh | mastuti ring Sang Anggada | sagung wre samêktèng jurit ||
4. mangkrak prakatha wurahan | wanara lit-alit samya angambil | anyêmpal pang kayu-kayu | kumrusuk awrêk samya | umèb ingkang kantun prasamya angumpul | jêjêl-jinêjêl mrih papan | atub atimbun ngêbêki ||
5. ing asmara pabaratan | Kumbakarna obah mungsuhe prapti | anggêrêng gora gumuruh | yayah manêngkêr wiyat | napas ingkang grana nguwêng-uwêng nguwung | pêngung-pêngung mangampuhan | sumrawang gung angin-angin ||
6. mabyungan bala wanara | parêng mangsah kang wre para dipati | Anila Jêmbawan ngayun | Anggada Bayusuta | Sata Bali Susena Lan Endrajanu | Darimuka Danurdara | Winata miwah Sêmpati ||
7. Krêdana [Krêda...]
--- 377 ---
[...na] Găndamadana | Bimamuka Subodhara Kesari | Wisangkatha lan Puthaksu | Wrêksaba lan Saraba | parêng mangsah wre prawira anung-anung | tinuting sagung wanara | kumrubut parêng ngêbyuki ||
8. amalu madhêm adhêndha | kumarubut samya nibani wukir | myang watu malatu-latu | malêdug sami curna | Kumbakarna tan cècèl ing wulunipun | pan ora busik satuma | rênyuh palu-palu sêbit ||
9. tan kewran Sang Kumbakarna | kinarubut ginarumung ing wukir | kinubêng-kubêng linimput | kinarutug ing arga | palu-palu pupug punggêl pan kawangsul | bêntar wukir sela tala | tumamèng ngăngga kabêsmi ||
10. krodha wrêk Sang Kumbakarna | mawrêk kadi gajah sèwu abudi | megung rat gora kumêtug | lêbu-lêbu ulêkan | ranang bayu riwut siwat-siwut awu | ujwala rèh mawalikan | dhêdhêt mangampak-ampaki ||
11. surêm Sang Hyang Bagaskara | dening lêbu pati gagap-gagapi | tan kèndêl panêmpuhipun | sagung bala wanara | gunung-gunung rêmuk ngarsa praptèng pungkur | kayu-kayu suh ing ngarsa | ing wuri prapta ngêbyuki ||
12. sangsaya rodra magalak | Kumbakarna ngiwa nêngên matèni | mawêr riwut wuru marus | rêbah ingkang kèdêkan | rangkêp pitu sakawan sapuluh [sapu...]
--- 378 ---
[...luh] lampus | kang kêsampe kang kêsampar | apit kapipit agapit ||
13. rênyuh munggwing cêcangklakan | sirah rêmuk mata mêtu katarik | kèh kontal angining irung | ingkang kèsêp kapisan | kang rinêmêd winênyêd[19] miwah ginilut | ngolang-aling Kumbakarna | kang kaparak tumpês tapis ||
14. kang mangsah-mangsah kèh pêjah | datan ana wre ingkang angênèni | kapracondhang singa manduk | sagung kang wre prawira | lêsu lesuh sayah dènira bêbêntur | kabèh tan ana tumama | giris wanara ningali ||
15. pangidhêpira sadaya | dudu Kumbakarna lawaning jurit | Bathara Kala tumurun | krodha mangan-mangan rat | ewon bala wanara mati kêsandhung | dadya mawur mawurahan | katub kapusus magusis ||
16. Sang Gunawan Wibisana | mulat lamun bala wanara gusis | sigra nêmbah asru matur | ring Sang Ramawijaya | dhuh pukulun yèn kèndêlna têmahipun | rusak kang bala wanara | dene krodhane nêkani ||
17. pan pun kakang Kumbakarna | yèn wus krodha tri buwana katapis | Hyang Indra kajodhi sampun | Baruna wus kasoran | miwah nguni Bathara Yama kapikut | mila gusti tur kawula | nuntên paduka lêpasi ||
18. milanipun ta pun kakang | Dasamuka kêtêr isining bumi | mungsuh atakut [a...]
--- 379 ---
[...takut] pinagut | dening pun Kumbakarna | kang minăngka gêgêdhêg pamunah satru | adhuh nuntên lêpasana | wanara sri nata basmi ||
64. Sinom
1. sigra Narpati Sugriwa | tandang arsa magut jurit | nêmbah ing Bathara Rama | mêsat sarwi akêkirig | mangkrak gurnita mlingi | sigra andaut wrêksa gung | horêg sagung wanara | wruh prabune magut jurit | atub umung kang samya lumayu prapta ||
2. nênggih wrêksa gora rupa | kang binêdhol sri bupati | sangang puluh sangang dhêpa | panjange gêng nglêliwati | bajra pamanirèki | ganbaring tungtung aputus | tilil tangkilnya samya | amulêt ing pangirasri | lunging gadhung kumêndhung sapêluk gêngnya ||
3. sinêndhal pêdhot karantas | kadudut pandautnya glis | pradapa alum kabrêsan | ingundha-undha kumitir | kang gora rupa kadi | taksaka nagaraja gung | ranggah ingoyod kadya | ilating naga kaèksi | poking gora rupa kadi rahing naga ||
4. kuliting wit babak bibal | akras kang pinăngka sisik | lêbuning oyod ulêkan | kumêpyur siti wor wêdhi | kadya wisanirèki | nagaraja kang sumêmbur | mangsah ayun-ayunan | hèh rêksasa iya iki | Narapati Sugriwa andêling aprang ||
5. siwaya
--- 380 ---
ngasmarèng laga | kaonang-onang ing bumi | subagèngrat dining kanang | ingkang sinudara yêkti | ring sang rêtnaning jurit | măndra prakoswa dibya dung[20] | rêbutên ing ayuda | prabuning wre sura sêkti | wênang molah bengkas during pramudita ||
6. mèsêm Arya Kumbakarna | hèh babo dene kamini | Sugriwambêg sarjaningrat | Kumbakarna mrêbês mimi[21] | astane kanan keri | sumrikut ngusapi êluh | manglah anutuh driya | baya wus titahing dhiri | bênêr sira sêsumbar molah yuning rat ||
7. kadya tugu sinukarta | sêkala lajêng tan osik | myarsa sumbare Sugriwa | kanggêk ngunadikèng galih | hèh rajèng wre sirèki | aja kokira yèn ingsun | buta candhala murka | nora mamak ngong ajurit | tan anêdya druhaka ing ratunira ||
8. aja sira aranana | jêr nyata sotyaning bumi | yusmaya angejawantah | amurwa ayuning bumi | sun kapakakên mami | wus parênge awak ingsun | milu ratu druhaka | sira wus bêjanirèki | anglabuhi karyane narendra tama ||
9. nanging iya yudaningwang | nêdya nglabuhi nagari | jêr ingsun trahing Ngalêngka | si bapa miwah si kaki | Ratu Ngalêngka nguni | mêngko kancikan ing mungsuh | sêdhêng ingsun matia | dadi lamaking nagari | nora cipta wani ring Bathara [Ba...]
--- 381 ---
[...thara] Rama ||
10. tan cipta nglabuhi karya | mring Buminata kakaji | ujêr narpati during rat | amung nglabuhi nagari | pan tan kêna pinilih | pêpêsthèn ingkang tumuwuh | ala ayu pinanggya | cêlak ing awak pribadi | mupus ing tyas krodha mêngkab Kumbakarna ||
11. baribèn miyarsa surak | goraning wre balêbêgi | kadya guntur sabuwana | sumriwêt ing kanan keri | sukêr kaparèng risi | wanara mrih anyarandu | anggêro Kumbakarna | angrêmêd wanara risi | Narapati Sugriwa mêrpêki mangsah ||
12. krura ngikal gora rupa | pinăngka dhêndha kumitir | pinupuh Sang Kumbakarna | ing gora rupa tan busik | anglir garudha banting | naga linandhêsan gunung | gumuruh kang wanara | Bathara Rama sira glis | matak puja sêmadi jroning wardaya ||
13. gumuruh manadukara | dewa ngudankên wêwangi | jawata mastuti jaya | Sang Kumbakarna upami | mèru gêng duk ginitik | tan karasa datan keguh | pan ora măntra-măntra | pêpalu ambêbayani | Narapati Sugriwa muntab krodhanya ||
14. mêre malêlêng netranya | galak ringas amacicil | siyung kesis kadi kilat | sru dènnya malu manitir | Kumbakarna tan osik | pinupuh pupug kawangsul | midêr Prabu Sugriwa |
--- 382 ---
kumrut alis ulat wêngis | anjrit rodra ibêkan gurnitanira ||
15. amrêng bala wre sadaya | lir gora manêngkêr langit | kadya guntur sabuwana | awor suraking wiyati | jawata tanpa wilis | ing ngawiyat kadi mêndhung | ho ho Prabu Sugriwa | hah hah prawira ngajurit | Sang Hyang Endra suka muwus jaya jaya jaya ||[22]
16. molah Narpati Sugriwa | buntute ambabêdholi | wrêksa pira-pira rêbah | astanira kanan keri | nyandhak kang rêbah sami | angiwa nêngên mêmupuh | tuhu prawirèng rana | mangekapadanirèki | pêsatira kêbat cukat anglir kilat ||
17. kang pinupuh Kumbakarna | mananggul dènnya nadhahi | krura sami kruranira | tinon angebat-ebati | panggêrêngira kadi | ruk wukir guntur-gumuntur | ujwalaning sarira | kadya prabata mawagni | lumawading wre murub sêdhêng picondhang ||
18. sirna curna palu wrêksa | tumamèng sarira basmi | Sang Kumbakarna durbala | galak dènira baribin | pinalu wanti-wanti | binandhêm ing watu-watu | sigra angikal kunta | wêsi lêksan kêthi-kêthi | kadi murub kunta kumitir nèng asta ||
19. lir siyung Bathara Kala | wor gêbyaring makuthasri | lawan sorote kawaca | marma angulap-ulapi | kadya baskara nênggih |
--- 383 ---
satus nênêngahing laku | hèh Sugriwa dèn yitna | tadhahana kunta mami | sêbut sigra Sugriwa sinawat kunta ||
20. jajanira kang sinêdya | mèh prapta limpung nulya glis | Anoman mêsat anyandhak | binêkta maring wiyati | limpung pinutung aglis | linandhêsan kempolipun | dadya kalih binuwang | sagung wanara mre sami | surak umung èbêkan purnang gêgana ||
21. umrang dewa ing ngawiyat | angudanakên wêwangi | hèh Maruti jaya-jaya | jawata muwus mastuti | Endra suka tan sipi | wus picondhang duk rumuhun | dening limpung punika | ing mangke pinutung kêni | dadya gumêr wiyati suraking dewa ||
22. lor kulon kidul èbêkan | wetan ingkang anyuraki | langkung ewa Kumbakarna | umung jawatèng wiyati | sêdhih gumêrgêt wêngis | menga-mengo mingak-minguk | mêmuji Sang Anoman | sadu dibya sura sêkti | sêdhêng lamun dadi kondhang ngundurkên prang ||
65. Durma
1. mubêng krudha wara wira Kumbakarna | dènnyanggung dèn suraki | dharat ing ngawiyat | umung manadukara | Kumbakarna bêdhol wukir | anggro ibêkan | lir guntur manêngkêri ||
2. goraning kang swara ngêbêki bawana | Kumbakarna sira glis | nibani prabata |
--- 384 ---
marang Prabu Sugriwa | kalêngêr katiban wukir | tiba kalênggak | Sugriwa Narapati ||
3. dyan cinandhak marang Arya Kumbakarna | binopong nèng jaja glis | wanara sadaya | mulat kasor prabunya | rêk samya nêdyambêk pati | Sang Bayusuta | kumrut tyasira rujit ||
4. brakuthu lir muntab mêkar krodhanira | Anggada Sata Bali | Anila Jêmbawan | Danurdara Kardana | Bimamuka myang Sêmpati | Găndamadana | Susena lan Kesari ||
5. Witanendrajanu Anala Winata | Wisangkatha Puthaksi | Wrêksaba Druwenda | Subodhara Gawaksa | sadaya wre wira sami | datan panon rat | umrêng ngêbyuki pati ||
6. langkung kagyat Bathara Ramawijaya | kumêsar duk ningali | obah palungguhnya | madêg saking palăngka | anyandhak gandhewa aglis | Sumitraputra | lan Wibisana aglis ||
7. dènnya wre mre ibêkan manêngkêr wiyat | mrih ngêbyuki pêpati | wau Sang Anoman | muntab jalitanira | bayu sabuwana prapti | dènnya Anoman | krura kapati-pati ||
8. bayu riwut mêsês ngêbêki paprangan | mulês mêlêg gumêrit | Narpati Sugriwa | wus dangu anèng jaja | kalêngêre kambon angin | wungu sakala | emut sawiji-wiji ||
--- 385 ---
9. ngungun dene nèng jajane Kumbakarna | netra rêm mêrêm arip | manah wus waluya | mangên-angên upaya | pêsatira pan sarya mrih | sigra anyandhak | astane kanan kering ||
10. kupingira Kumbakarna kang sinêbrak | sinaut irungnya glis | sigra dêdêl jaja | mêsat Prabu Sugriwa | karangkud kupinge kalih | irunge pêgat | Sugriwa mêsat têbih ||
11. rahnya muncar gobrah-gobrah mukanira | lêngêr-lêngêr anangis | Arya Kumbakarna | ambêg tan nêdya gêsang | ilang talingane kalih | gruwung irungnya | krodha mangsah bêg pati ||
12. riwut pangamuke Arya Kumbakarna | sarwi gêgubras gêtih | ing bahu ing jaja | sasat muka rudira | mobat-mabit mêmatèni | nginum-inum rah | wanara kèh ngêmasi ||
13. matur nêmbah Sang Gunawan Wibisana | dhuh gusti dipun aglis | nuntên lêpasana | pun kakang Kumbakarna | wanara kathah ngêmasi | yèn kèndêlêna | wadya wanara tapis ||
14. rêksasa prawira wira Kumbakarna | badhawang anglangkungi | ah gusti dèn enggal | pun kakang Kumbakarna | tuwan pêjahana aglis | lamun kasèpa | wanara brastha gusti ||
15. sigra nyandhak gandhewa Bathara Rama | Lêksmana animbangi | wus amênthang langkap | lumêpas kadi kilat | makuthanira [makutha...]
--- 386 ---
[...nira] kang kêni | Sang Kumbakarna | kontal dening jêmparing ||
16. dyan pinindho ring sang taruna widagda | badhonge ingkang kêni | kabuncang ing panah | sangsaya krodhanira | ngamuk ngiwung wuru gêtih | bala wanara | brastha ingkang katapis ||
17. Ragutama tumon lamun Kumbakarna | pinanah mring kang rayi | makuthane singsal | bêbadhonge kaplêsat | amênthang langkap tumuli | sanjatanira | kang kinarya rumiyin ||
18. amatèni Trisirah Karadusana | ngalas Dhêndhaka wukir | sigra linêpasan | Sang Arya Kumbakarna | pinrih tinon jinêmparing | suku kalihnya | tiniban salah siji ||
19. suku têngên pêgat katiban sanjata | nulya sukune keri | wus pêdhot pinanah | pisah lawan sarira | ngêdhêpêk dènnya lumaris | pangamukira | maksih amobat-mabit ||
20. ngundha limpung nibani bala wanara | sigra wus jinêmparing | bahu kanan pêgat | limpung cinandhak kiwa | pinutêr satal gêngnèki | murub nèng asta | sigra wus jinêmparing ||
21. cêcangklakan katimpal bahune pêgat | tiba limpungirèki | nibani wanara | atusan kang palastra | sirna bahu sukunèki | awak kewala | balujud ingkang kari ||
22. singa nabda kabarabas swaranira | ibêkan [i...]
--- 387 ---
[...bêkan] ing wiyati | netra kadi surya | siyung kèsis lir kilat | mangap-mangap ngikik-ikik | pêputhon buta | bêligo padhanèki ||
23. gêro-gêro gora rèh agara-gara | yayah kagiri-giri | kadya ruging arga | sigra tiniban panah | nuju mangap-mangap kêni | cangkême kêbak | kasêsêlan jêmparing ||
24. nora bisa anggêro sigra tinundha | jêmparing sigra manjing | rahnya muncar-muncar | kadi galuga mabang | saking irung saking kuping | sêka ing mata | malêbêt rah umili ||
25. saking mata saking bahu-bahu mêdal | wre atub nêningali | sadangune mangsah | gustinya Prabu Rama | umèb wanara gumriwis | tan wruh ing samar | nyêlak dènnya ningali ||
26. ing nalika tibanira Kumbakarna | kadya sukuning wukir | lèngsèr kênèng gêlap | gumêtêr prakampita | rêg gumêbrug gêgêtêri | ingkang katiban | wanara sèwu mati ||
27. jawata ing ngawiyat umung wurahan | molah kang jalanidi | Baruna tiarsa | Rêsi Sewasugata | prasamya suka ing galih | lumrèng gêgana | kêmbang-kêmbang ngudani ||
28. bumi gunung samodrangin mega-mega | kabèh samya ningali | patining rêksasa | Kumbakarna kruraya | guntur kêtug dalajati | lintang liwêran | kuwung teja mêmanis ||
--- 388 ---
66. Dhandhanggula
1. wus misuwur Kumbakarna mati | dening Sang Prabu Ramawijaya | Dasamuka sru tangise | langkung pêtêng tyasipun | mung bêbaya ciptaning galih | prihatin putêking tyas | kapêtêk pakewuh | larud laradaning driya | Dasamuka tan panggih dènnya palinggih | ulat alum katrêsan ||
2. lir pinêrês angrês ngênês miris | maras-maras kawawas abiyas | kêtêr-kumêtêr watire | kalantur tanpa tutur | niring wantir amung kuwatir | kawur datanpa nalar | mangkana winuwus | putra sakawan tumanggah | kapat samya manut ing Radèn Indrajit | măngka raja taruna ||
3. Radèn Trisirah Sêpuh pribadi | Narantaka lan Radèn Trikaya | Dewantaka lan malihe | prawira tarunanung | nêdhêng kapat dikdayèng jurit | tumangguh magut ing prang | risang anak anung | lan kêkalih êmbanira | ditya sêkti karo prawirèng ajurit | Si Mênta lan Mantaka ||
4. salamine rame ing ajurit | Mênta Mantaka dèrèng palastra | bêtah pan ampuh yudane | wau ta angsahipun | putra kapat nêngah pêpulih | samya wahana rata | nênggih kuda sèwu | pangiriding rata rêtna | samya mênthang gandhewa dènnya nglêpasi | mêtu kadya naraca ||
5. anibani kapibala [kapiba...]
--- 389 ---
[...la] ngisis | langkung duka Baliputranggada | umangsah panah sinampe | luput tinampêk watu | pira-pira panah kang prapti | pinapag gunung anak | suh-lesuh kawangsul | dangu dènira ayuda | sigra Radèn Anggada mangsah mêrpêki | mawa palu-palu tal ||
6. minăngka gada Anggada gitik | Narantaka pinusthi ing asta | kapisanan ing patine | Trisirah Trikayèku | Dewantaka katri pêpulih | kinêpung Sang Anggada | tinubruk marucut | rikat mêsat prapta nampak | netranyandik kadi baskara nêngahi | sêbat-sêbut prangira ||
7. Kapi Anila sigra nulungi | lawan sira Radèn Bayusuta | sarêng praptane kalihe | sarwi ambopong gunung | Trisirah wus dènnya nglêpasi | sanjata nara wantah | wêtune ambubul | pinapag ing gunung anak | kapalupuh malêdug punang jêmparing | dening kang gunung anak ||
8. Dewantaka têdhak sigra gitik | kêna jangganira Sang Anoman | dumilah wêsi gadane | wanti-wanti amupuh | Bayusuta malês tumuli | kinutug-kutug ngasta | Dewantaka lampus | êmbane Indrajit mangsah | ya Si Mênta Mantaka parêng pêpulih | sigra Kapi Saraba ||
9. Si Mantaka pinalu ngêmasi | arine Si Mênta anêrajang | mring Kapi Saraba age |
--- 390 ---
sigra Anoman sampun | amandhêm ring wukir ngêmasi | patine Si Mêntaka[23] | Mênta sarêngipun | krodhage Radèn Trisirah | ratanira gumêrit madyaning jurit | pangirid kuda sasra ||
10. kapibala akèh kapalipis | sigra Radèn Anoman umangsah | sêbut nyêndhal candrasane | tinuwêkakên sampun | marang ingkang duwe ngêmasi | Trikaya sigra mangsah | gumrit ratanipun | pangirit turăngga sasra | mubêng ngumèr wanara akèh ngêmasi | kapipit panggilingnya ||
11. akèh kèdêk ing turăngga mati | myang sinaut ing turăngga sasra | kapibala akèh longe | Trikaya ratanipun | mobat-mabit sarwi jêmparing | mêtune narawantah | ambubul asêlur | angênani kapibala | akèh mati adangu dènnya ngajurit | wira Truna Lêksmana ||
12. sigra mangsah nglêpasi jêmparing | wêlasnya ring kapibala kathah | dening Trikaya patine | kumêbul panahipun | kèh warnane ingkang jêmparing | ana pawakasara | myang mendrasarèku | têmpuh lan panah Trikaya | lan taruna Lêksmana ingkang jêmparing | ngêbêki ing gêgana ||
13. Truna Lêksmana sigra nungsuli | panah kang aran sura wijaya | anglanjak marang tênggoke | Trikaya pêdhot [pê...]
--- 391 ---
[...dhot] lampus | gègèr kang wil praptèng jro puri | matur ing Dasamuka | putra katiga wus | pêjah Trikaya Trisirah | Dewantaka lawan êmbane Indrajit | Mênta Mêntaka sirna ||
14. Dasamuka asru dènnya nangis | sapêjahe putrane sêkawan | sampun karaos patine | pan amung putranipun | kang satunggil sira Indrajit | ngêndikan praptèng ngarsa | kang rama amuwus | kulup paran pangupaya | yèn mangkene sapa kang ngrêbuta kaki | prajanira Ngalêngka ||
15. nêmbah matur Rahadèn Indrajit | sampun paduka sungkawèng driya | mênggah kang mêngsah wawrate | mung samantên pukulun | kula dèrèng angraos miris | yèn pun Ramawijaya | pan wuwuha sèwu | kawula tumpêse benjang | dèrèng têlas gêndhing kawula dewaji | dene mêngsah manungswa ||
16. tanpa guna sabaning wanadri | tapa-tapa nora tulus tapa | mêmati ditya karyane | wiku-wiku antêlu | putih jaba ing jrone kuning | rêrêgêding manungsa | ing benjing pukulun | kula tumpêse sadaya | sampun wontên kang bala wanara sami | dimèn lêbur sadaya ||
17. apan wênang kawula bapaji | punapa kang kinarya nulaka | yèn kula ngabên kasêktèn | inggih ing mangke dalu | Dasamuka suka
--- 392 ---
tan sipi | myarsa sangguping putra | mari susahipun | sigra Arya Meganănda | nêmbah mêsat lajêng mring gêdhong sêmadi | kumutug dupanira ||
18. prapta nugrahaning Otipati | rata agêng lan wimana astra | Indrajit suka manahe | bathara dènnya sampun | anuruni panêdhanèki | mangsah ing rananggana | ăndakara surup | dhêdhêt lintang tan katingal | matak puja wimanasara Indrajit | sigra wus linêpasan ||
19. panah wimanasara ngungkuli | bala wanara ingkang kongkulan | sirêp rêrêp arip kabèh | malêpuh netranipun | ilang tyase kadi wong mati | kêna wimanasara | kabèh kabarubuh | sèwu kêthi sèwu yuta | pan sadaya tan ana jênggèlèk siji | samya rêbah balasah ||
20. wre prawira kang para dipati | nunggil gène lan Bathara Rama | durung ana rubuh dene | Indrajit kalih sampun | nguculakên sanjata sêkti | nênggih wimanasara | nuju ing gènipun | nginggile Sang Prabu Rama | angungkuli wong agung asambat arip | mring ari ngajak nendra ||
21. ari Lêksmana payo aguling | ingkang rayi nurut sampun nendra | myang punggawa sadayane | sami arip kalangkung | Sang Indrajit suka tan sipi | sigra dènnya lumajar | ajrih bok kadulu |
--- 393 ---
mring kang paman Wibisana | ingkang luput ing wimana sara sêkti | Indrajit sangêt giwar ||
22. bok winalês wimanasarèki | Sang Gunawan Wibisana bisa | nulak kang luwih ajine | nanging yèn wus kapungkur | nora kêna iya winalik | kang aran aji dipa | dipa-dipa murub | Indrajit wus praptèng rama | nêmbah matur bapaji mêngsah wus tapis | kêni wimanasara ||
23. Ragusuta sawadyane mati | datan wontên kang gêsang satunggal | susun atimbun wangkene | kang rama suka langkung | alah aprang rame ing nguni | lamun mangkènèkêna | enggale wus lêbur | kasukan Sang Dasamuka | nèng jro pura kunêng kang winarna malih | kang anèng jawi kitha ||
24. rêrêp sirêp tan ana kang tangi | nora nana gêni urip samya | sagon-ênggon pêtêng kabèh | Sang Wibisana mambu | ing wimanasara gya mijil | cipta dèrèng tumama | praptèng jawi sampun | katon pêtêng sabuwana | kang wanara tan ana tangi satunggil | titi sirêp swaranya ||
25. Sang Gunawan Wibisana angling | gupuh marani Prabu Sugriwa | ginugah wus tangi kagèt | Wibisana sru muwus | ana mungsuh prapta nyidrani | iki wimanasara | panglêburing satru | Sugriwa ngusapi mata | têlapukan akandêl abot abinit |
--- 394 ---
bêkuh Prabu Sugriwa ||
26. Sang Gunawan Wibisana nuli | aji dipane sampun pinasang | kadi obor jêmparinge | Prabu Sugriwandulu | kang wanara mati atitip | gêlasah tumpa-tumpa | langkung dènnya ngungun | Anggada Nila Anoman | samya wungu tumular ing obornèki | Sang Arya Wibisana ||
27. lan Sugriwa kang winungu dhingin | sagunge wre punggawa kang samya | tumular-tular ngobore | Sang Wibisana sampun | lan Sugriwanggada Maruti | mring gèn sang narpaputra | kalih wus winungu | kagyat sampun ingaturan | lamun wontên cidrane mungsuh dhatêngi | aji kang kinanthi prang ||
67. Kinanthi
1. narendraputra angungun | wirurut netrane kalih | abalut kang têlapukan | sigra dènira ningali | bala wre kang magulingan | atap asusun atitip ||
2. netrane samya ngapêndul | kêlangkung wêlas ningali | sigra Sang Bayutênaya | ingutus marang ing wukir | ing Magiri mangambila | sandilata maosadi ||
3. Anoman umêsat mabur | marang ing wukir Magiri | sukuning wukir Malyawan | prabata gênging Magiri | Anoman prapta ing kana | ing pitungkas durung yêkti ||
4. prênahe sandilata gung | panguripe wong sabumi | Anoman [A...]
--- 395 ---
[...noman] kewran ing driya | karikatên duk lumaris | saksana wukire ingkang | binêdhol binopong aglis ||
5. katut kayu-kayunipun | tan obah isining wukir | prapta ngarsane gustinya | Anoman lamun tinuding | tan adangu nulya prapta | tuhu adining dutadi ||
6. narendraputra agupuh | sandilata wus pinêthik | hèh nya iki Bayusuta | ungkulêna sadayèki | ming[24] sagung bala wanara | Anoman mêsat wotsari ||
7. ingungkulan sadaya wus | waluya kang mati guling | kang ingusap tinetesan | sadaya tangi wus eling | nanging tyas maksih garowah | netra wirurutên sami ||
8. dadya dangu emutipun | waluya kadi ing nguni | langkung sakite kang manah | wanara samoha sami | dene cinidrèng ayuda | pijêr ta minaling-maling ||
9. waluya sadayanipun | siji wus tan ana kari | lawan wus pulih tyasira | sigra samêktèng ajurit | tan kongsi ngantosi rina | dalu-dalu mangsah jurit ||
10. wus angrêmpak palu-palu | sela-sela wukir-wukir | mêsat mangsah ing jro pura | wadya wre amurang-muring | duk cinidra dalu samya | pinati-pati ing guling ||
11. dènnya mre parêng gumuruh | wus kalêbon kuthanèki | sakari-karining
--- 396 ---
wisma | jro kitha wus dèn obongi | dening kang bala wanara | waringutên ing ajurit ||
12. otêr gêni-gêni mabul | ibêkan sa-Lêngkapuri | gègère bala rêksasa | êmbuh mungsuh êmbuh gêni | bingung kulon kidul wetan | sadaya kèbêkan gêni ||
13. Indrajit acum apayus | dening wre samya malêsi | Dasamuka bilunglungan | tambuh paranirèng ngungsi | dènnya gêng ingkang dahana | sagèn-ênggène kapanggih ||
14. tan kawarnèng susahipun | Dasamuka sawadyèki | sampun anggagat rahina | mundur bala wre prasami | prapta sajabaning kitha | wanara ênggène lami ||
15. jro kitha siyaga sampun | kang tinuduh ing ajurit | putranira Kumbakarna | kêkalih prawira sêkti | Rahadèn Aswanikumba | lan Kumbakumba kang rayi ||
16. waknira kalih sagunung | netrane ngebat-ebati | pan kadi kumba têmbaga | mapêlu mapêlêng kèksi | lawan wontên wil prawira | êmbane sang putra kalih ||
17. Dyajaksa kêkasihipun | Akampa ingkang satunggil | samya rêksasa sotama | tuhu-tuhu wirèng jurit | wus têngara budhalira | putra Kumbakarna prapti ||
18. ing jawi kitha umagut | bala wre kagèt ningali | rêksasa kalih [ka...]
--- 397 ---
[...lih] pangrêksa | Dyajaksa Akampa kalih | kang badhe gêmpur wanara | ingandêl prawira kalih ||
19. lajêng kapat sarêng magut | solahe anggêgilani | angubêngakên candrasa | kunta nanggala myang piling | badhama limpung dhêndhanya | parasune mobat-mabit ||
20. tanpa pilih dènnya ngamuk | Akampa Dyajaksa sêkti | wre sinurung sru kasurang | srangsrangan akèh ngêmasi | surud trunaning udaya | barising wanara ngisis ||
21. saegga wre mambu ilu | mulating ditya lir wukir | kalihe saarga suta | kawus Kumbakarna nguni | sira Sang Aswanikumba | lan Kumbakumba ngajrihi ||
22. ambabit badhama limpung | wanara katênggêl tapis | malêdug sumyur wurahan | mangkana wau kaèksi | marang Sri Ramawijaya | Anggada dinuking liring ||
23. hèh Anggada putraningsun | wulatên ingkang ajurit | aywa mênêng-mênêng sira | rusak balanta sayêkti | Sugriwa nambungi ngatag | lah payo kulup dèn aglis ||
24. sigra Anggada wotsantun | mêmawa suka tan sipi | dènira pinutra-putra | mring Prabu Rama sayêkti | tan èngêt patining bapa | sumungkêm ing pati urip ||
25. de sangêt pangugungipun | pinasthi rinajasiwi | sagung kamulyan sinungan | wanara samya
--- 398 ---
jrih asih | dènira rinajaputra | mring wong agung Dasarati ||
26. wau ta dènira magut | Anggada sigra nandangi | êmban Akampa dhinêndha | ing wrêksa sampun ngêmasi | pêpulih wira Dyajaksa | cinandhak rinêbut aglis ||
27. daludagira rinêbut | marang Anggada nulya glis | sinabêtakên Dyajaksa | tiba sigra dèn kakahi | dinêkung têngah wêlakang | mati gulune pinuntir ||
28. êmbane Anggada tumut | Druwenda amawa lori | balane Aswanikumba | mring Anggada anglimpungi | Druwenda dhêndha panulak | ubêkan madyaning jurit ||
29. Kapi Rimenda sumungsul | saha dhêndha gêng wus prapti | sampun tinadhahan panah | mring Kumbakumba kabalik | kumêbul sanjatanira | pinapag ing dhêndha basmi ||
30. tan kèndêl pamanahipun | sayah Rimenda nampèli | malisuh ta dhêndhanira | dangu pamutêrirèki | dene Radèn Kumbakumba | tan pêgat dènnya jêmparing ||
31. milêg-milêg ăngga lêsu | Rimenda ika kaèksi | marang Anggada yèn sayah | sigra dènira nulungi | amawa wukir sinăngga | Kumbakumba dèn antêbi ||
32. mukane tiniban gunung | Kumbakumba anjêmparing | panah prahara pratipa | panulaking watu wukir |
--- 399 ---
gununge kawangsul kontal | Anggada gung pamugari ||
33. saengga undhi kang gunung | sasuwene bola-bali | Anggada lesuh astanya | bingung anadhahi wukir | Narpati Sugriwa mulat | Anggada sayah ing jurit ||
34. nêmbah ing Rama umagut | praptèng paprangan nandangi | Kumbakumba pinusthia | ing asta wus angêmasi | pêpulih Aswanikumba | têtulung arine mati ||
35. angundha gadanira gung | Aswanikumba ngajrihi | sigra Anoman umangsah | Aswanikumba nadhahi | gadane sampun karêbat | maring Sang Andayapati ||
36. pinunggêl gadane putung | Aswanikumba wus pinrih | siniyung marang Anoman | Aswanikumba ngêmasi | tan pae kalawan gajah | sinaut ing mong ngêmasi ||
37. ing ngawiyat tri gumuruh | jawata sarwi ngurmati | ngudanakên kêmbang-kêmbang | manadukara sêsanti | patinya Aswanikumba | lan Kumbakumba nom kalih ||
68. Sinom
1. pêjahe Aswanikumba | lan Kumbakumba lumaris | malêdug bala rêksasa | wanara samya angusir | wadya Ngalêngka sami | kabèh têlas manahipun | amung sandeyanira | Dasamuka maksih urip | mung manawa nêmu wisesa ing wuntat ||
2. dening andêling ayuda | mung kari Radèn [Ra...]
--- 400 ---
[...dèn] Indrajit | punggawa Sang Gathodara | Maodara kang satunggil | Wiloitaksa malih | kang juru julig pakewuh | maling ampuh wus pêjah | Dyajaksa Akampa mati | lawan sira rêksasa Sukasarana ||
3. kèsisan kawêlas-arsa | Sang Dasamuka Narpati | budine pususan prapta | dening patining prajurit | pêpulunane kalih | kapasukan nangis asru | kayapa solah ingwang | ilang pangupaya mami | baya uwis antakane awak ingwang ||
4. sagunging rasan karasa | rinasa-rasa ing galih | sipat-sipating agêsang | sapa kang luput ing pati | nanging amrih utami | yèn mungguh patining ratu | mati madyèng payudan | anglabuhi prajanèki | lawan nungkul utama mati ing rana ||
5. nindaki cipta dadakan | dènnya mrih adining dadi | anjujur-jujuring ujar | jinêjêr sajroning galih | sapa wruh nguni-uni | tiwas untung bênêr luput | apa kudu rinasa | mangkana nglêk tyasirèki | Dasamuka mukane sawang kunarpa ||
6. Indrajit maksih tumanggah | ing Rama sampun prihatin | sigra anêtêg têngara | umèb balane Indrajit | Indrajit ngaji êning | amangun manah manungkung | madêg sakayunira | dadya tan ajrih ing pati | anglêkaskên baris gumuruh [gumu...]
--- 401 ---
[...ruh] wurahan ||
7. anumpêk sura sudira | ngêtog kaprawirannèki | balanira rajaputra | anêdhêng kasuran sami | krura rodra mêkasi | nêdya amusus ing satru | sirnane kang wanara | winatgata ing ajurit | balanira sêmbada sura sumbaga ||
8. busana sinang bêranang | wus munggèng ing rata manik | lan pêpitu garwanira | nêdya mèlu angêmasi | samadyaning ajurit | wus punagi ing tyasipun | apan kapitu pisan | sami anak widadari | kang sinêdya muliha mring Endraloka ||
9. kasaptayu warnanira | tan garêntês maring pati | wus prapta jawining kitha | sumênggut paguting jurit | mangsah arêbut dhingin | Indrajit prawiranipun | kang munggèng gajah rata | turăngga parêng pêpulih | mulihakên rusake bala Ngalêngka ||
10. padha tate tinitenan | putusing utus ngêntasi | amunah ing parangmuka | galak manggala ingulig | palagan gêgilani | prasamyambêk agul-agul | tuhu-tuhu ing tingkah | têtêp kasuraning jurit | wirotama prawira Sang Meganănda ||
11. sêmbada dêdêg purusa | wok bris anjêmbrung kang alis | bikukulên sukunira | uwang malang pupu gangsir | siyung agung ingisis | ginarêbêg rêksasa gung | umèb sagung
--- 402 ---
wanara | wruh mungsuhira nêkani | parêng ambyuk kumrutug angrêbut mêngsah ||
12. parêng rok wil lan wanara | tujah-tinujah mangukih | ana kang dhêndha-dhinêndha | danawa marasu piling | nanggala kunta mamrih | ing papan pupuh-pinupuh | murupuh kang rêksasa | angamah-amah ing jurit | anut-tinut rèh-rinèh sampar-sinampar ||
13. angrêmpak bala rêksasa | mangsah ngêbyuki pêpati | rêmpêg wadya Meganănda | wre mulap ulap-ulapi | gilaping ditya rukmi | sumêrambah wetan kidul | myang kulon kaulapan | mring balanira Indrajit | kêndhang gonge munggèng doh munya ibêkan ||
14. gung ditya gora gumêrah | kumêruk kagiri-giri | ngêbyuki bala wanara | ingkang katrajang angisis | ditya prapta ing wuri | ing kori atap atimbun | gumrujug abubulan | sru panêmpuh amrih titih | kandhah dening wil prapta ing pêpungkuran ||
69. Pangkur
1. Indrajit angatag bala | rumêpêka wre tumpêsên dèn aglis | bala rêksasa rumêbut | galak mubat angambat | mobat-mabit wanara wira umagut | ngatag ngarahakên bala | Winata lan Sata Bali ||
2. Endrajanu Danurdara | Bimamuka Wisangkatha Puthaksi | parêng
--- 403 ---
matangkêp akiwul | kuwêl nampak-tinampak | limpung kunta pupug popor palu-palu | ditya kèh agah-agahan | wanara panggah gagahi ||
3. kadêrêng mangsah nginum rah | kèh wanara ingulêng kèh kaguling | rinangkêp-rangkêp ginilut | kang wre prawira prapta | buta mêta mati suh katiban gunung | miwah pinalu-palu tal | katimpal pupug asêbit ||
4. rêksasa asru anyakra | kartalanya manggala marupuhi | wus akathah kabarubuh | Indrajit balanira | tanna kêndhat ing wuri prapta ambubul | kumêrtêg sêka ing wuntat | wadyane Radèn Indrajit ||
5. wus samya sayah kang aprang | wanara rêg mawrêg kandhah kalindhih | Indrajit pamanahipun | kumêbul nora wantah | kadi pacar wutah mawantah kumêbul | anibani kapibala | durbala kèh angêmasi ||
6. mulat Sang Truna Lêksmana | kapibala balasah kapalipis | mangsah nêngah yudanipun | suka mangadu yasa | apan sami kinawih pamanahipun | sara warastra nimpuna | Truna Lêksmana nglêpasi ||
7. lumêpas kang barunastra | tibèng têgal ngarsaning mungsuh prapti | barunastra dadi banyu | rob lubèr ngombak-ombak | balanira Indrajit pating kacêbur | toya sangsaya gêng prapta |
--- 404 ---
gulagêp ditya kèh mati ||
8. anglangi kaisèn toya | ting kêrambang balanira Indrajit | sigra mênthang langkapipun | sira Sang Meganănda | sanjatagni jwalita mumbul kumêbul | toya katiban dahana | ulêkan sirna kang warih ||
9. sumyur nawur nasar-nasar | kapibala durbala samya ngisis | dyan mênthang Lêksmanasadu | mêsat panah panulak | sirna ilang dahana mawur kapusus | rahayu bala wanara | sigra Sang Arya Indrajit ||
10. anglêpasakên sanjata | mêtu nekawarna mulêk ngêbêki | akêthèn badhama limpung | kunta cakra candrasa | tuwêk piling nanggala lawan parasu | anibani kapibala | gègèr kèdêran jêmparing ||
11. sigra Lêksmana Widagda | nguculakên sanjata nulak aglis | marame swara srananung | nêmpuh pupug putêran | ting garêpluk pêluk-pinêluk anyampluk | sirna Indrajit panahnya | kaparibawan wus gusis ||
12. adangu sakti satata | ngadu yasa Lêksmana lan Indrajit | nimpuna satata tutug | titih-tinitih tatag | tutug dènnya mêtyakkên kaluwihipun | wre mêre purnang gêgana | gora manêngkêr wiyati ||
13. sayah danguning ayuda | Sang Lêksmana Widagda anuruti | Indrajit kaparèng panduk | sigra [si...]
--- 405 ---
[...gra] amênthang laras | Endrasara saryalon dènira muwus | hèh Dasawadanasuta | wus katon patimu iki ||
14. lumêpas kang Endrasara | nêmpuh pêdhot tênggakira Indrajit | gumuling nèng ratanipun | umung bala wanara | dènnya Meganănda pagas jangganipun | jawata manadukara | sumawur udan wêwangi ||
15. lumrèng santi jaya-jaya | èstu jaya muji Lêksmana sami | wênang ngulapi talutuh | jaya Sumitraputra | anglêpaskên malih warayang tumanduk | sanjata sura wijaya | gêmpung wadyane Indrajit ||
16. lan garwa kapitu pisan | wus abela marang patining laki | gusis katapis kapupus | padhang ing pabaratan | sirna gêmpang Indrajit sawadyanipun | katur ing Sri Dasamuka | pêjahe putra Indrajit ||
17. anglênggêr Prabu Rahwana | anglir wrêksa rampas pange tan kari | kari wite andulujur | têlas upayanira | suka lamun matia tan arsa nungkul | mangêningakên pêpuja | amupus maring sêmadi ||
18. matia labuh nagara | miwah putra-putra sawadyanèki | têtela amung tyasipun | mamèt pati kewala | mung limpunge manawa jaya ing pungkur | kuntane dèn arsa-arsa | lan aji pamungkas kari ||
19. ciptanira Dasamuka | sapa kêlar
--- 406 ---
nadhahi kunta mami | wus sah nguni pamètipun | nugraha nora nana | isining rat kang nadhahi kuntaningsun | Dasamuka mring pahoman | kapati brata sêmadi ||
20. kunêng malih winursita | ingkang agung ulah puja sêmadi | mamêmpêng ing puja asru | nèng taman Argasoka | Rêtna Dèwi Putri Mantili pinunjul | nêtêpi sêtya-susêtya | kapati ing siyang ratri ||
21. lawan kusuma Trijatha | nora pisah lawan sang rajaputri | mangkana wau sang ayu | lagya mêntas mêmuja | praptanira Trijatha nêmbah umatur | pukulun ing rananggana | tan wus ramening ajurit ||
22. sang rajaputri ngandika | iya nini kayapa ing ajurit | Trijatha matur wotsantun | pan maksih gêgêmporan | ing Ngalêngka wus têlas punggawanipun | mung kalêthêk kantun tiga | wadya wanara tan kêni ||
23. punggawane maksih wêtah | amung kalong wanara alit-alti | duk prang wingi-winginipun | kaki Prahasta pêjah | winginipun uwa Kumbakarna lampus | prang wingi kakang Trisirah | lan Trikaya kang ngêmasi ||
24. lan pun kakang Dewantaka | sabalane tumpês prang duk ing wingi | prang wau ingkang kapupu | kakang Aswanikumba | lan pun kakang Kumbakumba pêjahipun | enjinge nuntên ing awan | pêjahe
--- 407 ---
kakang Indrajit ||
25. dening pun paman Lêksmana | uwa Kumbakarna ingkang mêjahi | wartinipun uwa prabu | Sang Binathara Rama | de pun kakang Kumbakumba pêjahipun | dening Narpati Sugriwa | Swanikumba pun Maruti ||
26. waradin kang wre prawira | amêjahi rêksasa pra dipati | kaki Prasta pêjahipun | dening Kapi Anila | pun Mintragna rêksasa andêl pinunjul | pêjahe dening pun bapa | duk prang purwaning mas kentir ||
70. Maskumambang
1. yayah kadya mèsêm kusumèng Mantili | èsême pinêkak | pangunadikaning galih | hèh aja kabanjur manah ||
2. hèh sang ati aywa suka-suka nuli | apan Si Rahwana | iku durung angêmasi | aja ngabêrakên puja ||
3. hèh Bathara Otipati Dewa Widi | nuntên enggalêna | patining Rahwana nuli | sêsukêr talutuh ing rat ||
4. payo nini aywa mêndha asêmadi | rahayuning aprang | sabalane dèn basuki | sigra mangsah amêmuja ||
5. Sang Rêtnayu Trijatha sampun sêsaji | sêsarating sarat | amêmuja amêpêki | kumutug apining dupa ||
6. wus matimpuh nèng ngandhap wêntise keri | wêntis kanan numpang | lumumah astane keri | astane têngên tumumpang ||
7. jarijine sakawan tinêkêm sami |
--- 408 ---
jêjêmpol kewala | kinarya ngadêg pribadi | sinipat pucuking grana ||
8. sipat pucuking garana adu manis | lan pucuk jêmpolan | sêrambut nora ngoncati | sipating jêmpol lan grana ||
9. mangunêng ing tyas anung winangun ngêning | manungsung ing nala | mrih kaonang angênani | sumuka mring Endraloka ||
10. sampun sirna anggane Putri Mantili | paningaling netra | mung sacêngkang mêmêt gilig | pucuking grana kewala ||
11. kang winawas lan pucuking jêmpolnèki | mung osik kewala | jroning tyas kang mobat-mabit | anjajah ngidêri jagad ||
12. ah Bathara Otipati Dewa Widi | Hyang Jagad Pratingkah | tulungên ulun tumuli | rusakên talutuh ing rat ||
13. tulungana tumuli kang sêtyèng bumi | age tulungana | awèha mulyaning bumi | jagad agring kênèng wisa ||
14. lan tulungên tumuli panutan mami | aywa ngantak-antak | dhuh Bathara Otipati | dhuh Warawidi Bathara ||
15. tan antara prapta riris-riris wangi | luwar sang lir rêtna | sêsajèn wus dèn pangani | dening kusuma Trijatha ||
16. kunêng ingkang luwar saking asêmadi | Prabu Dasamuka | kang anèng gêdhong sêmadi | gurune kabèh ngandikan ||
17. buta nujum buta pandhita wus prapti |
--- 409 ---
bêlêg gêdhongira | guru-gurune nanggupi | yèn maksih jayèng buwana ||
18. sadalu Sang Dasamuka asêmadi | enjang kawarnaa | wadya wil wus dèn undhangi | yèn badhe ngawaki yuda ||
19. baris tugur ing alun-alun ngêbêki | wil Wiloitaksa | Gathodara ingkang maksih | lan ditya pun Maodara ||
20. nênggih ingkang nindhihi barisan sami | gumuruh wurahan | daludag awarni-warni | buta sêsimpênan prapta ||
21. wus siyaga Sang Dasamuka Narpati | amakutha êmas | sinasotya ngintên bumi | abra hèr laut hèr kêmbang ||
22. badhong abra sinasotya ngintên bumi | murub anèng jaja | lawan makutha sênggani | lir baskara pitung dasa ||
23. wus sumaos wahananing rata manik | Dyajawara prapta | atusan ing kanan keri | pating jalimprak ambêksa ||
24. ting kathuwêl buta gundhul santi-santi | umung jaya-jaya | sigra bodholakên baris | budhal Prabu Dasamuka ||
25. kêndhang gonge gumuruh gurnang thongthong grit | akêthèn alêksan | salomprèt sèwu mêlingi | prakampita bumi molah ||
26. kadya guntur-gumuntur kèhing ditya ngrik | ibêkan kanang rat | gora rèh kagiri-giri | akèh warnane
--- 410 ---
kang bala ||
27. nêlasining busana kaprabon jurit | liring upakara | wus samya rinasuk sami | tan nêdya kudur[25] ing aprang ||
71. Durma
1. andalêdêg balane Sri Dasamuka | saking kitha wus mijil | umèb rêbut papan | sagung bala wanara | kagyat mungsuhira mijil | warnane ditya | beda lan wingi-wingi ||
2. wus anarka lamun Prabu Dasamuka | ingkang ngawaki jurit | Narpati Sugriwa | ngundhangi wre prawira | prasami ngubêngi gusti | sang binathara | horêg wre saos jurit ||
3. amangsiti Sang Gunawan Wibisana | yèn èstu kang miyosi | Prabu Dasamuka | katawis kang busana | sagung têngêran jro mijil | kang wre sanega | têtêp pangkate sami ||
4. wus sagêlar rêksasa kang sampun prapta | jawining kitha rakit | saking jro kumêrap | wêdale dèrèng têlas | sira sang danawa aji | lagyarsa minggah | munggèng rata gêng manik ||
5. kadya mèru kinuswa ring êmas-êmas | anglir prabata rukmi | mubyar sinasotya | kuda rinawis abra | ing cêmara manik-manik | gêbyaring sotya | lir surya anêngahi ||
6. linimputing sotya kang turăngga sasra | tinon kuda pangirid | lir lintang sumêbar | liwêran lawan rata | ditya kang rinukmi-rukmi | busananira |
--- 411 ---
garêbêg kanan keri ||
7. kadya mega kêna gêbyaring baskara | kanaka manik-manik | sêsotya mutyara | gumilap gumarilap | kumêlap angilat thathit | pating pancurat | umung kêndhang gong bèri ||
8. akêthèn kang gurnang gubar kêndhang-kêndhang | ewon salomprèt muni | praptèng dirgantara | gurnitaning kang swara | buta parêng gro sakêthi | sayuta-yuta | yayah manêngkêr langit ||
9. daludage makuwung-kuwung kawangwang | wangkawa ngobar-abir | mantri kang manggala | busanèng udan êmas | badhama parasu piling | nanggala kunta | gada dhêndha magandhi ||
10. tuwêk lori limpung candrasa myang cakra | muncar-muncar ngênani | liwêran mancurat | pra jawata gumêrah | mangigêl saturut margi | wus praptèng jaban | kitha Sri Yêksapati ||
11. galak samya mrih mungsuh bala rêksasa | bupati kang mangirid | Sang Wiloitaksa | Gathodra Maodara | kadya bubula kang bumi | bumi prakêmpa | wadya wanara aglis ||
12. punggawane mangsah tumindak mêmolah | prasamya dingkik-dingkik | ngadhèdhèr makanjar | samya mêmangun suka | de Sang Rahwana prapta gis[26] | bala wanara | ing tyas kadya punagi ||
13. bala ditya kumêrap samya galaknya | têmpuh [tê...]
--- 412 ---
[...mpuh] ramening jurit | majêmur wurahan | mungur-mungur liwêran | samya mrih kasuran amrih | pati umangsah | parêng pyuk tan apilih ||
14. anduk-dinuk angrêpak têpak-tinêpak | mawrêk sambit-sinambit | myang kunta nanggala | limpung parasu cakra | candrasa têmpuh lan wukir | watu-watu tal | gumrujug magênturi ||
15. udan wukir riris watu sela tala | sumyar ngampak-ampaki | ampuhan palu tal | lêbu mêlêk walikan | caruk awor kang ajurit | kuwêl-kuwêlan | pêtêng dhêdhêt ing jurit ||
16. rukêt awor kèh kaliru mungsuhira | saking pêtêng nglimputi | paworing payudan | kèh wre lawan wanara | hèh wre aja ingsun iki | gapyuk sigra wal | miwah sami dityèki ||
17. gapyuk rukêt siyung-siniyung wuwusnya | rêksasa ingsun iki | buta ing Ngalêngka | bature rukêt mojar | bok butane sira iki | Sang Wibisana | banjur ingsun patèni ||
18. ingsun dudu butane Sang Wibisana | buta Ngalêngka pasthi | aja ngunta ringwang | aja anyiyung ringwang | tan wus ramening ajurit | sigra Anoman | mangsah nêngah ing jurit ||
19. anguwori kang awor pati-pinatyan | kang katêrak wal sami | urip kalihira | wau Sang Bayusuta | gèning yaksa
--- 413 ---
dèn têngahi | nyandhak anyêndhal | sêbrak sêbit anarik ||
20. kumarêcêk anênanggul anênggulang | kinuwêk kèh kawalik | kawilêt gulunya | mring kuku Sang Anoman | sinêndhal uwang kabalik | kalêngêr rêbah | akèh kang angêmasi ||
21. ana ingkang kêsambut siyung suwaknya | kang kapalindhês gathik | ginêthuk ing pathak | pêcah wutah ingkang rah | malêbêt rahnya umili | dhêmèl ing lêmah | rah sumrambah ing siti ||
22. mari mêlêk lêbu kasiram ludira | padhang madyaning jurit | Dyan Sang Ragutama | têtulung mring wanara | sigra nguculkên jêmparing | ingarah-arah | lumêpas sanjatadi ||
23. katarajang ditya sèwu ana pêjah | gusis lir dèn saponi | pinindho tiniban | balasah kênèng panah | ngisis buta magêrsari | angeri nganan | akèh angungsi wuri ||
72. Pangkur
1. Prabu Rahwana bramatya | pêngayape ditya mantri kèh mati | para manggala kapusus | katiban ing sanjata | ngatag kusir gumrit ratanya tumanduk | ana prapta angin ampak | Sang Dasamuka kabalik ||
2. angin-angin gora prapta | awor sindhung gagak angrèp ing nginggil | nguliling ulêngan umung | praptane wèh ngalamat | marang [ma...]
--- 414 ---
[...rang] Prabu Dasamuka asung pemut | asor ngasmaradilaga | hèh babo dèn ngati-ati ||
3. kadya trunaning udaya | kang wadya wre umèb kumrêtêg sami | Sri Dasamuka agupuh | angatag wil punggawa | Gathodara Maodara sarêng magut | katri sang Wiloitaksa | parêng mangsah apêpulih ||
4. munggèng dipăngga angiglag | ngagêm limpung solahe mobat-mabit | Narpati Sugriwa gupuh | nêmbah sigra umêsat | mangsah dharat Wiloitaksa pinagut | ingêmbat muka tinêpak | Wiloitaksa ngêmasi ||
5. tan pinindho pêjahira | Gathodara sigra mangsah pêpulih | agah-agah amrih pupuh | Sugriwa sigra nyandhak | gunung watu Sang Gathodara binêntur | rêmuk tiniban ing wungkal | karingkêl wus angêmasi ||
6. Maodara sigra mangsah | apêpulih Sang Anggada nulya glis | amalu ing tal wus lampus | pêcah mukane rêmak | pêjah pisan punggawa tri sarêngipun | anglela Sri Dasamuka | patine patih jro katri ||
7. krura muntab Dasamuka | tyas ruhara galak sakala angrik | wutah kasudiranipun | kadya anglêburêna | marang bala wanara tapis amusus | sadina mêngko kewala | nora nganti dina malih ||
8. mangsah gumrit [gumri...]
--- 415 ---
[...t] ratanira | kadyangganing sarpa galak angêlih | kadya ge-agea naut | lir dahana kanginan | mawut-mawut murub ginawa ing lesus | pangamuke sang yaksendra | mêngkap wre ebat ing jurit ||
9. sigra sang narendraputra | lan kang rayi sami nadhahi jurit | katiga Wibisanèku | ngapit Narpati Rama | munggwing kanan sang ari Lêksmanasadu | Sang Gunawan Wibisana | angapit kang munggèng kèri ||
10. Dasamuka mênthang langkap | mêtu buron alas mulêk ngêbêki | andaka maesadanu | singa warak dipăngga | wraha sarpa saking jêmparing kumrutug | arak-arakan abayak | nadhahi wong agung katri ||
11. Rama Lêksmana kalawan | Wibisana sarêng dènnya nglêpasi | nirbaya pamanahipun | katri sangkêping guna | pamungkasing sanjata panulakipun | kinawih ing triloka ya | sirna gêmpang kang jêmparing ||
12. naraca bubul wus sirna | Dasamuka sarosa datan ajrih | ing prang kinarubut têlu | mêdalkên kasantikan | lir jawata purusa katri wong agung | Rama Lêksmana kalawan | Wibisana pêkik-pêkik ||
13. Sang Gunawan Wibisana | nguculakên sanjata mêtu agni | mulat tumeja ngênguwung | krodha Sang Dasamuka | mêtokakên sanjatangin-angin lesus |
--- 416 ---
tumundha panah naraca | kumêbul dalêdêg mijil ||
14. akêthèn limpung candrasa | kunta piling parasu lawan gandhi | badhama mêtu ambubul | tumamèng kapibala | Sri Bupati Sugriwa tinuduh ngimpun | nanêtêgi kapibala | wau kang rame ajurit ||
15. muntab Trisula Kartala | Yaksa Prabu mêmanah wanti-wanti | ing payudan kadi mêndhung | dening panah pangabar | manah malih Dasamuka mijil gunung | sigra mênthang gandarwastra | Narpati Rama nglêpasi ||
16. têmpuh pyuk anèng gêgana | gandarwastra panulak sirna gusis | yaksendra pêngabaripun | gumuruh kang wanara | dewa-dewa ing ngawiyat surak umung | anyuraki Dasamuka | ngudanakên wangi-wangi ||
17. Rahwana soring sarana | ngêntha asasênggrang mênthang jêmparing | Gunawan Wibisana wus | mêsat panah panulak | katut kombul Dasamuka panahipun | punggêl daludag kêtrajang | ing panah panulak gusis ||
18. saya sru dènira krura | nglêpasakên limpung lumêpas aglis | narendraputra tinuju | limpung sêdhêng mèh prapta | sigra ari Lêksmana sanjata mamprung | limpunge punggêl pinanah | Rahwana kaku tyasnèki ||
19. ratane rêmak pinanah | sirna lawan kusire myang turanggi | katut ngrata sumyuripun |
--- 417 ---
malumpat Dasamuka | tan adangu kang naosi rata rawuh | minggah malih Dasamuka | ing tyas tan kundur ing jurit ||
73. Durma
1. krodha muntab Sang Buminata Ngalêngka | dening kaprabon jurit | singa linêpasna | punggêl ana kang sirna | katut kabuncang ing angin | asalin kunta | mêrpêki ing ajurit ||
2. ngayat kunta sarya sru pamuwusira | hèh Rama dèn abêcik | iki kuntaningwang | dèn prayitna atadhah | Rama ingkang dèn ayati | dupi lumêpas | Lêksmana ingkang pinrih ||
3. jajanira sira Sang Truna Widagda | niba gumuling siti | kunta nrus ing jaja | ngungun nangis kang raka | sungkawa dènnya ningali | Prabu Sugriwa | wre kabèh sêdhih kingkin ||
4. Sang Gunawan Wibisana kagyat mulat | Lêksmana nandhang kanin | sigra dènnya nyandhak | sinundhang Sang Lêksmana | kunta tumancêp tinarik | tatu ingusap | mring Wibisana aglis ||
5. wus cinatu waluya Truna Lêksmana | sigra dènnya ngabêkti | mring raka narendra | Rama angrangkul sigra | ngaras êmbune kang rayi | Prabu Sugriwa | ilang dènnya prihatin ||
6. lan sagunging prawira wanara mulat | Lêksmana dènnya kanin | ing mangke waluya | sinambut Wibisana | tan ana labêting kanin |
--- 418 ---
mêre wurahan | suka-suka tan sipi ||
7. angandika Bathara Ramawijaya | hèh ta Andayapati | ing kene saosna | iya kang sandilata | panguripe wong sabumi | sira gadhuha | prayogya ing ajurit ||
8. manawana kang kanin sira nambakna | iya kang maosadi | Anoman tur sêmbah | nuhun inggih sandika | wau kang ayuda kalih | Sang Dasamuka | amundhut rata salin ||
9. datan antuk dènnya ngadu pêngabaran | pêpulih tan pakolih | tan apilih papan | Prabu Ramawijaya | dènira ngladèni jurit | sakarsa-karsa | sinarah sarèhnèki ||
10. tyasirage gugup nuli matènana | mring mungsuhira aglis | Prabu Dasamuka | sigra minggah ing rata | ratane manik pramati | kapraboning prang | wus munggèng rata manik ||
11. angadhangkrang ngiglag Prabu Dasamuka | nèng luhur rata manik | gêbyaring makutha | murub kadya baskara | Dasamuka mêmpêng kapti | kadya matia | mungsuh sadina iki ||
12. gumrit ratanira kuda ngombak-ombak | parêng sèwu dènnya ngrik | gumrah swaranira | awor bala wanara | sandeya Hyang Endra ngèksi | Ramawijaya | dènnya dharat ing jurit ||
13. lawaning prang Dasamuka munggèng rata | saksana anêdhaki | rata nawa
--- 419 ---
rêtna | lawan sêrati dewa | kang juru ngingêr ing jurit | lawan sanjata | guwa wijaya prapti ||
14. bramastra kang tinurunakên Hyang Endra | gumêbyar amratani | nadyan ing ranangga | kagyat bala wanara | sadaya ebat ningali | praptaning rata | ngarsane gustinèki ||
15. sigra nitih wong agung Ramawijaya | munggèng ing rata manik | kang rayi sang arya | truna widagda minggah | gumuruh wre surak sami | pangrasanira | ing aprang dhandhanggêndhis ||
74. Dhandhanggula
1. wusnya Prabu Ramawijayèki | munggèng rata saking Batharendra | jawata ngawiyat kabèh | urmatira jumurung | sarwi ngudanakên wêwangi | lumrang gănda kusuma | sumêbar sumawur | Sang Gunawan Wibisana | duk tumingal nyatane luwih-linuwih | sayêkti unggul ing prang ||
2. gustiningsun sang binatharadi | nora nana sangsayaning yuda | Dasamuka sêjatine | tuhu prajurit punjul | nanging datan bisa nglong-longi | tyase kang aruhara | dènira gung rusuh | mangsah mêrpêki Rahwana | wruh mungsuhe wus munggèng ing rata manik | yaksendra mênthang langkap ||
3. nglêpasakên jêmparing linuwih | mêtu sakathahe kang sanjata | narendraputra nulyage | mamênthang langkapipun | lumêpas kang sanjata luwih | sanjata kang ginawa | duk anèng [a...]
--- 420 ---
[...nèng] wana gung | nglêbur ditya ing pratapan | têmpuh êpur adangu panahnya gênti | panah pinuja-puja ||
4. sigra nglêpasi sanjata malih | yaksendra mêtu bujăngga pasa | kumêbul panah wêdale | Ramawijaya gupuh | nglêpasakên sanjata luwih | wêtune tan petungan | samya ambêbujung | mring panahe Dasamuka | sangsaya gung panah ngêbêki wiyati | sirna bujăngga pasa ||
5. Dasamuka sigra jinêmparing | kêna murdane niba ing rata | mulat wau ta kusire | yèn gustinira lampus | susah sigra mêdhun mring siti | ngungsèkkên sariranya | Dasamuka wungu | katon kusire lumajar | tinudingan hèh dhustha têmên si kusir | atinggal rataningwang ||
6. apa sinêngguh ingsun ngêmasi | kusire sigra adhêrakalan | wangsul marang rata age | saking jrih gustinipun | Dasamuka nglêpasi malih | limpungipun trisula | pêpujan rumuhun | sigra Sri Ramawijaya | nguculakên bramastra panulak aglis | limpung pinutêr sirna ||
7. lan măntra Sang Hyang Endra kinardi | panulake sagunging gêgaman | sigra sang aprang kalihe | gênti pagut-pinagut | sami ngabên sanjata sêkti | têmpuh pur kang sanjata | gêsêng dadi awu | samya angêtog kabisan | ngêntèkakên ing prang tingkah [ting...]
--- 421 ---
[...kah] sura sêkti | dènnya sami digdaya ||
8. samya angambil sanjata malih | gantya nglêpasi panah bramastra | sanjata akèh warnane | ana kang rupa diyu | ana rupa iwak jaladri | kang rupa buron alas | ana rupa manuk | manuk garudha iyana | danguning prang tutug-tatag ing ajurit | atangguh-tinangguhan ||
9. datan kurang kasudiran sêkti | tuju-tinuju sadangunira | anutug angên-angêne | tan ana kang cidra wus | putus marang wiweka sami | rata gantya putêran | kaliru gonipun | kadi cakraning gilingan | dènnya aprang tata tètèh têmu tandhing | sêdhêng atêtandhingan ||
10. mêlêk mulêk lêbu angin-angin | anuting rata dangu putêran | angin-angine sumêrèt | lesus mulêk malêdug | lêbu kentas katanpêk[27] ngangin | kadya lintang liwêran | sêsotya kumêpyur | rêrêngganing rata rêtna | ratanyobah lêbunira prapta malih | ibêkan ing paprangan ||
11. gêbyaring sotya kèsisan ngangin | kadi lintang asêsiring kilat | anut tinut lan gêbyare | lir Hyang Brama nênawung | lawan Yama ngadu prang tandhing | umung jawatèng tawang | suka andêdulu | wanara ngrèb akalangan | tan wruh samar midêr tan ajrih kaplipis | samya calêking rata ||
12. dangu maputêran [maputêra...]
--- 422 ---
[...n] rata kalih | kadya gonjing siti magiwangan | gumêtêr otêr patêre | wukir kadya gumuntur | horêg agra kagiri-giri | gumuruh anglir gêrah | gora guntur kêtug | prabawane kang ayuda | apan samya winongwong ing jawatadi | dadya gung kang prabawa ||
13. gêbyaring surya sirêm nyirêmi | anglir palimarma mring kang aprang | kumocaking samodra rèh | anut pandhêlongipun | dènnya bumi agunjang-ganjing | wanara kudhampêlan | rumêmpak tumumpuk | kang samya garêbêg rata | uwal-uwêl ngudhampêl guling-gumuling | yayah kadi kasukan ||
14. sela tala gunung-gunung sami | anjagani kadi matêk japa | dènnya obah ing bumine | amrih luputing gugrug | ringgang-ringgung gênjoting wukir | manawa graning arga | kadya rug gumuntur | kusir buta anggung tiba | kusir dewa mèpèt mêrpêki pok tali | dhêpès ngrapêti tampar ||
15. parandene anggung kontrang-kantring | kusir dewa kêtampèl ing barat | linuding rata gunjinge | dhêpès-dhêpès kêbandul | kusir dewa matur wotsari | dhuh sang narendraputra | sampun dangu-dangu | paduka angladosi prang | lan Rahwana pijêr linawan ing tandhing | inggih tuwas punapa ||
16. dhuh wêlasa ing bumi lan langit | gênjot-gênjot sadanguning aprang | kadya [ka...]
--- 423 ---
[...dya] rug kang samodra rèh | prabata kadi guntur | salah lamun pinèt ing tandhing | yèn anggung makètêna | bumi têmah bubul | lah ta nuntên lêpasana | dangu-dangu ing prang pijêr mamèt silip | apan pun Dasamuka ||
17. salamine rêrêgêding bumi | ratu murka ruhara andadra | yèn paduka wèh prang rèrèh | si murka anênungkul | inggih măngsa tumamèng aji | nanging mêwahi rêsak | ing jagad pukulun | yèn paduka mêndha-mêndha | tuwan anti bok sêktine ana kèri | wingking manggih wisesa ||
18. sampun têlas kanuragan sêkti | Dasamuka upamane damar | salami tan kadi mangke | sangête urubipun | amaraman murub tan sipi | ujêr lisahe têlas | murub nuntên lampus | wus jamak damar mèh sirna | murub sangêt lah prabu suwawi nuli | paduka lêkasana ||
19. sampun sêdhêng paduka ngajèni | yudaning ratu sanadyan murka | pantês rinewang prang rèrèh | apan punika sampun | gèn paduka nyabari budi | amriha prang utama | kalampahan dangu | sampun mangsane punika | ing pêjahe rarêgêding pitung bumi | bumi pinanas-panas ||
20. tri buwana ngajêng-ajêng sami | asrêpa dening panah paduka | ing jagad măngka sirame | guwawijaya gupuh | lêkasêna sanjata sêkti |
--- 424 ---
luwih ing tri bawana | pinuji pinunjul | tibaning guwawijaya | apan sasat Mèru lan Himawan wukir | boting guwawijaya ||
21. măngka kêndhêng ratuning ngin-angin | barat sajagad mangatêr mêsat | ratuning agni landhêpe | lan surya-surya putus | măngka êlar-êlarirèki | wuluning pêksi raja | mawa sindhung riwut | lan angin-angin ing gêlap | aliwêran katon pangruwat ing silip | sajagad mati atap ||
22. dursila murka mêmala lalis | kadi pinusus guwawijaya | lah nuntên pênthangên age | tan luput patinipun | Dasamuka murkaning bumi | kunêng ta aturira | kusir dewa wau | sigra Sang Ramawijaya | ngadêgakên langkap pinênthang pinusthi | tajêm ingarah-arah ||
23. sarwi nguwuh sakêdhap dènnya ngling | ujar koko bae tanpa krama | dèn prayitna iya kiye | Dasamuka patimu | dyan lumêpas Rahwana kêni | tênggak pêgat kaparah | rubuh kabarubuh | gumêbrug sapuluh pisan | sirahira ya ta lajêng angêmasi | Buminata Ngalêngka ||
24. kapibala gumrudug parêng jrit | gora gurnita manêngkêr wiyat | kumrubut mulat sirahe | atub susun atimbun | kadya gêrah wre êncak-êncik | ana kang lumba-lumba | ana mumbul-mumbul | cikrak-cikrak [cikra...]
--- 425 ---
[...k-cikrak] lincak-lincak | akêkèjèk ana jêngking ngolang-aling | miring arêrangkangan ||
25. tan wus ucapên kang bala kapi | dènnya suka kapasuk ing suka | tan ana siku-sikune | gunging suka sinungku | kadi pêjah amanggih urip | kadya rare ruhara | tanpa rungyan dangu | dening solahing wanara | kunêng wiyat jawata samya ngurmati | ngudanakên sri nata ||
1 | pinutêr. (kembali) |
2 | Lebih satu suku kata: ing prang paksa purba. (kembali) |
3 | Kurang satu suku kata, dan biasanya guru lagu u: têtêkên pating kêthêkluk. (kembali) |
4 | atumpa-tumpa. (kembali) |
5 | Lebih satu suku kata: cangkême andhêlak dhêlak. (kembali) |
6 | tandhing. (kembali) |
7 | idêr-idêran. (kembali) |
8 | Kapi Anila. (kembali) |
9 | cinêlubakên. (kembali) |
10 | Lebih satu suku kata: gumuruh swarane tangis. (kembali) |
11 | Lebih satu suku kata: kathah bupati kang pêjah. (kembali) |
12 | kêtug. (kembali) |
13 | mandrawa. (kembali) |
14 | nyakar. (kembali) |
15 | kapênyêd. (kembali) |
16 | kadya. (kembali) |
17 | yèn. (kembali) |
18 | yêkti. (kembali) |
19 | pinênyêd. (kembali) |
20 | nung. (kembali) |
21 | mili. (kembali) |
22 | Lebih dua suku kata: Sang Hyang Endra suka muwus jaya jaya. (kembali) |
23 | Mantaka (dan di tempat lain). (kembali) |
24 | mring. (kembali) |
25 | kundur. (kembali) |
26 | glis. (kembali) |
27 | katampêk. (kembali) |