Panji Marabangun, Anonim, tengahan abad ke-19, #1298 (Pupuh 01–21)

Judul
Sambungan
1. Panji Marabangun, Anonim, tengahan abad ke-19, #1298 (Pupuh 01–21). Kategori: Kisah, Cerita dan Kronikal > Cerita.
2. Panji Marabangun, Anonim, tengahan abad ke-19, #1298 (Pupuh 22–42). Kategori: Kisah, Cerita dan Kronikal > Cerita.
Citra
Terakhir diubah: 08-06-2022

Pencarian Teks

Lingkup pencarian: teks dan catatan-kakinya. Teks pencarian: 2-24 karakter. Filter pencarian: huruf besar/kecil, diakritik serta pungtuasi diabaikan; karakter [?] dapat digunakan sebagai pengganti zero atau satu huruf sembarang; simbol wildcard [*] dapat digunakan sebagai pengganti zero atau sejumlah karakter termasuk spasi; mengakomodasi variasi ejaan, antara lain [dj : j, tj : c, j : y, oe : u, d : dh, t : th].

Panji Marabangun[1]

--- [42] ---

1. Mêgatruh[2]

1. [...] | [...] | [...] | [...]pa panji |[3] mung mèmpêr ngraka sang anom ||[4]

2. ujwalanya ingkang kathah kantunipun | Radèn Wasi Jayèngrêsmi | mèh nyandhak suwarnanipun | kirang kêncêng [...]jwala di | kêndho kêng manis lir wadon ||

3. ingkang tansah ngladosi si narpasunu | dènira busana adi | Rêtna Jinali Sang Ayu | Dyan Jayèngrêsmi tan têbih | kang dèrèng pantês winaon ||

4. busananya Radèn Panji Marabangun | Radyan Narawăngsa Wasi | miwah Onêngan Sang Ayu | pan sampun busana sami | de badhe patah sang karo ||

5. jawi ramya wurahan sagunging wadu | badhe andhèrèk sang pêkik | sami abusana murub | kang minta-minta ing kardi | Dyan Jayèngrana ing wiyos ||

2. Mijil

1. kawarnaa wus sumêkta sami | sagunge ingkang wong | anjajari mangampil barange | jalu èstri wus samya miranti | wahana rinakit | jêmpana gêng luhur ||

2. kamot sêlawe ingkang nitihi | pinarada abyor | pagêr gêdhah ngarsa wêranane | pinindha pêksi garudha srênggi | netra kumala di | payon sangklat wungu ||

3. pinalisir ing maliyo wilis | sinungkèt kêng wiron | ginubahan cindhe puspitane | ingkang ngrêmbat satus wus rinakit | sêksana gya mijil | Radèn Marabangun ||

4. lan Dyan Wasi nulya sami nitih | myang ragil sang sinom | ing jêmpana nêm cèthi kang dhèrèk | panganggya bra sami ngampil-ampil | pawohan tênapi | pamojokan kêbut ||

5. miwah saput upacaranya sri | ingampil pra sinom | sami dharat ngarsèng jêmpanane |

--- [43] ---

kang ngampingi wahana ban cèthi | songsongnya Dyan Panji | gilap sungsun têlu ||

6. tandya budhal sawadyakoswa sri | gumrah swaraning wong | gumalêgêr maryêm pratandhane | mangkat ngarak ping tiga gora tri | têngara barungi | kang mêrdăngga umyung ||

7. pangarsèng lampah wong magêrsari | lan kapêdhak awor | nulya para kadeyan lampahe | munggèng kuda asri dèn songsongi | upacara mrapit | jêjêl gunging wadu ||

8. saperang-perang rêntêp airir | wuri barising wong | jayèngastra nèng kuda lampahe | sikêp pêdhang lan panuwak karbin | sêpalih nèng wuri | sikêp tawok ganjur ||

9. wurinirèng jayèngastra ngarsi | trunaasmara wong | baris rampak mawarna astrane | waos tinggar lyan sikêp jêmparing | kêng anganan ngering | gulang-gulang agul ||

10. ngalih wêlas sikêp pêdhang tamsir | kang upacara wor | ngarsèng joli atata lampahe | ponakawan ngarsanira malih | panjidhur tan têbih | wau Lurah Cêkruk ||

11. lan Prasănta sami nunggang ilir | acucud sang karo | ingkang garbêg wuri jêmpanane | sangajênging Jayèngastra baris | ampilan astra sri | waos kantar busur ||

12. tamèng pêdhang myang nênggala piling | agêmnya sang anom | kang andhungan kuda nèng ngarsane | kya dhalang antêban rinêngga sri | kang swandana èsthi | palananya murub ||

13. kyai jaka maruta kêng nami | wuri pisan kang wong | pamajêgan atata lampahe | samarga-marga kang mêrdoga tri | tambur slomprèt suling | ramya kêng panjidhur ||

14. wong nêningal èbêk urut margi | jalwèstri sêpuh nom | kathah ingkang tan antuk ênggène | ngantya lunjak-lunjak anèng

--- 44 ---

wuri | lyan mènèk waringin | tan wênèh cinatur ||

15. namung patah priya [...][5] putri | anglela katonton | anèng ngarsa jêmpana èmpêre | ing wu[...]kêng garudha rukmi | jam gangsal kang wanci | baskara anglayung ||

16. soroting [...][6] sumilak kuning | dwi patah mêncarong | dhasar bagus Dyan Wasi warnane | samya lênglêng kang sami ningali | kang dèrèng mangêrti | patah kalih wau ||

17. ingran pêngantèn dening Dyan Panji | nèng lêbêt tan katon | ya ta prapta paglaran lampahe | pra kadeyan wus tumrun sing wajik | panggih lan apatih | lèn kêng pra wara nung ||

18. Radèn Nila Prabăngsa tênapi | atata gunging wong | kang jêmpana alaju lampahe | mijil mêngkang kandhêg sripanganti | sang pandhita putri | paregolan mêthuk ||

19. miwah Radèn Apanji Tohpati | anututi gupoh | ing jêmpana myang para arine | anampèni têdhaknya Dyan Panji | Sang Dyah Kilisuci | anyandhak kêng sunu ||

20. Dyan Pêngantèn Panji Wanèngpati | nèng madyaning regol | pan kinanthi lan Dyan Tohpatine | Radèn Sinompêrdhapa anganthi | Risang Dyah Jinali | Radèn Wukirsantun ||

21. nyandhak astaning Dyan Jayèngrêsmi | laju kinanthyalon | asta kering ingampil dangune | langkung sukèng tyas Dyan Wukirsari | mèsêm mawang liring | ing lyan kang andulu ||

22. parpat kalih mêksih nunggang ilir | nèng pura gaguyon | para èstri kang mulat sakèhe | pinaranan sinepak ing ilir | kang nyêngèl nèng ngarsi | susunya dinumuk ||

23. bubar-bubar sakathahing èstri | gumya para wadon | ingkang dadya sukaning manahe | Lurah [Lu...]

--- 45 ---

[...rah] Cêkruk kang irung dèn abrit | sarta dèn karahi | ing sêlaka pingul ||

24. sri narendra nèng jrambahing puri | kang putra sang sinom | Sang Dyah Galuh tansah [...] ngarsane | miwah sang dyah ratu pramèswari | pra pingitan tuwin | marak glar ing ngayun ||

25. lêbêtira kang putra Dyan Panji | jumênêng sang katong | Sang Dyah Galuh kinanthi astane | mring kang ibu sang dyah pramèswari | mring tratag sang aji | Radèn Marabangun ||

26. kinèn laju pan taksih kinanthi | mring sang wiku sinom | akalihan Dyan Brajanatane | Radèn Kuda Narawăngsa Wasi | myang Sang Dyah Jinali | ngampil kuncanipun ||

27. Radèn Sinompêrdapa sang pêkik | andhèrèk tan adoh | atanapi Dyan Wukirsarine | Dyan Mêlaya kang tansah kaèsthi | mung Rêtna Jinali | sasolah dinulu ||

28. Sri Jênggala sarêng aningali | mring wasi sang anom | langkung kumênyut rêsêping tyase | sangking bagusira ingkang warni | mêmanising liring | mirib Sang Dyah Galuh ||

29. sanèsira mung priya lan èstri | èsthinya sang katong | nora duga dewa sêsmitane | Sêkartaji prapta salin warni | gêng anggagilani | dudu timbangipun ||

30. ana wangsit kinèn mangun panggih | patah srananing wong | priya ingkang asigit rupane | dumadakan olèh bocah iki | yèn dadia èstri | uga nini Galuh ||

31. iya ingkang bakal ruwat êndi | apêpatah kang wong | paran iya uga pêngantène | luwih elok gaibing dewa di | Radèn Jayèngrêsmi | wau sarêng dulu ||

--- 46 ---

32. dhatêng Sang Dyah Rêtna Sêkartaji | amèsêm ing batos | ciptaning tyas [...]ye | putri adi sêsotya Kêdhiri | de ayu ngluwihi | bêdhawang [...] ||

33. pan sêmbada ulate angolik | baya ngêndi kang wong | ga[...] nalimur kêng aèng | kaya ngapa ing têmah Si Panji | sun arêp udani | [...]raning madu ||

3. Dhandhanggula

1. sri narendra angatag ing siwi | kinèn sami bêbalangan gantal | datan lênggana sang kinon | wusira Sang Dyah Galuh | gya kinanthi mring Radèn Panji | sang nata sampun lênggah | lan garwa dyah ratu | miwah sang pandhita lara | pra pingitan aglar kanan kering wuri | pêngantèn munggèng ngarsa ||

2. Radèn Brajanata datan têbih | Radèn Lêmpungkaras Wukirsêkar | Dyan Narawăngsa sêdene | myang Jinali Sang Ayu | ngungun-ngungun Dyan Wukirsari | mulat ing sang kusuma | kangbok Sang Dyah Galuh | mangkona ciptaning driya | salontara dhuh biyang sadulur mami | kangbok Candrakirana ||

3. dene kaya mêngkono kêng warni | kêna ngapa anandhang cintraka | warna dudu suwadine | kaya lègêr lêlaku | pinaesan rinênggèng rukmi | apa rêmên kakang mas | Panji Marabangun | sun duga yèn durung ruwat | kang cintraka tangèh tumêka ing rêsmi | katujune kakang mas ||

4. sugih klangênan pating salêmpit | sarta manggih kamrat patah priya | kaya mêngkono baguse | tinimbang ing jinêmrum | angêloni lègêr bisa ngling | tur kaya wewe manak | angur priyanipun | purplêsir dhi bawah tangan | dhalêm lelang libih baik main gundhik | nyang nècis tidhak kurang ||

5. para kadang ciptanya tan têbih | kadya Radèn Mêlayakusuma | ya ta wau jêng sang katong | mring pu[...]

--- 47 ---

[...] rum | dhuh putrèngsun Ki Wanèngpati | lah iku garwanira | kêrongron dèn a[...] | [...] papa cintraka | dipun ngandêl marang juwata linuwih | kaki anarimoa ||

6. aja êsak purbaning dewa di | sira winayang ing palakrama | jinodho du[...]nge | èsêming lyan ywa wiguh | pan wis untungira Ki Panji | mokal papêsthèning Ywang | kêna owah bawur | yèn sira tuhu narima | kaya-kaya gêlis apurèng dewa di | ruwat Căndrakirana ||

7. matur nuwun Radèn Kêrtapati | Sang Dyah Galuh wrin sêbdaning nata | kêlangkung trustha ing tyase | masang ulat malêruk | mring Dyan Panji ajawil-jawil | ewa sagunging mulat | ngling malih sang prabu | dhatêng Radèn Narawăngsa | hèh ta kulup Wasi Kuda Jayèngrêsmi | sun milu apêputra ||

8. marang sira aja taha kaki | duwe kadang kaki Rawisrêngga | dikaya nunggal renane | mring ibunira kulup | garwaningsun bok pramèswari | ywa wiguh ngaku rena | dèn tuhu kumlungkung | yèn ana kuranganira | jêjaluka sang dyah ratu anambêti | sêbdanirèng narendra ||

9. ya mêngkono kulup Jayèngrêsmi | sira pisah lawan yayah rena | sri naranata gêntine | utawa jênêng ingsun | matur nuwun rahadèn wasi | tumungkul sarwi nêmbah | ngandika sang prabu | lah ta kulup Rawisrêngga | wis mundura garwamu ajakên mulih | marang ing kasatriyan ||

10. Brajanata putraningsun kaki | lah êmongên kulup adhinira | kang liningan awotsinom | Rahadèn Marabangun | lawan garwa wus sami pamit | nêmbah manguswa pada | mangusapi lêbu | mring ramibu gêntya-gêntya | atanapi

--- 48 ---

ingkang para putra sami | ngabêktyèng yayah rena ||

11. sang rê[...] Kilisuci | badhe tumut dhatêng kasatriyan | myang sasêpuh [...]m | pingitannya sang prabu | pan sêdasa badhe lumiring | sêmana mu[...] | Radèn Marabangun | miyos sangking dhatulaya | pan kinanthi dhatêng sang dyah [...] putri | myang Radèn Brajanata ||

12. samya nganthi ajajar lumaris | patah kalih datan kêna têbah | gumêrdêg kang para sinom | ing paregolan rawuh | lajêng nitih jêmpana sami | Rahadèn Brajanata | lan pra arinipun | myang Patih Kudanawarsa | sakancanya tata mêdal nitih wajik | srang-srangan gunging wadya ||

13. sampun budhal sangking sripanganti | kang pêngantèn wau sêkatinya | kèndêl asalin gêndhinge | ladrang pangantèn umyung | găngsa Jawi samya nyarêngi | gadhog ngèrèk gumêrah | ramya kêng panjidhur | ing alun-alun wus prapta | gunging baris sami drèl tinggal swara tri | lir bêlah kang akasa ||

14. ting jalêgur kang maryêm barungi | kadi gêlap mungêl kaping songa | sagunging kang têngara ngrok | yayah gêrah kapitu | lampah tata makupu pipit | kadi duk angkatira | wêwah gunging laku | Rahadèn Nila Prabăngsa | sakadangnya myang Kudanawarsa Patih | dhèrèk dhatêng Kradenan ||

15. lampahirèng jêmpana aririh | wau Sang Rêtna Căndrakirana | tan tahan ngampah brangtane | dhatêng Dyan Marabangun | sang dyah ngrangkul sangking ing wuri | rajaputra tyas rêgag | tan tumimbang kayun | sang dyah rêtna mêsu ing byat | matak guna pêngasih sumbaga dhê[...]

--- 49 ---

[...] | [...] puruhita ||

16. dhatêng Mangundikrama ing nguni | kawimbuhan sêbda [...] | drubiksa gêng rêncana wor | nêmpuh monah tyas têguh | goyang ripta ka[...]ti | Dyan Panji Rawisrêngga | kabyatan driya kung | kongkal kèlu kalênglêngan | koluring tyas tumimbang karsaning rayi | cinandhak ingkang asta ||

17. sarwi gunturi srênggara manis | dhuh mas mirah kang asih mring garwa | gusti gon kawula ngèngèr | yangyanging jinêm-arum | ingkang sawang rêtna ingukir | lawas ingsun apisah | lan sira wong ayu | lir pêjah sajroning gêsang | mêngko timbul lir manggih rêtna sawukir | mirah kang sor supraba ||

18. suka ing tyas sang pandhita putri | aningali runtuting atmaja | wau Dyan Jayèngrêsmine | langkung bêntèring kalbu | sru sinamun mèsêm sang pêkik | ngliring sarwi ngandika | hèh ta Marabangun | iku luput wuwusira | ngungrum garwa kurang turut kang mêmanis | tirunên ingsun wulang ||

19. mirah ingsun panukmaning cicir | ingkang sawang wewe anak-anak | kaya lègêr asêsembong | lyan mindha gajah abuh | èsêm lêgi kêng bratawali | Sang Dyah Căndrakirana | sru runtik ing kalbu | myarsa wuwusira Radyan | Narawăngsa asêndhu dènira angling | iku patah mênyunyang ||

20. wani-wani mêmayok mring mami | kadang-kadang wong gunung tan tata | jaban rangkah doh prentahe | suwawi kakang brangus | udhunêna pun Jayèngrêsmi | ywa tumut nèng jêmpana | sangêt datan urus | ngandika sang rajaputra | mirah ingsun dèn gêng apuramu yayi | mring Wasi Narawăngsa ||

21. dening prêlu karyane si yayi | lan maninge wus janji lan ingwang | sobat manjing sadulure | ing lair batin [ba...]

--- 50 ---

[...tin] têrus | datan kêna nêja ngalani | kèndêl Sang Dyah Kirana | wrin sêbdaning kakung | [...]g ingkang jêmpana | duk sêmana kasatriyan sampun prapti | têdhak [...]lihira ||

22. sang dyah guru putri laju nganthi | mring atmaja risang ka[...] | pan sampun tata lênggahe | Jinali Sang Rêtnayu | cêlak kangbok Dyah Cê[...] ji | para dyah tata aglar | nganan ngering pênuh | wau Radèn Narawăngsa | datan arsa nèng lêbêt kêdah amijil | tunggil lan pra kadeyan ||

23. Radèn Nila Prabăngsa tanapi | sakadangira wus lênggah tata | myang Dyan Wiranatarjane | lênggah kursi sêdarum | pêpak para niyaka wrêsni | dining kanang Jênggala | wus aglar supênuh | Dipati Kudanawarsa | munggèng têngah lawan Dyan Panji Tohpati | kanan banjêng pra kadang ||

24. cakêtira Radèn Wanagiri | ingkang rayi Dyan Sinompêrdapa | gya Radèn Jayèngrêsmine | nulya Dyan Wukirsantun | Dyan Natarja ingkang nambêti | malih ing kilènira | amenggok mangidul | wau Radèn Jayèngrana | saurutnya kang nèng sakiwaning patih | para pratiwasmara ||

4. Asmaradana

1. ambanjêng anèng ing kursi | tumênggung sura dêksana | pêngangênging niyakane | pêpak adining amănca | pasisir măncanagra | pamungkasirèng tumênggung | têpang lawan para putra ||

2. pêndhapa pêpêt kang kursi | mêrdăngga ing ngarsa tata | pelog salendro ginantos | angrangin suwaranira | asri sindhèning kênya | sinêla musikan umyung | langkung sami sukèng nala ||

3. pakramanira Dyan Panji | pênuh ingkang kaurmatan [kaur...]

--- 51 ---

[...matan] | ing latri pandamira byor | marêngi padhanging căndra | sêkala lir raina | [...]na kêng para nung | asri pêkakasing meja ||

4. kêng ladosan sarwa asri | [...]ka rênaning driya | pra putra myang pratiwane | dening Radèn Narawăngsa | sasolahe pêsaja | jêtmika manising têmbung | tansah akarya la-êla ||

5. ketang sêsmitèng dewa di | Kusuma Căndrakirana | ing têmah badhe ruwate | dene winangun ing krama | lan sarat patah priya | pêrcayanirèng para nung | mulat Wasi Narawăngsa ||

6. sangking baguse kang warni | sênêne ngêbêki jagat | ngayêmi praja têmahe | ngandêl kuwasaning dewa | nitahakên manungsa | ywa pêcak birat tan patut | ing warna jawata wegya ||

7. myang nitah manungsa sigit | kêng langkung sangking ngakathah | dewa tan kewran yêktine | kadya Radèn Narawăngsa | langkung elok kêng warna | liya Radèn Marabangun | dyan wasi luhur priyăngga ||

8. kaotira namung kêdhik | Dyan Panji Gagakpêrnala | amrajuriti baguse | Radèn Kuda Narawăngsa | manisira lir kênya | mila prasami kayungyun | mring Jayèngrêsmi Dyan Arya ||

9. ngênting egarira sami | tan pêgat inum-inuman | dyan wasi pinêlêng ngakèh | ganti-ganti saos kurmat | kêng surak wantya-wantya | binarung ingkang panjidhur | nêlas dènira kasukan ||

10. luwaran kêng bojana tri | nulya sami tata lênggah | ambanjêng anèng kursine | badhe kêlangênan bêksa | pasindhènira tata | wau Radèn Marabangun | kang nèng dalêm lawan garwa ||

11. sawusira dhahar sami | wau Dyah Căndrakirana | tan kênèng ngampah brangtane [brangta...]

--- 52 ---

[...ne] | tansah jinawil kang raka | ngaturan minggah nendra | èmêng tyas sang [...] | dèrèng kolur galihira ||

12. pasah ing sumbaga dhêsthi | kandhê[...]an asta | dèrèng kagiwang jinêm-ron | narimèng cintrakanira | ngandêl karsèng [...]ra | Radèn Panji Marabangun | arsa miyos ing pêndhapa ||

13. ingkang kacipta ing galih | namung Radèn Narawăngsa | kaèsthi ing asmarane | kadya mring Căndrakirana | duk dèrèng kenging mala | cawêngah kang warni kakung | tansah mênggah nahên brăngta ||

14. nulya miyos sang apêkik | kang garwa tansah angampah | kêkah gendholi kuncane | nêbda sarwi sarengkodan | dhuperan sampun mêdal | suwawi sare rumuhun | najan arsa lalênggahan ||

15. mangko yèn wus sami guling | rajaputra pêgêl ing tyas | tansah angusap jajane | sang rêtna ingapus krama | manis dènnya ngandika | sarwi nglus sasinomipun | mas mirah ywa walangdriya ||

16. mêngko sun malêbu maning | dhingin arsa nêmonana | kangmas Tohpati rawuhe | utawa paman apatya | ewuh yèn tan mêtua | pandhita rara sumambung | babo bênêr lakinira ||

17. aja sira anggondhèli | ewuh-aya wus pêpanggya | nini sêmăngsa-mangsane | sang rêtna lilih ing driya | inguculkên kang kunca | laju miyos sang binagus | kang lênggah jumênêng samya ||

18. Radèn Inokêrtapati | kang jinujug dènnya lênggah | Sang Narawăngsa Rahadèn | Dyan Panji Sinompêrdapa | mingsrê pilênggahira | wu[...]

--- 53 ---

[...] lênggah sêdarum | linilan nèng kursi samya ||

19. mêrdapa sagung sumiwi | [...] Patih Kudanawarsa | mangukuh anèng kursine | Rahadèn Nila Prabrăngsa | taklim mring arinira | mung Jayèngrêsmi sang bagus | mring raka datan rêringa ||

20. wus èsmu kraos dyan wasi | dènira nginum akathah | dhinêsêk ing palênggahe | mring Dyan Panji tan kadriya | wau Dyan Narawăngsa | pangandikanira asru | hèh ta Panji kasatriyan ||

21. sêdya apa sira mijil | bêcik uga kêlonana | lan bojomu gajah barong | yèn sira tinggal nèng jaba | ing mêngko têmah mêta | mèsêm Radèn Marabangun | dyan wasi inglus pipinya ||

22. sarwi angandika manis | dhuh yayi mas sun tan bêtah | pisah suwe lan dhèwèke | lan arsa milya kasukan | angladèni kakang mas | ngliring Radèn Marabangun | mring raka Dyan Brajanata ||

23. miwah mring rêkyana patih | manis dènira ngandika | suwawi dugèkna age | sami kasukan abêksa | sanak-sanak myang kănca | niyaka para tumênggung | kawula arsa uninga ||

24. tan lênggana kang sinung ling | gya ngatag sami abêksa | rakit sêkawan ajênge | putra sisihan bupatya | bêksanira mawarna | neka-neka gêndhingipun | ana bêksa lawung sura ||

25. wênèh bindi gada mamrih | sami mêntarkên wiraga | angodhang kaprawirane | ana ujung băndabaya | lyan tawok tamsir waja | tan ana kuciwèng sêmu | tuhu sami wirutama ||

26. putra ing Jênggalamanik | tênapi para bupatya | putus wiramèng bêksane | kang kinentha[7] warna-warna | larasing langên bêksa [bêk...]

--- 54 ---

[...sa] | ana raras sasrabau | duk Radèn Patih Suwănda ||

27. nglama[...]da nagri | têmahan abitutama | lyan Rama Badra larase | duk tandhing wê[...] | lawan yêksa Ngalêngka | ana ngraras brata pupuh | pranging Pêndhawa Kurawa ||

28. pamiriting langên ngênting | bupati tandhing pra putra | kêng dadi èngêting ngakèh | duk bêksa Dyan Brajanata | sisih Radèn Pêrtala | Dyan Andaga tiganipun | catur Dyan Jayamiruta ||

29. bêksa tamèng gada bindi | kalaganjur gêndhingira | satindak pêngkuh gêdruge | kadi ngobahna byantala | gora-rèh gora-gadha | wêntus dhêndha krora digung | tan ana ingkang kuciwa ||

30. kêng surak ramya mawanti | sami sukaning wêrdaya | gya sami nginum sawuse | Ki Bancak lawan Prasănta | tansah nglarih kang bêksa | acucud sasolahipun | maminta kang majêng bêksa ||

31. Sang Kudanawarsa Patih | ingatag mopo kewala | mring Ki Prasănta wuwuse | kawula langkung lênggana | de wus kapara tuwa | sumăngga kêng anom asung | sêdhênge măngsa taruna ||

5. Sinom

1. Rahadèn Sinompêrdapa | ingatag ngraka Dyan Panji | bêksa lan kadang priyăngga | wau Radèn Wukirsari | tiga Radèn Pêrmadi | Dyan Wiranatarja catur | bêksa tamèng curiga | mênggêp kêtawang kang gêndhing | mirit raras duk yuda Karna tandhingan ||

2. lawan satriya Arjuna | tuhu bagus Dyan Sêsimping | wasis putus ing wirama | akarya brangtaning ngèksi | myang Radèn Wukirsari | tan kuciwa sigitipun | dhasar ladak sêmbada | lir Dyan Sămba mangun brangti | amantêsi wau Radèn Jayèngrana ||

3. luwês a[...]

--- 55 ---

[...] rama | obahing jăngga rêspati | tinon lir Dyan Narayana | Wiranatarja [...] | bêksa solah mêsajani |[8] dyan catur tuhu binaud | prayitna ujung katga | ta[...] nguciwani | kandêlira gya sami inum-inuman ||

4. sang catur nulya u[...]k | mring Rahadèn Kêrtapati | sarwi nyaosi minuman | anggur maderah tinampin | miwah Dyan Jayèngrêsmi | sang kalih anulya ngunjuk | matur Dyan Wukirsêkar | kakang mas kantun pribadi | sêkalihan kawula aturi bêksa ||

5. dadya pangirining kathah | pantês-pantêsing sarimbit | bêksa mêntarkên wiraga | yèn sampun gya sami guling | mèsêm Dyan Wanèngpati | dyan wasi kraos ing wuru | nulya jumênêng radyan | sêkalihan bêksa sami | gêndhing munya barang asmara angraras ||

6. rêspati padha kêrasa | pênabuhira aririh | kêng ricik rêbab kapyarsa | calêmpung suling dumêling | gambang salukat asri | kêtipung ukur dinumuk | langut sindhèning kênya | sênggakira angêdhasih | sabên găngsa kang surak lir bata rêbah ||

7. suka kang para kadeyan | miwah sagunging bupati | jumênêng kêplok sêdaya | kang dadya egarnya sami | dening Dyan Wanèngpati | wus sirna sungkawanipun | usadaning rudita | tuhu Radèn Jayèngrêsmi | mring sang wasi jumrung ngênting manglêmbana ||

8. mila nêlas sukanira | ana kang ngêrbat ngêpraki | wênèh kapilêng tumingal | sangking bagusnya sang kalih | kadya kêmbar ingèksi | wasis ing wirama putus | lyan kaduk wurunira | Dyan Kuda Antunan nênggih | pan kabyatan panginum rêbah

--- 56 ---

binayang ||

9. Kusuma Căndrakirana | tan jênak lênggah sang dèwi | akêdhap-kêdhap tumingal | nginjên kang raka sang pêkik | dahat kabyatan brangti | [...] padhaning kayun | tanbuh ing solahira | kêlangkung bêntèring galih | aningali Radèn Kuda Narawăngsa ||

10. dene solahirèng raka | gêrgête tan mêsajani | supe marang kang sarira | kathah solahnya sang dèwi | Sang Dyah Rêtna Jinali | tan pisah kangbok Dyah Galuh | risang pandhita lara | tansah ingimur kang siwi | iyeka ta wong agung kalih kang bêksa ||

11. tandya ngasta jêbêngira | kadya manyura kasimpir | saya wimbuh rarasira | dhasar abagus kêng warni | cahya kongas ngrimangi | lir prada ingkang pamulu | kasuluh pandam lumrang | gêbyar-gêbyar mêspadani | kênyarirèng rêtna pagut lan pangeswa ||

12. lir thathit mawra liwêran | angênglêng sagung ningali | pêngrasa bênggang sing kisma | sang kalih tuhu linuwih | dhasar ingkang mungkasi | panjilmanira Ywang Wisnu | mêntar sumbagèng deya | lawan sri angeka warni | tan kuciwa sami dewa ngejawantah ||

13. Ki Cêkruk lawan Prasănta | kêlangkung bungahing ati | duk bêksa sang kalihira | sêparan dipun tut wuri | pan sarwi angêploki | siji sowang kalihipun | malih bungahing manah | Ki Cêkruk myat ing parèstri | kang naningal ginambul abubar-bubar ||

14. wau Ki Menak Prasănta | sinambi anganginumi | ingkang pinêlêng ing manah | namung Radèn Wukirsari | dening berag tan sipi | duk bêksa dyan kalihipun | kraos ing wurunira | kawijil èsthining

--- 57 ---

[...] | rêngêng-rêngêng nut gêndhing ngidung wangsalan ||

15. tan lyan paraning asmara | [...] Dyah Rêtna Jinali | manthuk-manthuk Ki Prasănta | sayenggar putra Kadhiri | [...] gêmpunging galih | Rahadèn Prabatasantun | tanbuh paraning brăngta | nguyêl-uyêl wong ngladèni | ingkang mèrèt Lurah Bêkêl Trunasmara ||

16. suka kêng sami tumingal | gumyak-gumyak parpat kalih | wau Radèn Rawisrêngga | sadangunira angrangin | ngliring Dyan Jayèngrêsmi | saya kabyatan ing wuyung | èngêt srênggarèng garwa | nguni Sang Dyah Sêkartaji | duk parênging bêksa sami sêsambêran ||

17. anulya oyog-oyogan | dyan wasi sêmu pinidih | kang wêntis radyan garjita | gumêrgêt angêmu runtik | gya narik curiga glis | kang jêbêng kinèring mungsuh | saya jomblong gung mulat | wong agung kalih kêng ngrangin | ujung katga tangkis jêbêng wirutama ||

18. tan ana ingkang kuciwa | najan kêng dhuwung ngênèni | mring ăngga datan wigatya | lir panjang putra ngupami | sinasog ing ron pari | maras kêng sami andulu | Dyan Kuda Narawăngsa | panggoconira tinitir | dhasar kaduk wuru angêmu bramantya ||

19. mèsêm Radèn Rawisrêngga | kang rayi angêmu runtik | Dyan Panji tansah mangêrpa | ya ta Radèn Jayèngrêsmi | kêraos ragi arip | sangking pêndhapa gya mundur | mring gêdhong kuwunira | Rahadèn Pêrbatasari | Radèn Wukir ingkang dhèrèk datan pisah ||

20. Rahadèn Gagakpêrnala | sakêdhap datan udani | katilap Dyan Narawăngsa | têdhak ngulati kang rayi | bubar kang

--- 58 ---

lênggah sami | dhasar sami kraos wuru | kalungsèn wancinira | sampun jam sakawan enjing | radèn wasi ngisis nèng èmpèring kamar ||

21. sêsarean anèng risban | apan sarwi dèn kêbuti | dhatêng Radèn Wukirsêkar | tan dangu Dyan Kêrtapati | rawuh nusul kang rayi | tumut lênggah nèng kursya gung | kagèt Dyan Narawăngsa | wungu dènira aguling | èsmu mingsêr dhinêsêk dènira lênggah ||

22. èsmu sêndhu sêbdanira | arêp apa sira Panji | bêngi-bêngi kajumutan | anusul wong lagi guling | bênêre amarani | ing bojone Dèwi Galuh | kang bênthing kaya rêca | kang lindra-lindri lir babi | mêngko ngamuk yèn sira tan malbèng wisma ||

23. gumujêng Dyan Wukirsêkar | ngandika Dyan Wanèngpati | yayi Kuda Narawăngsa | bangêt aboting tyas mami | yèn bakyunira yayi | durung mulya malanipun | tangèh lunturing trêsna | gigu tunggalana guling | sru gumujêng Radèn Wasi Narawăngsa ||

24. sarwi manis angandika | iku ywa mêngkono Panji | najan rupa warak kawak | jêr iku Si Sêkartaji | sotah tan sotah pêsthi | cêkramanana bojomu | yèn tan sudi tumingal | rêmna netranira Panji | sarwi mèsêm dyan wasi kanthi rudita ||

6. Kinanthi

1. latah Radèn Wukirsantun | myarsa aturnya dyan wasi | umatur sarwi gumuywa | kakang mas lêrês dyan wasi | yogi si rupan kewala | mung mawrat grênjêling jalmi ||

2. najan grayangnya ngêndhuruk | gampil nahankên ing rêsmi | ugêre tan kasatmata | prandene kêng gănda wangi | winawrat lan wor asmara | lan kêng wade rakok wangi ||

3. lêhêng kangbok Dèwi Galuh | mèsêm Radèn Kêrtapati |

--- 59 ---

[...] Dyan Narawăngsa | pangandikanira manis | iku priya Wukirsêkar | ba[...]yune[9] dèn payoki ||

4. matur Radèn Wukirsantun | kakang mas ulun sayêkti | yèn taksih ingkang cintraka | pan dèrèng mathêm ing batin | ngakên kadang mring sang rêtna | Dyan Panji ngandika malih ||

5. mring Jayèngrêsmi sang bagus | dhuh ariningsun ki wasi | sangking wrat ingsun lumêksa | nglakoni karsèng rama ji | awit wangsiting jawata | garwèstri asor kêng warni ||

6. payo yayi têrna ingsun | marêk Nimas Sêkartaji | jêr sira srananing patah | mênawa ruwat sang dèwi | ywa adoh anèng jêrambah | drapon sun ayêm kang ati ||

7. dyan wasi darahing kayun | gya tindak sang rajasiwi | kinanthi Dyan Narawăngsa | gya prapta ing dalêm aglis | Kusuma Căndrakirana | duk wrin kang raka Dyan Panji ||

8. kêlangkung lêga ing kalbu | anulya dèn pêlajêngi | duk cêlak angrangkul tandya | Dyan Narawăngsa anêbih | Dyan Panji cinènèng agya | malêbêt ing jinêm-wangi ||

9. prabawèng dhêsthi tumanduk | tan wiyang Dyan Wanèngpati | dyan wasi lênggah ing jrambah | ya ta kang nèng tilamsari | Radèn Panji Rawisrêngga | tansah rinangkul mring rayi ||

10. dyan putra nirtyasèng limut | gajêg-gajêg tumimbang sih | dadya gunturi srênggara | dhuh mas mirah ingsun gusti | kang sêtya asih mring priya | manik sêsotyèng Kadhiri ||

11. musthikaning jinêm-arum | kang nukmèng purnamasasi | asor Dèwi Wilutama | intêne pun Kêrtapati | Kusuma Căndrakirana | kêmanisên [kêma...]

--- 60 ---

[...nisên] ing sêbda ris ||

12. saya kêncêng dènnya ngrangkul | Dyan Panji dipun [...]si | pêngkêran myang astanira | Radèn Kuda Jayèngrêsmi | miyarsa saking jêrambah | pangungrumira Dyan Panji ||

13. tansah amèsêm ing kalbu | angandika sang [...]wi | iku luput kasatriyan | kurang nyamlêng ngungrum rabi | mêngkenea kang srênggara | dhuh mas mirah ingsun yayi ||

14. kang ngèyèl minta jinêm-rum | gêgêlah nagri Kadhiri | kesedan ing pagulingan | kang nukma saliring najis | kang mindha Bêthara Gana | kuru rêca ngrandhu gunting ||

15. èsême lêgi cêmpaluk | ambune lir wêdhus wiwi | Kusuma Căndrakirana | duk mirêng bêndu tan sipi | sugal dènira ngandika | baya iku Jayèngrêsmi ||

16. yèn micara nora patut | agung gawe mêmayoki | jêr wong gunung kurang ajar | wani-wani marang putri | mulane iya jêng peran | rada ewa marang mami ||

17. jêr dhèwèke kang mêmurung | rêmêne marang ing mami | sang dyah pan lajêng karuna | gulungan nèng kasursari | gêra-gêro asêsambat | katuwona awak mami ||

18. wus lawas nora salulut | pijêr dipun cêcampahi | mring si kirik Narawăngsa | kangjêng peran nora galih | apa dipun ajanana | si dipongkrang Jayèngrêsmi ||

19. yèn mêngkono kakang brangus | trêsna mring si gênjik wasi | ujare mung dadi patah | kamrate tan mêsajani | anggung gawe rêrangkulan | iku kinapakna ugi ||

20. padha lanang lèngkèt langkung | Lahadèn[10] Si Wukirsari | milu ngêmong Narawăngsa | kamare dèn pêrantèni | lae angur dèn wayuha | sapadha-padhaning putri ||

21. nora gêrantês [gêrantê...]

--- 61 ---

[...s] ing kalbu | wus lumrahing satriya di | asugih garwa biyada | lan măngsa wania [...] | calathu sawiyah-wiyah | kaya si wasi sêkrobi ||

22. Dyan Jayèngrêsmi sang bagus | miyarsa runtik ing galih | tan pamit anulya mêdal | mring gyanya Dyan Wukirsari | wau Dyan Gagakpêrnala | kêlangkung putêk ing galih ||

23. ningali garwa Dyah Galuh | kewran pangêjuming galih | kêlamun pinutungana | ajrih wêlinging sudarmi | anganti ruwating garwa | yun tinahankên ing rêsmi ||

24. mêksa tan sotah ing kalbu | dhatêng ingkang mindha warni | dadya pinêsu kang driya | anyipta asmaragami | sang dyah ciniptèng asmara | apan sarwi dèn sirêpi ||

25. Căndrakirana Sang Ayu | kênèng pangaribawa di | kanikmatên ing asmara | lir sawantahing arêsmi | lan Radèn Gagakpêrnala | laju kêpati aguling ||

26. gya miyos Dyan Marabangun | mring gyanya Dyan Jayèngrêsmi | sêmana wus rina tatas | niskara datan kawarni | pan sabên-sabên mangkana | lamun Sang Dyah Sêkartaji ||

27. onêng langênirèng kakung | ciniptèng asmaragami | dadya sang dyah anarima | dene Radèn Wanèngpati | tan kewran asmaranira | kathah kang biyada sêlir ||

28. guru putri sang rêtna yu | miwah ingkang para manis | miyarsa sukèng wêrdaya | lamun Radèn Kêrtapati | wus sae lawan kang garwa | gya tur wrin ing sri bupati ||

29. sang nata suka ing kalbu | miarsa kabaring siwi | tata-tita kêng walgita | mêne gênti kang ginupit | nênggih nagri tanah sabrang | narendra ing Gêdhahwilis ||

30. ratu mahambara agung | marentah samining aji | prawira amăndraguna | jêjulukira sang aji | Mahraja Sukma Nglêngkara |

--- 62 ---

taruna kêng warna sigit ||

31. ambêranyak sêmonipun | mêksi[...]ka sang aji | dèrèng nambut ing akrama | pêpatihira wêwangi | Dipati Măndrasusena | kaprawiranira ngênting ||

32. kêkalihing namanipun | ya Lêmbulêksana Patih | agul prakosèng ayuda | titih pasah ngagal langit | mila sang prabu ing Gêdhah | kèringan ing nungsa bumi ||

33. dhasaring ratu pinunjul | pêpatihira mumpuni | pra punggawa wirutama | gangsal andêling nêgari | Tumênggung Kêbo Lorodan | lan Dêmang Dhandhang Minangsi ||

34. tiga Arya Jayèngkewuh | lan Răngga Kalamisani | gangsal Arya Wirubajra | nênêm ki rêkyana patih | pusakaning nagri Gêdhah | wontên raja kang piniji ||

35. kapêrnah pamaning prabu | nênggih sang raja ing Jambi | ngran Prabu Lêmbubirawa | kalih sang rajèng Pawahi | têngran Sri Maesadewa | pêrnah kang uwa sang aji ||

36. sang kalih andêling pupuh | dêdêg nung sarat ngajrihi | sêlawe kathahing raja | kêng karèh mring Gêdhahwilis | wadya gung datanpa petang | kêng gambuh sajroning nagri ||

7. Gambuh[11]

1. Maha Kangjêng Sang Prabu | Sukma Nglêngkara winuwus | apan lagya sangêt kêsmaraning galih | mring Putri Jênggala Prabu | Rêtna Jinali Sang Sinom ||

2. awit supênèng dalu | sang nata katon salulut | lawan Sang Dyah Kusuma Rêtna Jinali | sawungunira sang prabu | langkung kêsmaraning batos ||

3. nimbali patihipun | gusthi rèh supênèng dalu | karsèng nata sêdya dipun lêksanani | nglayari mring Jawi gupuh | sarta anglamar sang sinom [...]

--- 63 ---

[...] ||

4. sêmana prentah sampun | sadhiya sikêping pupuh | lan sumêkta baita kapal myang kunthing | badhe linayaran gupuh | ing rat Jawi karsèng katong ||

5. Jênggala kang jinujug | wadya pininta pan sampun | sapêrtigan kang kinèn têngga nêgari | raja dwi wêlas kang tumut | karsanira sang akatong ||

6. dènnya sumêktèng pupuh | yèn dadya panglamaripun | ngiras ngarak yèn panglamarnya tinampik | laju angêrbasèng pupuh | tandya sumêkta gunging wong ||

7. sigra budhal sang prabu | sawadya sing praja kêbut | Sang Sri Sukma Nglêngkara ginarbêg dasih | mênggêp munggèng rata murub | praptèng muara sang katong ||

8. gya nitih palwa sampun | kamot sawadyakoswa gung | gajah rata kuda myang sikêping jurit | sêdaya kawrat pêrau | sawidak palwa mirantos ||

9. asri anèng ing laut | kêng layar katon kumêndhung | langkung kêras kêng baita angsal angin | datan kawarna ing ênu | muara Jawi wus rawoh ||

10. gya labuh jangkaripun | mêntas sêdaya sing laut | Sang Sri Gêdhah tata pakuwon sêdasih | rakit kitha biting pêngkuh | nèng pasisir amirantos ||

11. Jênggala tlatahipun | gègèr wong padesan sumyur | pan kadhêsêk wadya gung ing Gêdhahwilis | wêtawis kathahing wadu | pitung lêksa amirantos ||

12. nanging tan karya rusuh | dening parentah sang prabu | krana dèrèng tamtu panglamar tinampik | duk trang mrih arja kang rawuh | têntrêm dêsa-desa kang wong ||

13. wênèh kathah kang têpung | samyalit [sa...]

--- 64 ---

[...myalit] adol tinuku | urup brana jêr wong Gêdhah akèh sugih | lintu boga lyaning wadu | ana ingkang bukak toko ||

14. Sukma Nglêngkara Prabu | gya minta utusan gupuh | nglamar dhatêng nêgari Jênggalamanik | raja kalih kang lumaku | Pawahi lan Jambi Katong ||

15. saha srat mêsat sampun | raja kalih sabalanipun |[12] kêkapalan anyèwu ingkang prajurit | kunêng malih kang kawuwus | ing Jênggala Jêng Sang Katong ||

16. bubaring karyanipun | mangun pakramaning sunu | wadyèng mănca pan dèrèng kalilan mulih | dening warta wus misuwur | yèn pasisir pering kulon ||

17. wontên ratu gêng rawuh | kathah wadyabalanipun | Sri Jênggala parentah angati-ati | sumêkta sikêping pupuh | Radèn Tohpati sang anom ||

18. sêmana sampun kundur | sing dalêming arinipun | myang pra kadang kêng karèh Dyan Wonagiri | lan Dyan Natarja sang bagus | patih myang para bupatos ||

19. sêdaya sampun mundur | warnanên kangjêng sang prabu | nuju ingkang ri Soma miyos tinangkil | pêpak kêng wadyabala gung | anèng sitinggil sang katong ||

20. patih ngandika sampun | Kudanawarsa mabukuh | atanapi kang putra Radèn Tohpati | sakadang kadeyanipun | lan Dyan Natarja sang anom ||

21. myang pratiwa nung-anung | Sura Dêksana tumênggung | pan wêwalu niyaka Jênggalamanik | kalihira ngran Tumênggung | Sura Sênjaya dêl kewoh ||

22. tiga ingran Tumênggung | Maesapati kang catur | ngran Tumênggung Maesa Mêrjaya nênggih | gangsalira Mas Tumênggung | Sêcanêgara dêl tatos ||

23. nêmnya ingran [ing...]

--- 65 ---

[...ran] Tumênggung | Sura Pêrwăngga pinunjul | pitu Arya Adiraja jêksèng nagri | Dyan Sastrasancaya walu | pujangganing praja kaot ||

24. silanira mabukuh | tandya sang nata nêbda rum | hèh Kudanawarsa paran putra mami | kaki Panji Marabangun | dènira krama karongron ||

25. paran tulusa atut | apa tan mamang ing kalbu | sang dipati matur sarywa awotsari | dhuh dewaji putra prabu | lêstantun rukun karongron ||

26. nanging wêtawis ulun | anggèr Pangran Marabangun | dèrèng patya eca pisan ingkang galih | dhatêng garwa Sang Dyah Galuh | mêksih ruwatnya ingantos ||

27. nanging sungkawanipun | jêng anggèr sirna sêdarun[13] | sêmunira kang dadya usadèng kingkin | dede garwa sang rêtna yu | ugi dyan wasi sang anom ||

28. Dyan Brajanata matur | rama kangjêng sang aprabu | langkung lêrês turnya pun uwa dipati | mila yayi Marabangun | sêmune ayêm ing batos ||

29. tan pisah siyang dalu | lan pun wasi runtang-runtung | sri narendra ngungun-ngungun ingkang galih | ketang sêsmitèng dewa gung | malih angandika alon ||

30. hèh Brajanata kulup | kayaparan wartanipun | raja sabrang kêng ngancik talatah mami | kayaparan sêdyanipun | hèh patih paran kang wartos ||

31. kancanira tumênggung | tamping apa tan atur wruh | Dyan Tohpati lan patih sarêng turnya ris | diwaji raja kêng rawuh | warti sae sêdyèng katong ||

32. dangu nêbda sang prabu | sêmana tandya kasaru | dhatêngira raja caraka kêkalih | sabalanira

--- 66 ---

gumrudug | jêjaranan sagunging wong ||

33. karya gitaning wadu | ing pangurak [...]jug | orêgirèng jawi wus kapirsèng sang aji |[14] kya patih kêng saos atur | sasaniskarèng kang rawoh ||

34. sang nata duk myarsa tur | yèn wontên caraka rawuh | sangking Gêdhah kampita nglociptèng galih | apa baya karyanipun | Raja Gêdhah kokonan wong ||

35. dingarèn lakunipun | narendra parentah sampun | animbali raja kalih kang tinuding | Sêcanêgara Tumênggung | mêsat nimbali duta ro ||

36. pangurakan prapta wus | lan Narendra Jambi pangguh | myang Pawahi dhawuh timbalan sang aji | tan wiyang sang kalihipun | kerid adhandhang wiraos ||

8. Dhandhanggula

1. raja kalih tan ambêkta dasih | pan ingantun anèng pangurakan | mung kêng ngampil pawohane | lan pakêcohanipun | miwah rakok sabêt nyatunggil | langkung lambaning manah | tan prayitnèng kewuh | kibir kang surat kêtampan | dhasar sura kasantikanira ngênting | tan wangwang kirdhaning lyan ||

2. narpa kalih ebat aningali | rakitira nêgari Jênggala | kêlangkung-langkung tatane | wingit sêmuning kratun | datan kadi sabrang nêgari | tan antara wus prapta | ngarsaning sang prabu | piyak sagunging siwaka | Radèn Brajanata ngandikan rama ji | minggah dhatêng witana ||

3. pan kapering ngarsa dhampar rukmi | raja duta sampun kinèn lênggah | nèng kursi sor witanane | nata kalih mabukuh | langkung ajrih sarêng ningali | dhatêng Natèng Jênggala | kaprabawèng luhur | Mahraja Dewa Kusuma | angandika nêmbrama arum amanis | sanak katuran samya ||

4. satêka para ing ngarsa mami | sintên ingkang

--- 67 ---

sinambat ing nama | paraning karya dhatênge | Lêmbubirawa Prabu | gêpah matur sarwi ngrêp asih | dhuh kangjêng sri narendra | kang sêbda kasuwun | dhawuh ingkang parikrama | jêng paduka andangu ing nama mami | ngran Si Lêmbubirawa ||

5. apalênggah nêgari ing Jambi | de punika ing Pawahi Raja | Maesadewa têngrane | karya amba sang prabu | pan ingutus putranta aji | Prabu Sukma Nglêngkara | ing Gêdhah praja gung | dhingin ngaturakên ingkang | sêmbah bêkti kunjuk paduka nêrpati | lan kaping kalihira ||

6. nyaosakên pisungsung putra ji | warna pèni-pèni sarwa endah | miwah sirpis kêncanane | myang pêkakas meja gung | sarwa perak gêlas nêm sêtil | kêng kaping tiganira | kawula ingutus | anyaosakên nuwala | mring paduka sang nata ngandika manis | kisanak lah anêdha ||

7. angandika mring Radèn Tohpati | hèh ta kulup nuli tampanana | Raja Gêdhah supatrane | tan wiyang kang tinuduh | tumrun arsa nampèni tulis | Mraja Lêmbubirawa | netyandik tanpasung | manthêlêng Dyan Brajanata | Prabu Jambi matur dhatêng sri bupati | diwaji wêlingira ||

8. putra paduka Sri Gêdhahwilis | tan kalilan srat kêng nampènana | liyane paduka katong | sang nata ngandika rum | hèh kisanak ywa walangati | têka dika sungêna | pêniku putrèngsun | ing têmbe puput manira | yogya madêg Narendra Jênggalamanik | nambung putunging watang ||

9. Raja Jambi alêga kêng ati | kang nuwala sigra sinungêna | dhatêng Dyan Brajanatane | Radèn Tohpati wau | èsmu duka nampèni [na...]

--- 68 ---

[...mpèni] tulis | cinandhak nginggilira | sapangrèh asêndhu | wus wangsul mring pêrnahira | Sri Jênggala pangandikanira manis | kulup sira kon maca ||

10. matur sandika Dyan Wonagiri | gya nimbali Dyan Sastrasancaya | kinèn nupiksa sêrate | majêng ing ngarsa prabu | kêng supatra sinungkên aglis | tandya wau binuka | udayaning têmbung | papèngêt ingkang nuwala | saha ingkang sêmbah bêktining pamuji | mijil eklasing manah ||

11. sangking narendra ing Gêdhahwilis | Prabu Sukma Nglêngkara sudibya | amarentah samèng katong | Ngatasangin misuwur | kaatura rama nêrpati | sang prabu ing Jênggala | Sri Lêmbumiluhur | ya Mraja Dewa Kusuma | kêng kasosra dibya mahambara murti | sinihan ing wisesa ||

12. kinamulèn jawata apsari | baudhêndha ngrat Jawi minulya | ingkang nuwala wiyose | dhapur amba nênuwun | jawah sontên ngêbun-bun enjing | yèn parêng karsa nata | putranta sang prabu | Sang Dyah Jinali sriwara | amba suwun dadosa kêng pramèswari | wontên nêgari Gêdhah ||

13. sangêt-sangêt tur amba rama ji | dening ulun wus lami gêng brăngta | mring putra paduka katong | punapa kang pinundhut | kirangirèng pisungsung mami | mundhuta wêwah brana | sajong sapêrau | kawula sampun sadhiya | mung paduka galiha ing atur mami | sangêt panuwun amba ||

14. yèn paduka tan arsa anggalih | awrat kawula adarbe karsa | ngong rêbat ing prang têmahe | sadhiyoa ngapupuh | nginggilêna kang baluwarti | tan wande ulun prapta | anggêmpur praja gung | wau Dyan Nila Prabăngsa [Prabăng...]

--- 69 ---

[...sa] | duk miarsa ijêmanira ing tulis | sêklangkung kurdhanira ||

15. dening sangêt dènnya nglaluhuri | dhatêng ingkang rama sri narendra | têmah anantang yudane | kang srat sinêbit asru | radyan nêbda mring duta kalih | duta sira matura | mring Gêdhah Sang Prabu | jêng rama tan mangsulana | mung matura sêsmita ajuring tulis | yun prapta saha bala ||

16. kapan-kapan têka sri bupati | mring Jênggala pêsthi sun papag prang | tan susah ngluhurkên bètèng | Sri Jambi langkung bêndu | sarêng ingkang sêrat sinêbik[15] | andik netra ngatirah | Tohpati Dyan sunu | duk mulat duta sudira | tan sêrănta jumênêng nèng ngarsa aji | arsa mêrwasèng duta ||

17. Risang Lêmbubirawa Nêrpati | madêg arsa jangkah Dyan Prabăngsa | gêpah Sang Pawahi rajèng | mêgati anèng ngayun | sêbdanira angasih-asih | sampun-sampun ri nata | tan kinèn apupuh | tan lyan kinèn sung nuwala | dening dadya brawala ajuring tulis | yêkti măngsa wandeya ||

18. benjang angadoni jayèng jurit | wau Ki Patih Kudanawarsa | mêgati Dyan Tohpatine | sarwa ngandika arum | sampun anggèr kasêrêng runtik | dede lampahing praja | duta pinrih lampus | karya nisthaning narendra | malah-malah duta yogya pinisalin | najan ta murang krama ||

19. inggih dèn apura sawêtawis | benjang tan wande abitutama | angêtog kaprawirane | lilih tyasnya sang bagus | nulya tata lênggah sumiwi | caraka kalih mêsat | tan pamit mring prabu | asêndhu sasolahira | tan rêringa mangajap dadining jurit | prapta ing pangurakan ||

--- 70 ---

20. raja kalih nulya sami nitih | ing turăngga myang sabalanira | budhal sing jêng[...] age | wau kangjêng sang prabu | mêksih dènnya siniwèng dasih | nêbda marang apatya | hèh patih dèn gupuh | dhawuhana kancanira | radèn sumêkta sasikêpirèng ajurit |[16] tan wurung bitutama ||

21. Raja Gêdhah sayêkti nêkani | kang sun karya senapatining prang | Ki Tohpati putraningong | dening Ki Marabangun | aja sira paringi uning | dimène pêngantenan | kiwala rumuhun | gampang yèn abot ing aprang | matur nêmbah sandika sang adipati | malih narpa ngandika ||

22. hèh putrèngsun kaki Wanagiri | lah adunên kabèh wong Jênggala | sira kang misesèng prange | kang liningan wotsantun | pan sandika Radèn Tohpati | langkung egaring manah | ingidèn ing pupuh | gya jêngkar sri naranata | malbèng pura maglaran sagunging nangkil | ngrakit yudakênaka ||

9. Pangkur

1. Dyan Nararya Brajanata | sakadangnya sigra sumêktèng jurit | tanapi sabalanipun | ingkang para atmaja | miwah para bupati sawadyanipun | prang srangan kang nata bala | anggêrgut sagunging dasih ||

2. sêmana apagunêman | rajaputra lawan Sang Adipati | Kudanawarsa umatur | nah anggèr Brajanata | paran karsa paduka prakawis mungsuh | punapa anglurugana | punapa tadhah ing jurit ||

3. mêngsah wus anèng muara | tata kuwu santosa ingkang biting | Radèn Tohpati nêbda sru | uwa patih karsèngwang | mêngsah arsa sun lurugi saha wadu | drapon aywa nganti cêlak | ing nagri Jênggalamanik ||

4. wadya lit ywa karisakan [karisaka...]

--- 71 ---

[...n] | ing sagène wong Gêdhah ulun usir | najan nèng pakuwonipun | sayêkti ingsun langgar | gèn ngong tata baris nèng jawi praja gung | ing wona Randhukumbala | sêdhêng doh pêraking nagri ||

5. dening paduka wa patya | sampun tumut mring amba magut jurit | lawan sêpalih wadya gung | myang kangmas Nataarja | pra bupati sêkawan samia kantun | dèn prayitna ngrêksèng praja | yèn mêngsah cidra mrih jurit ||

6. sampun ngantya kasusahan | kêng bupati catur tumuta mami | de măncanêgari sagung | sêdaya ulun bêkta | kyana patih sakarsèng putra jumurung | wau Dyan Nila Prabăngsa | prentah nêmbang têngara glis ||

7. Rahadèn Kuda Gadhingan | mêsat sangking ngarsa suwarèng dasih | tandya pun guna pamukul | nabuh bêndhe angangkang | sinauran mariyêm munya jumêgur | pracina umangkat ing prang | gya daut sagunging baris ||

8. muntab lir jêladri bêna | srang gurnita swarèng têngara atri | para pratiwa tumênggung | sami nindhihi bala | miwah ingkang para atmaja sêdarum | golung-golungan pêpanthan | sajuru-juru arakit ||

9. Radyan Arya Brajanata | kang minăngka senapatining jurit | kinare ing wadya agung | mênggêp munggèng matêngga | busana bra songsong jênar yèn dinulu | kadya Prabu Bogadênta | sêmbada prakosèng jurit ||

10. para ri nèng wuri ngarsa | Radèn Kuda Gadhingan kang pangarsi | Dyan Pambêrêg Dyan Pamêcut | Radèn Kuda Layaran | Dyan Antunan Panji Sutra malihipun | Panji Gêdhah Panji Têpas | witana pêndhawa wijil ||

11. mangku wadya sowang-sowang | munggèng kuda

--- 72 ---

asongsong kartas putih | lampahing baris anglurug | kunêng gênti kawarna | Sang Sri Sukma Nglêngkara kang agêng wuyung | dhatêng putri ing Jênggala | Kusuma Rêtna Jinali ||

12. linipur mêksa kêrantan | ing sêmana lagya miyos tinangkil | mênggêp munggèng tarub agung | pinêpak wadyanira | sarta sami sumêkta sikêping pupuh | yèn tinampik dera nglamar | laju arsa budhal nuli ||

13. dhatêng nêgari Jênggala | sang dyah rêtna rinêbat ing ajurit | wadya gung miranti sampun | para raja dipatya | busana bra lir pendah ardi katunu | pratistha Sang Rajèng Gêdhah | lênggah anèng kursi rukmi ||

14. pra raja nèng kursi aglar | ngering nganan wadya aglar ing ngarsi | Patih Măndrasena ngayun | Prabu Sukma Nglêngkara | sadangunya lênggah kêng kaciptèng kalbu | namung Jinali Sang Rêtna | tansah ngandika lan patih ||

15. dêdugi panglamarira | wangsul tuwin kêtampana kêng tulis | sêmana tandya kasaru | dhatênge kang dinuta | raja kalih dumrajog anèng ing ngayun | Pawahi lan Jambi Nata | kagèt Sang Sri Gêdhahwilis ||

16. dhatêngira kêng wa paman | gêpah-gêpah pandangunya sang aji | lah andika paman prabu | manira dulu prapta | ge matura paran antuk karyanipun | matur Sri Lêmbubirawa | amba ingutus dewaji ||

17. anaosakên nuwala | mring ramanta Prabu Jênggalamanik | yêkti tiwas anak prabu | nuwala tan kêtampan | malah-malah kang sêrat sinêbit ajur | dhumatêng pun Brajanata | akarya pêpucuk jurit [juri...]

--- 73 ---

[...t] ||

18. kang wasta pun Brajanata | putranira natèng Jênggalamanik | langkung dening kumapurun | kawula ywa èngêta | kirang kêdhik kêraos ing tangan ulun | sumăngga ing karsa nata | Sang Sukma Nglêngkara Aji ||

19. duk mirsa ing aturira | ingkang paman Risang Narendra Jambi | sakêlangkung dukanipun | idêp mangada-ada | prakampita kang pêrnaja sumung-sumung | miyud kang kursi kêncona | akêras dènira angling ||

20. ora talah Brajanata | kumalancang nêbit nuwala mami | kaya apa warnanipun | tan kêna pinrih arja | wong Jênggala Si Tohpati gege lampus | hèh bapa Măndrasusena | Kusuma Rêtna Jinali ||

21. arsa sun rêbut ing aprang | ingsun budhal iya sadina iki | angkatna baris pênganjur | patih matur sandika | nêmbah mundur sing ngarsa suwarèng wadu | gumêrah wadya ing Gêdhah | srang-srangan anata baris ||

22. pra raja sabalanira | pra bupati sawadya galong rakit | êncik-êncik para twangku | sigra têngara budhal | tinêngêran mariyêm munya jumêgur | daut ingkang balakoswa | umèb lir jêladri ngalih ||

23. kêkasir kêkondha dwaja | pan kumêlab kadya alun pan asri | kênyaring gunastra marcu | yayah trunèng udaya | payung-payung lir pêksi krêndha rêratun | maryêm gêng asêla-sêla | sinarad ing kuda sapi ||

24. Sang Prabu Sukma Nglêngkara | apratistha munggèng ing rata rukmi | pangirid kuda nung-anung | tèji kawan kêmbaran | pan anglela kêng songsong rukma lir daru | dhasar sigit sri narendra | karênggèng busana adi ||

25. yèn sinawang warnanira | kadya Radèn Rukmarata duk jurit | kang dadya pangarsèng laku | Sang Sri Lêmbubirawa | lawan Prabu Maesadewa sawadu | anggêrgut gunging kuswala [kuswa...]

--- 74 ---

[...la] | kêng para raja pêngalit ||

26. nèng wuri myang wuri pisan | lyan pi[...] ngrêksèng pêkakas jurit | datan kawarna ing ênu | sêlatri lêrêb marga | enjing budhal ginêlak ing lampahipun | kawarna baris Jênggala | Dyan Brajanata sadasih ||

27. sêmana pan sampun prapta | wona Randhukumbala tata baris | anglêrêbakên ing wadu | sadalu mêsanggrahan | enjing budhal sêdya anglanggar ing pupuh | gya pangarsèng baris mulat | mêngsah ing Gêdhah kaèksi ||

28. prayitna wadya Jênggala | tata gêlar liman mêta ngajrihi | wong Gêdhah duk wrin ing mungsuh | prayitna dhèdhèr gêlar | prit anêba golong-golongan gumulung | Sang Prabu Sukma Nglêngkara | gêgununganirèng baris ||

29. ginarbêg wadya sêliran | kawan èwu padha wong wani mati | pêpatih dhadhaning pupuh | cucuk Sang Jambi Raja | lan Pawahi sabala galong anggêrgut | pênjawat ing kering kanan | pra raja para dipati ||

30. baris Jênggala wus tata | kang minăngka têtalèning ajurit | Dyan Kuda Gadhingan pêngkuh | sabala wingkridita | lawan rayi tatiga de gadhingipun | Tumênggung Sêcanêgara | lan Arya Maesapati ||

31. lawan Kya Surasênjaya | myang Tumênggung Mesamêrjaya nênggih | pêngawat kering pra sunu | kanan măncanêgara | tan antara kêng yuda anulya campuh | mungsuh rowang barêng surak | tan ana sêdya gumingsir ||

10. Durma

1. kang minăngka tulale Radèn Gadhingan | sabala nêmpuh wani | wong Jambi atadhah | wong Pawahi cucuk prang | kanan kering barêng ngungkih | rame kêng tinggar | kadya

--- 75 ---

[...] ingkang ardi ||

2. sênjata gêng sinungsun-sungsun lir gêlap | barung sakêthi tarik | mimis drês lir jawah | mungsuh rowang kèh pêjah | tan ana kang ngucap ajrih | wangke gêlasah | tansah ungkih-ingungkih ||

3. kêng swara ngrok kadi alun nêmpuh parang | prakêmpa bumi gunjing | langit lir kumêlab | pêtêng kokaping obat | wor lêbu kambah ing jurit | dadya gagapan | lir pendah têngah wêngi ||

4. gêbyaring kang cumbon pan kadi bêsrasa | mimis saengga thathit | lir tawon swaranya | lyan sumêngèr kapyarsa | anratas manêmpuh baris | sikêpaning prang | murub katiban mimis ||

5. payung dwaja lêlayu pêdhot manglayang | lir kuwung tibèng siti | nêmpuh jalma tatas | kang têguh toblag kuntal | jêmparing pasêr mênuhi | kuda kèh pêjah | wangke lir parang curi ||

6. rajèng Sambas Mêlayu myang Puntianak | kang nèng pangawat kering | yuda lan pra putra | maryêm tinggar wus pêjah | caruk watang gandhi piling | limpung nênggala | tan ana nguciwani ||

7. kang nèng kanan wong Gêdhah gangsal bupatya | Dêmang Dhandhang Minangsi | lan Kêbo Lorodan | tri Arya Wirubraja | catur Dyan Kalamisani | jangkêpnya gangsal | Tumênggung Jayèngwèsthi ||

8. saha bala têmpuh lan măncanêgara | rame asilih-ungkih | Radèn Brajanata | pamugarining laga | kang dadya awaking baris | kinare wadya | mênggêp swandana èsthi ||

9. anung dibya awasta pun Puspadênta | nate

--- 76 ---

ingagêm jurit | têguh tur anjalma | galak kagila-gila | Rahadèn Panji Tohpati | datan sêrănta | mulat ingkang ajurit ||

10. kang swandana dèn angkus nrêgakên bala | pêpulih longing baris | tulalening gêlar | Radèn Kuda Gadhingan | miwah kang minăngka gadhing | catur niyaka | duk binrêg sangking wuri ||

11. saha bala mangamuk lir saradula | tadhah prajurit Jambi | Pawahi kotbuta | caruk biring lugora | nênggala pêrasu piling | lyan ujung pêdhang | swara pating kalêngcring ||

12. ting galothak kumêpruk kang bindi gada | braja putung cumêngkling | swara lir ampuhan | pêpati anggêlasah | dhêdhêl ngarsa jêjêl wuri | sami sudira | tan ana ngeman pati ||

13. kanan kering pan sarêng panêmpuhira | rame rok silih-ukih | gêdêr magênturan | carub wor liru papan | wong Jênggala măncanagri | kuciwa ing prang | mandhêlong ingkang baris ||

14. dening pamukira bupati ing Gêdhah | gangsal sura sinêkti | Dyan Kuda Gadhingan | prayitna awas mulat | yèn pênjawat kanan ngisis | mingêr tulung prang | tinilar ingkang dasih ||

15. lawan rayi tiga sawadya sêliran | wolung dasa nuranggi | angrapakên kuda | tulung măncanêgara | tinêmpuh mêngsah kang ngusir | gègèr puyêngan | kathah tatu myang lalis ||

16. pulih barisira wong măncanêgara | rame malih kang jurit | Sri Lêmbubirawa | lan Sri Maesadewa | angantêp dènira jurit | têdhak sing kuda | sikêp dhêndha sang kalih ||

17. miyak bala mangamuk lir saradula [sa...]

--- 77 ---

[...radula] | singa sinêrang ngisis | kêng kaciptèng nala | Risang Lêmbubirawa | mung senapatining jurit | Dyan Brajanata | ngruruh sarywa mrih pati ||

18. sru kaetang bêntèring tyas duk nêbit srat | dadya ambubrah baris | glar dirada mêta | tulale lagya bênggang | kêng măngka gadhing kalindhih | catur bupatya | kiwul-kiwul katitih ||

19. kalihira dhasar wantêr widagdaya | kinêmbulan tan osik | kèh mantri Jênggala | kêbabit gada pêjah | Tumênggung Maesapati | kawal kasingsal | kungsul rêmpu kang wêntis ||

20. Dyan Tohpati mulat kêlangkung bramantya | rusak gadhinging baris | mangsah miyak bala | ingangkus kêng dipăngga | amandhi gada ngajrihi | wrat sèwu katya | wadya sami nututi ||

21. raja kalih wus panggih ayun-ayunan | Rajèng Jambi sukanting | asru sêbdanira | lah dalah ingsun bêgja | têmu lan sira Tohpati | payo tutugna | nguja suraning jurit ||

22. nguni cuwa nèng ngarsaning ramanira | yèn kêna sira ugi | sun eman ywa yuda | angur angaturêna | Kusuma Rêtna Jinali | mring Natèng Gêdhah | mênawa têkèng pati ||

23. apa sira nora kulak tuku warta | yèn ingsun ratu luwih | andêle Sri Gêdhah | gagêdhug anjlagêdhag | Dyan Brajanata duk myarsi | wuwusing nata | dukanira tan sipi ||

24. sru ngandika sarwi anudingi dhêndha | ora talah sira ngling | denea suwiyah | têka amonyah-monyah | si yayi Rêtna Jinali | sun ulungêna | yèn ingsun mêksih

--- 78 ---

urip ||

25. tanbuh wuri yèn ingsun wus têkèng lena | ywa sira mangsah jurit | Si Sukma Lêngkara | majua ing ayuda | sun ujane padha siji | Sang Jambi Raja | kotbuta myarsa ing ngling ||

26. ngikal dhêndha mangangkah kumbaning gajah | prayitna Dyan Tohpati | tinangkis ing gada | kasingsal ponang dhêndha | sayandik Narendra Jambi | pêksa mangrangsang | dèn tulale ing èsthi ||

27. gya binucal mamprung dhawahira têbah | rajèng Pawahi ngukih | kêng bindi ingikal | dirada saya galak | Maesadewa binabit | tulale rêbah | rinênjah wus ngêmasi ||

28. wadya Jambi Pawahi mangêbyuk ing prang | mring Radèn Wanagiri | tawok lêmbing kantar | mangrampog ganjur atap | rajaputra nora osik | saya gambira | ngiwa nêngên anggitik ||

29. kêng dirada pun Puspadênta magalak | kinarayok saya ngrik | ngolang-ngaling mêta | tan na braja tumama | wong Jambi kathah ngêmasi | ginadhing tatas | rinênjah jur wor siti ||

30. kawimbuhan wadyanya Dyan Brajanata | nungkêb sing kanan kering | mêngsah saya sosrah | kang nèng kering kawarna | putra nênêm kyat ing jurit | Radèn Antunan | Jêjêtan Radèn Wijil ||

31. Radèn Kuda Pambêrêg Dyan Panji Têpas | Kuda Layaran tuwin | arame prangira | lawan katri narendra | wus kathah ingkang pêpati | mungsuh lan rowang | riwut tan nolèh wuri ||

11. Pangkur

1. wadya lit mirut malarat | sasisaning pêjah sami anêbih | dhasar balaning pra sunu | akêdhik têdhakira | nora tahan nrang baya akuthah marus | kang mêksih panggah tumanggah | kantun pra abdi kêkasih ||

2. ana ngênêm myang

--- 79 ---

nyadasa | pêngkuh ing prang datan nêdya gumingsir | sangkut lan wadya Mêlayu | ing Sambas Puntianak | tan prabeda namung kari andêlipun | pra twangku êncik ramya prang | lan kêkasih para aci ||

3. ana kêng ijèn-ijènan | wênèh dèn but tiga kinaro kuntit | mêksih kathah wong lumayu | lawan wadya pra putra | sêprandene wong sabrang kalês ing pupuh | dhasar sami widagdaya | kêkasihing para siwi ||

4. ginlintir dinulang mangap | tan kumêdhap labuh pati mring gusti | wontên juga kinarubut | wasta pun Suradarsa | dening êncik tiga nênggih wastanipun | êncik Purtin êncik Mandras | katiga êncik Kampodin ||

5. tan kewran pun Suradarsa | sikêp pêdhang kinarubut ing bodhik | Dyan Panji Têpas winuwus | ingkang ayuda lawan | twangku Mandar tan ana kuciwanipun | sami dharat sikêp watang | adangu ukih-ingukih ||

6. Dyan Pambêrêg kang yuda lan | twangku Marjan rame agênti kêris | Dyan Wijil tandhing apupuh | lawan Nêrpati Sambas | Sri Baswara Dyan Jêjêtan rame pupuh | lan wong agung Puntianak | wasta Mraja Ibniyodin ||

7. Rahadèn Kuda Antunan | ijèn lawan Sri Malayu Nêrpati | têngran Raja Pasaksiyung | kuntit Mlayu Narendra | ya ta Patih Măndrasusena kawuwus | duk cucuking yuda dhadhal | Rajèng Jambi myang Pawahi ||

8. sigra mangsah miyak bala | arsa mêthuk pamuknya Dyan Tohpati | wadya sumusul gumulung | wau Dyan Brajanata | wus kawuron ing aprang nirbayèng pupuh | têdhak sing diradanira | mangsah dharat [dha...]

--- 80 ---

[...rat] sudira ngrik ||

9. pratistha amandhi dhêndha | kêng netyandik tinon ngebat-ebati | tuhu sang narendra sunu | bêbanthènging Jênggala | tau tatal angrusak gêlaring mungsuh | sawadyanira gambira | tansah prayitna nèng wuri ||

10. sarwi amukul têngara | bêndhe bèri kêndhang gong têtêgnya tri | wor surak gora gumuruh | Patih Măndrasusena | awas mulat mring Dyan Tohpati Sang Bagus | gya pinapag yun-ayunan | kya patih wuwusnya bêngis ||

11. hèh prajurit sira sapa | kumasura solahmu nglêlanangi | apa senapatènipun | nêbda Dyan Brajanata | aja tambuh ya ingsun mênggalanipun | bêbanthènge wong Jênggala | aran Dyan Panji Tohpati ||

12. lah ta sira iku sapa | wani-wani mapag ing yuda mami | baya sira gege lampus | êndi Sukma Nglêngkara | sun ujane kadigdayaning apupuh | bêndu Ki Măndrasusena | akêras dènira angling ||

13. aja tambuh iya ingwang | Măndrasena ing Gêdhah kang pêpatih | ya Lêmbulêksana ingsun | aja sira anantang | sri narendra ingsun bae tandhing pupuh | lan sira kaya tan cuwa | kurdha Radèn Wanagiri ||

14. gêgêt waja ngikal dhêndha | Măndrasena jinangkah yitna tangkis | ing bindi wêntusnya murub | sami karosanira | dadya rame ayuda pupuh-pinupuh | yèn gadanira kaliwat | bungkar orêg kang pratiwi ||

15. wong Jênggala myang wong Gêdhah | tansah sami surak ramya nèng wuri | têngara tinêmbang umyung | ebat gusti kang yuda | ramya pupuh-pinupuh sami kyatipun | kasliring Dyan Brajanata | kêsabêt kungsul kang wêntis ||

--- 81 ---

16. rêbah nèng kisma sakêdhap | nulya wungu gêdrug karêkat pulih | kêlangkung bramantyanipun | ingantêp rosanira | Măndrasena ginada tangkisnya murub | nratas kang dhêndha mring ăngga | ambruk ing kisma kya patih ||

17. pinupuh malih ing gada | sirahnya crah kapisanan kya patih | wadya ing Gêdhah mangêbyuk | dhatêng Dyan Brajanata | balanira Dyan Prabăngsa nungkêb pupuh | kêlangkung ramening yuda | mungsuh rowang akèh mati ||

18. Rahadèn Nila Prabăngsa | saya sura mamuk mêngsah matitih | kinêmbulan nora wiguh | ngiwa nêngên anggada | singa ingkang tinarajang kèlês gisus | wau bupati tatiga | duk wrin senapati ngukih ||

19. nulya ngêmbul ing ayuda | wadya Gêdhah saya bubrah kang baris | myang kanan kering mangêlud | baris măncanêgara | antuk titih Bupati Gêdhah kaburu | Rajèng Sambas Puntianak | sami kêplajêng ing jurit ||

20. baris ing Gêdhah upama | lir dhawuhan larut katêmpuh banjir | mung kantun lêlajêripun | Prabu Sukma Nglêngkara | kang minăngka pangungsèning baris agung | sabala pan dèrèng obah | malang ratanya tan osik ||

21. mèsêm Sri Sukma Nglêngkara | aningali Radèn Panji Tohpati | dènnya nglanangi ing pupuh | kang wadya karisakan | sru bramantya ngabani ing balanipun | pilihan nanggulang ing prang | arame malih kang jurit ||

22. Rahadèn Nila Prabăngsa | nirbayèng tyas kawuron ing ajurit | ngamuk lan sawadyanipun | lir banthèng tawan brana | bala Gêdhah papilihan kathah lampus | Sang Prabu Sukma Nglêngkara | kêlangkung bramantyèng [bra...]

--- 82 ---

[...mantyèng] galih ||

23. mangsah gumrit ratanira | musthi capa prabawa kadya riris | kumrêcêk nibani mungsuh | wong Jênggala kèh pêjah | sêprandene tan ana kang sêdya mundur | Rahadèn Nila Prabăngsa | kotbuta saya krura ngrik ||

24. ngiwud dènira ayuda | ngiwa nêngên pagadanira[17] ngukih | ingkang pinêlêng ing kayun | namung Sang Rajèng Gêdhah | mêksih kathah baris kang mêpêti ngayun | radyan sinêrang prangira | ngisis wadya Gêdhahwilis ||

25. sêmana wus katingalan | sri narendra munggèng ing rata rukmi | Dyan Tohpati sukèng kalbu | sigra mêpêki rata | ponang kuda kusir miwah rodhanipun | ginada jur ting palêsat | sang nata malumpat aglis ||

26. sakêlangkung dukanira | musthi capa pamungkasing ajurit | ran hru pratama kumutug | murub tikswaning braja | Dyan Tohpati sinipat pêrnajanipun | warastra dibya lumêpas | kacundhuk Dyan Wonagiri ||

27. jajanira amalêsat | kentas têbih dhawah jawining baris | tan pasah usikanipun | sangking ampuhing braja | Dyan Tohpati kantaka dangu tan emut | tandya rinămpa ing wadya | binêktèng pakuwon aglis ||

28. mring wona Randhukumbala | wadya ingkang kantun nanggulang jurit | dyan wrin gustinya kêsambut | sêdya labuh pulih prang | kêtadhahan arame dènira pupuh | kêsapih latri sêmana | samya mundur ngêmu kingkin ||

12. Asmaradana

1. sang nata ing Gêdhahwilis | tan arsa mring pasanggrahan | dènira lêrêb dalune | namung mundur satêngah pal | sangking papaning aprang [a...]

--- 83 ---

[...prang] | andadak pakuwonipun | kêng kimah binabar wiyar ||

2. motha myang lakên kinardi | mila Sri Sukma Nglêngkara | tan arsa mundur barise | yèn gêmpal manahing wadya | dene ing prang kuciwa | wong Gêdhah akathah lampus | kantun sêpalih kang gêsang ||

3. kang tan pêjah sami kanin | sawênèh wontên kang minggat | giris mulat pangamuke | Rahadèn Nila Prabăngsa | wantêr kagila-gila | tan wrin yèn lagi kêsambut | senapatining Jênggala ||

4. sang nata sêkêlnya malih | pêpatihira pralaya | lan kang wa Pawahi Rajèng | sami andêling ayuda | kantun Sri Jambi Raja | dawêg dhangan sakitipun | duk yuda rêmpu kang ăngga ||

5. karsanya Sri Gêdhahwilis | sadintên tan arsa aprang | arsa ngayumi balane | sukaning galih sang nata | dening Dyan Brajanata | lagya kêsambut ing pupuh | najan tan têkèng palastra ||

6. măngsa sarasa tumuli | ngandêl ampuhing sarawa | narpa pangarsa-arsane | mirisa Natèng Jênggala | amasrahna atmaja | Rêtna Jinali Sang Ayu | tan wrin putra sanèsira ||

7. kang dadya andêling jurit | langkung sangking Dyan Prabăngsa | kasudibyaning palugon | kunêng Sri Sukma Nglêngkara | kocap baris Jênggala | sami prihatin ing kalbu | Dyan Tohpati nandhang brana ||

8. nora ngapa ingkang kanin | mung bintul ingkang usika | nanging kêlangkung gêrahe | sakêdhap-kêdhap kantaka | sangking mandining capa | ireka sarêng sêdalu | binêkta marang Jênggala ||

9. tinitihakên ing plangki | kang dhèrèk ing kundurira | namung kang rayi kalihe | Rahadèn Kuda Antunan | lawan Dyan Kuda Têpas | tansah karuna sang

--- 84 ---

bagus | sarwi anyundhang ing raka ||

10. saunduring Dyan Tohpati | kang gumantyèng karyanira | madêg senapati warnèn | Rahadèn Kuda Gadhingan | sangking rêmbaging kathah | ing sadèrèngira katur | mring Sang Nêrpati Jênggala ||

11. yèn wontên prakara nuli | kinarya watoning rêmbag | sadèrèngira ginantos | wau Dyan Kuda Gadhingan | kêng karsa rèhing aprang | sadintên tan arsa pupuh | anglêrêbakên ing wadya ||

12. nèng Radhukumbala latri | tansah anggusthi ing yuda | lan pra niyaka sagunge | sêbyantu pirêmbagira | sêdya tadhah kewala | ngandêli bitinganipun | maryêm gêng tata pinasang ||

13. kunêng kang miranti baris | kocap Sri Dewa Kusuma | lagya pinarêk kêdhaton | gya gusthi lan pramèswara | miwah sang rêsi kênya | dirèng pakramaning sunu | myang praptaning parangmuka ||

14. kêsaru wau kang prapti | Rahadèn Nila Prabăngsa | kêng kanin sangking palugon | nèng plangki tansah jinagan | laju manjing têratag | sang nata duk mirsa gugup | têdhak amêthuk ing putra ||

15. miwah sang dyah pramèswari | tênapi pandhita lara | sami kalara tangise | mring plangki mêrpêki samya | ngungun-ngungun sang nata | dening brana namung bintul | asangêt gêrahing putra ||

16. tansah grêng-gêrêng sang pêkik | anulya binayang mêdal | sangking ing jro pêlangkine | rayi kalih junjung ngandhap | nginggil rama sang nata | pinarnah ing jrambah sampun | kang ibu mêksih karuna ||

17. sêmana dèn usadani | dhatêng sang pandhita lara | rahadyan sênggang gêrahe | sakêdhap sagêd alênggah | nging mêksih jinaganan | lêjar tyasira sang prabu | gya miyos nimbali [nimba...]

--- 85 ---

[...li] patya ||

18. tan adangu sampun prapti | sang nata gêpah ngandika | hèh patih mintara age | mring nêgara Pranaraga | warahên anakira | kaki putra Marabangun | ing awite dadi yuda ||

19. nglamar Ni Rêtna Jinali | ing mêngko kadange brana | kaki Panji Tohpatine | nglabuhi kadange kênya | ni putra yèn sêmbada | dèn rêbuta prajanipun | kaya tan ana kang năngga ||

20. yudane wong Gêdhahwilis | liyane Ki Rawisrêngga | kawarta luwih sêktine | nguni gon ingsun ngajokna | kakange Ki Prabăngsa | dening anyar kramanipun | mênèk ana kang rubeda ||

21. putrèngsun Ki Wanèngpati | yèn takon Ki Brajanata | nora ngopoa kanine | malah tan têtês kang ăngga | nging bangêt laranira | baya sing ampuhe kang hru | nging mêngko pan mèh waluya ||

22. kancamu catur bupati | sakancane wong bumija | bantua marang palugon | andhèrèka putraningwang | dene kang ngrêksèng praja | ngamungna prajurit ingsun | lan Ki Wiranataarja ||

23. matur sandika kya patih | gya mêsat sing ngarsa nata | tan mawi mampir wismane | laju dhatêng Pranaraga | namung abdi sêdasa | sami kapalan sêdarum | gêgancangan lampahira ||

24. datan kawarna ing margi | praptèng dalêm kasatriyan | anuju sang sudibya nom | Rahadèn Gagakpêrnala | pinarak ing pêndhapa | amêpak kadeyanipun | dening wus miarsa warta ||

25. yèn wontên mêngsah gêng prapti | sangking nêgari ing Gêdhah | wus pinapag ing palugon | kang raka Dyan Brajanata | senapatining yuda | Radèn Panji Marabangun [Marabangu...]

--- 86 ---

[...n] | tansah kewran ing wêrdaya ||

26. arsa tan nusul ing jurit | tan tega dhatêng ing raka | arsa bantu ing palugon | ajrih ing rama sang nata | yèn dede ingkang karsa | dadya sang narendra sunu | tansah miranti ing yuda ||

27. sakadeyanira sami | sumêkta saha kuswala | datan antara dhatênge | Dipati Kudanawarsa | kagêt kang para putra | Radèn Panji Marabangun | ki patih pinêthuk tandya ||

28. gya tata lênggahan malih | kya patih bukuh silanya | tandya wêcananira lon | dhawuhkên sêbdaning nata | nêlas ing aturira | dhatêng Radèn Marabangun | wêkasan sang rajaputra ||

29. sinrahan pakaryèng jurit | wau Radèn Rawisrêngga | duk wrin Sri Gêdhah ardane | nglamar kang rayi sang rêtna | lumawan bitutama | têmah kang raka kêsambut | Dyan Tohpati nandhang brana ||

30. langkung bramantyaning galih | prakampita arka maya | sumung-sumung pêrnajane | miwah ingkang para dang |[18] sami amangku duka | tuwin Radèn Wukirsantun | sru kurdha datan girisa ||

13. Girisa

1. manguntar-untaring nala | Rahadèn Wukirkusuma | dening pêpacanganira | linamar Sang Natèng Gêdhah | kadya ge monah narendra | Sang Prabu Sukma Nglêngkara | mèsêm Radèn Narawăngsa | mulat Dyan Mlayakusuma ||

2. ki patih malih turira | nah anggèr Dyan Rawisrêngga | paduka binêktan wadya | kănca sêkawan bupatya | sarèrèhanya bumija | matur nuwun rajaputra | Dipati Kudanawarsa | pamit mundur sing byantara ||

3. wau sang narendra putra | gya prentah budhalkên bala [ba...]

--- 87 ---

[...la] | mêsat Dyan Jayamiruta | swarèng wadyabala kuswa | dhasar wus sami mirantya | wadya gung ing Pranaraga | daut pangarsaning bala | wau Dyan Jayamiruta ||

4. kang dadya mênggalanira | anggêrgut tandanging wadya | nulya Dyan Jayaandaga | sabala sami gambira | tandya Radèn Jayasena | sawadya apartisara | anracak wong Judhipatya | gêng luhur polèng kampuhnya ||

5. nulya Radèn Jayèngrana | saha bala sura-sara | tuhu radèn kang minăngka | kumêndhaning adilaga | anata lampahing wadya | tan manggèn ing pêrnahira | sru mulat bubrahing bala | nulya Dyan Wukirkusuma ||

6. lawan Dyan Sinompêrdapa | tan pisah sami nèng kuda | saprajuritira tata | tandya wadya Jayèngastra | sèwu wahana turăngga | sikêpannya warna-warna | tri atus waos talêmpak | ngrangkêp pêdhang pastul tinggar ||

7. nulya wong Trunaasmara | pan sèwu dharat sêdaya | upêsir kang munggèng kuda | lurah myang wêdananira | saduman sikêp sênjata | buwis paston sumbunira | sikêp biring kang saduman | tri atus sikêp warastra ||

8. anulya ing tindakira | Jêng Radyan Gagakpêrnala | rêspati nitih turăngga | dhawuk pan agêm pusaka | kya dhalang antêban dibya | kinare wadya prawira | asri ingkang upacara | songsong gilap tunggul rêtna ||

9. Radèn Kuda Narawăngsa | tan pisah sami nèng kuda | arapêt wahananira | samarga mangun pisuka | Radèn Panji Rawisrêngga | lan ari Radèn Ngasrama | pamungkasing [pamungka...]

--- 88 ---

[...sing] barisira | catur niyaka Jênggala ||

10. ing ênu datan kawarna | rawuh ing Randhukumbala | Rahadèn Gagakpêrnala | sawadyanira atata | Rahadèn Kuda Gadhingan | miwah para arinira | tuwin gung wadya Jênggala | duk rawuh Dyan Rawisrêngga ||

11. sami egaring wêrdaya | ngraos badhe numpang prangnya | pêrcayèng dibyaning yuda | Radèn Inokêrtapatya | langkung sing Dyan Brajanata | gêrgut kêng para prawira | najan tan nyaliranana | ing aprang sang rajaputra ||

12. ugêr jênêngi kewala | agêng manahe gung wadya | kunêng ing Randhukumbala | kocap Sri Sukma Nglêngkara | kêng ngayumi barisira | mêmulih tyasing kuswala | datan antara wus tata | anggêrgut gungirèng wadya ||

13. longing baris tan katara | dene giranging prawira | têkèng sikêp ngajap yuda | pracaya dibyaning narpa | jêr wus trang pawartanira | yèn senapatining Jawa | Rahadèn Nila Prabăngsa | lagya sangêt nandhang brana ||

14. sigra Sri Sukma Nglêngkara | parentah ngangsêg ing yuda | marang ing Randhukumbala | kang dadya cucuking yuda | Sang Prabu Lêmbubirawa | wus arkat sariranira | pulih kasudiranira | ngeja pêpulihing yuda ||

15. wadya gung budhal sêksana | muntab pan kadi hèrnawa | sêdya nglanggar baris Jawa | mring têgal Randhukumbala | warnanên wong Pranaraga | daut sangking pêrnahira | sêdya anglantak wong Gêdhah | kang dadya mênggalèng laga ||

16. Rahadèn Jayamiruta | lan Radèn Kuda Gadhingan | sabala sami sudira | sumêdya ngantêp ing yuda | tan antara wong Jênggala | tanapi ing

--- 89 ---

Pranaraga | mulat barise wong Gêdhah | gya pinêlak lampahira ||

17. wadya Gêdhah duk tumingal | ngangsêg barising Jênggala | dinulu langkung gêngira | kaot lan kang wus kalakyan | lir samodra tanpa tirah | sarta amawi prabawa | singêr sênêning gunastra | kêng tejamaya ngambara ||

18. wong Gêdhah miris tyasira | rangu-rangu sru rêringa | dadya ririh lampahira | Sang Prabu Lêmbubirawa | mulat rêmbêna kêng wadya | bramantya datan sêrănta | majêng anglancangi bala | gumulung para prawira ||

19. sumêdya nêmpuh ing yuda | mungsuh rowang barêng mara | sigra campuh padha sura | tinggar rug lir guntur arga | mariyêm lir bajrapaka | wor surak kagiri gora | barung têngara gurnita | kadi ngrubuhna akasa ||

20. mimis andrês pindha warsa | pêtêng mukswa ling kucika | mungsuh rowang long-linongan | kanin pêjah tan ingetang | dhêdhêl ngarsa wuri nunjang | tinggar pêjah caruk watang | gada nênggala kris pêdhang | kang aprang sêrang-sinêrang ||

21. wong Gêdhah kèlês katimpah | pulih-pulih kasulayah | dhasar karoban ing mêngsah | Sri Jambi bêndu manêngah | ngiwa nêngên nrêgkên bala | bola-bali mêksa sosrah | gya mangsah lan andêlira | wolung dasa padha sura ||

22. Rajèng Sambas Puntianak | balanya wus kathah pêjah | krodha sêdya ngantêp ing prang | lan andêlira wong dhomas | tan ana wong nêdya gêsang | mangamuk lir banthèng brana | cucuking prang wong Jênggala | Pranaraga karepotan ||

23. Sang Puntyanak Narendra |[19] nora pati yèn wantêra | nging ragi ampuh ing yuda | dènira

--- 90 ---

asugih donga | tuhu darbe paguronan | ngran Sang Tobrani Bêgawan | marma ing prang wirutama | sabala pêpulih rampak ||

24. Rahadèn Jayamiruta | miwah Dyan Kuda Gadhingan | kêlangkung bramantyanira | wadya kalindhih ing yuda | umangsah nglancangi bala | sikêp waos dyan kalihnya | mangamuk lir saradula | kêlangkung ramening yuda ||

25. kawarna Dyan Jayèngrana | manêngah mangsah ing laga | bêndu kêng cucuk kuciwa | rêspati sasolahira | lir sangsam ranggah mrih yuda | nampir kunca ing wêrăngka | winingkis kampuh kêng kiwa | angering jêbêng pratistha ||

26. anganan curiga dibya | singa sinêrang gêlasah | Rahadèn Jayaandaga | nêmpuh sangking kering sura | mangsah dharat tilar bala | mangamuk lan suku asta | jêjêk nêndhang mancad pundhak | bêthot murda kapisanan ||

27. Rahadèn Kalang kawarna | nêmpuh sing kanan bêk krura | pinarbutan mêngsahira | tinon lir dirada mêta | mangamuk lan suku asta | dhenga kang dhinupak rêmak | jinêjak ajur wor kisma | nirbaya tan gumingsira ||

14. Durma

1. wadyanira wong Judhipati nusul prang | saya kiwul ing jurit | Radèn Jayasena | kawuron ing ayuda | anyandhak bangke turanggi | kinarya balang | miwah maryêm cinangking ||

2. pan kinarya mangamuk mupuh ing mêngsah | sosrah wong Gêdhahwilis | pra andêl kèh pêjah | êncik-êncik kêcandhak | lyan irung pisêk kasêbit | mata macuthat | ana bau kapalih ||

3. wontên êncik sajuga kêcandhak gêsang | kinarya amupuhi | cik Kêring ranira | wong Gêdhah saya bubrah | êncik Kêring jur ngêmasi | raja ing Sambas | lan Mêlayu Nêrpati [Nêrpa...]

--- 91 ---

[...ti] ||

4. sarêng mangsah bêndu wadyanira sosrah | sikêp pêdhang sang kalih | Radèn Jayasena | kinaro ing ayuda | pinêdhangan nora osik | raja kalihnya | cinandhak kanan kering ||

5. gya ingadu kumba sirah crah wus pêjah | wau Puntyanak Aji | kawuron ing yuda | pinapag Dyan Gadhingan | rame ujung jambiya kris | datan kuciwa | Lurah Cêkruk kawarni ||

6. nêngah ing prang bungah ngêrbuti dandanan | mêngsah kang sami lalis | tênapi kêng brana | bikut nèthèli anggar | mulat kang rukêt ajurit | Radèn Gadhingan | lan Mraja Ibniyodin ||

7. wau Prabu Puntianak kathetheran | ginoco tan nêdhasi | nging kajêngkang-jêngkang | rumangkang karepotan | Radèn Gadhingan anitir | panudukira | Sang Prabu Ibniyodin ||

8. surbanira kasingsal pan kaleweran | kêthu malêsat têbih | Ki Cêkruk sukèng tyas | mulat gundhul malinas | gya nyandhak rêmukan bêdhil | Sri Puntianak | pinapor dhasnya titis ||

9. rah sumirat kapisanan wus pralaya | Sadulumur nèthèli | sapêlik tanpa mas | mung kêng cathok suwasa | lawan angandhut hèrlaji | sampun dèn alap | kawarna Rajèng Jambi ||

10. wus tandhing prang lan Radèn Jayaandaga | rame dènira jurit | sami rosanira | kèkèt kêng pupu jăngga | dhasok-dhinasok mrih titih | sêndhal-sinêndhal | cêngkah ungkih-ingukih ||

11. Radèn Jayaandaga ambêk sarosa | Narendra Jambi kuntit | cinêngkah kalumah | sigra jaja ingidak | pinancad kêng pundhak kosik [ko...]

--- 92 ---

[...sik] | murda pinêgat | kapisanan Sri Jambi ||

12. wadya Gêdhah mawut sasisaning pêjah | Sang Sukma Nglêngkara Ji | langku[20] dukanira | kêng wadya sirna gêmpang | kantun kêng abdi pinilih | mung kalih kupang | gya binêrêg pêpulih ||

13. Prabu Sukma Nglêngkara munggèng turăngga | kamot kaprabon jurit | kang wadya sêliran | tan ana sêdya gêsang | wong jayèngastra ngêbyuki | rame kang yuda | wong Gêdhah mêksa klindhih ||

14. Sang Sri Sukma Nglêngkara musthi sarawa | prabawa kadya riris | wadya Pranaraga | Jênggala kagegeran | akathah tatu myang lalis | Dyan Rawisrêngga | dukanira tan sipi ||

15. musthi capa panulak bubul abaran | ngênèni panah sêkti | myang Dyan Narawăngsa | anglêpasi warastra | jêmparing prabawa ênting | Sang Rajèng Gêdhah | kodanan ing jêmparing ||

16. wangsulirèng sarawa sarêng katulak | ngênèni sri bupati | lan sabalanira | wong pinilih dwi kupang | sosrah kèh tatu myang lalis | sisaning pêjah | bubar wadya pinilih ||

17. Prabu Sukma Nglêngkara kesisan bala | siji tan ana urip | anglela nèng kuda | tansah kadrêsan capa | têguh lawan kang turanggi | Dyan Wukirsêkar | mulat bêntèring galih ||

18. dhatêng Rajèng Gêdhah dènnya datan obah | kataman ing jêmparing | Dyan Prabatasêkar | pamit ngraka Sang Panjya | ingidèn umangsah jurit | wus munggèng kuda | ngêmbat watang kumitir ||

19. pra prawira Jênggala myang Pranaraga | nungkêb sing kanan kering | kinêpung Sri Gêdhah | mrih

--- 93 ---

aywa wegya gagal | wong jayèngastra nututi | mêngsah kêng mlajar | pinlêcit ing turanggi ||

20. lyan kêcandhak gêsang pan laju binănda | wênèh kêcandhak lalis | Sri Sukma Nglêngkara | kinêpung tan rêringa | byating tyas wus ngèsthi pati | atmajèng Daha | wus yun-ayunan jurit ||

21. lan Sri Gêdhah sang nata ngasta talêmpak | nêbda Dyan Wukirsari | lah ta baya sira | kang ran Sukma Nglêngkara | kang nglamar Sang Dyah Jinali | apa tan wruha | yèn Onêngan Sang Dèwi ||

22. pan wis lawas gon ingsun magangi sang dyah | sira sru mêjanani | mêngko rasakêna | wus gusis wadyanira | yèn kênoa sri bupati | angur nututa | eman mênawa mati ||

23. warnanira bagus pan mêksih taruna | ngabdia mring rama ji | pêsthi dadi sira | litnan kolnèl tamtama | besuk sun suwunkên putri | darahing nata | mung aja Dyah Jinali ||

24. sira suwun amêsthi ingsun tan suka | sang nata bêndu myarsi | dirèng wuwusira | Radèn Wukirkusuma | akras ngandika sang aji | ywa kakyan ujar | ingsun tan nêdya urip ||

25. wus jamake ratu anglabuhi bala | wadyaningsun sirnanting | merang sun uripa | yèn putri ing Jênggala | nora kagarwa mring mami | angur matia | nora dêdawa warti ||

26. Radèn Wukirkusuma langkung bramantya | gêgêt waja netyandik | lawungnya dèn ikal | sang nata linarihan | prayitna Sri Gêdhah tangkis | lawung ginêbang | dadya rame ajurit ||

27. gênti watang-winatang gêbang-ginêbang | tan ana kêng kasliring | sami prawiranya | najan amrananana | mring ăngga tan ana busik | sami nèng kuda | wasis molah turanggi [turang...]

--- 94 ---

[...gi] ||

28. dangu yuda tan ana ingkang kuciwa | tandya Radèn Sêsimping | ngrapakên turăngga | ngêmbat watang pratama | Rajèng Gêdhah dèn kalihi | kewraning yuda | sang nata ambêk pati ||

29. Radèn Sinompêrdapa pinêlêng ing tyas | linantaran ing biring | kêng waos ginêbang | Dyan Wukirsari numbak | sing kering kanggêk sang aji | Dyan Lêmpungkaras | sangking kanan nglarihi ||

30. lambungira Sri Gêdhah pan kawatgata | prana rahira mijil | kêng jaringan mêdal | sang nata mêksih sura | usus sinampir ing kêris | nging astanira | gumêtêr sri bupati ||

31. waos rêntah sêdya anarik curiga | Rahadèn Wukirsari | sing kering manumbak | jaja trus ing walikat | tan tahan Sri Gêdhahwilis | dhawah sing kuda | nèng kisma angêmasi ||

32. kuda bêdhal nulya rinampog ing kathah | wau Dyan Wukirsari | têdhak sing turăngga | Prabu Sukma Nglêngkara | tinigas murdanya titis | surak gung wadya | enggar sri nata lalis ||

15. Sinom

1. sukèng tyas kang mênang yuda | wadya ing Jênggalamanik | tênapi ing Pranaraga | sami bêbandhang brana di | miwah astraning jurit | wong jayèngastra kang ngêlud | mêngsah ingkang lumajar | sêdaya pan sampun prapti | anèng ngarsanira Radèn Rawisrêngga ||

2. kang sami kêcandhak gêsang | wadyabala Gêdhahwilis | kawan atus wus binănda | para prawira pra êncik | liya kang nutut sami | bablas minggah mring pêrau | sawênèh ngungsi wona | lyan namur dadya wong Jawi | rajaputra gya nimbali pra kadeyan ||

3. tan antara sami prapta | kubêng ngarsaning Dyan Panji | andangu kraharjanira [krahar...]

--- 95 ---

[...janira] | sêdaya kang mêntas jurit | matur Radèn Pêrmadi | pan wus dèn rolis sêdarum | para kadang kadeyan | bupatya tan ana cicir | mung prajurit lan mantri pêjah sawidak ||

4. tri atus kang sami brana | sokur ing driya Dyan Panji | sangking pangrêksaning dewa | anjurung ungguling jurit | ya ta ngandika manis | Radèn Panji Marabangun | dhatêng Radèn Gadhingan | kakang muliha dèn aglis | umatura mring rama Prabu Jênggala ||

5. ing sasaniskarèng yuda | sira pan wêruh pribadi | têlukan prajurit Gêdhah | saosna rama sang aji | sun nuwun apuntên sih | banjur mulih bae ingsun | nora seba sang nata | Radèn Gadhingan mastuti | narpaputra parentah budhalkên bala ||

6. kundur dhatêng kasatriyan | gya daud sagunging dasih | kadya duk ing angkatira | sowang-sowangan kêng baris | Dyan Gadhingan sêdasih | bala ing Jênggala kumpul | budhal malbèng nêgara | tan kari wong Gêdhahwilis | kawan atus pan têksih sami binêsta ||

7. datan kawarna ing marga | prapta sajroning nêgari | Rahadèn Kuda Gadhingan | tênapi kang para ari | tuwin sagung bupati | myang wadyabala sêdarum | orêg nagri Jênggala | samyenggar unggul ing jurit | kang ngêntasi ing karya Dyan Rawisrêngga ||

8. wus katur ing sri narendra | dhatêngnya kang mêntas jurit | Rahadèn Kuda Gadhingan | miwah ingkang para ari | tuwin sagung bupati | tandya ngandikan sêdarum | kang anèng ngarsa nata | Rahadèn Panji Tohpati | pan wus dhangan dènira grah nandhang brana ||

9. miwah Kya Kudanawarsa | wau ingkang mêntas jurit | nulya sami ngaras pada | sêlur majêng gênti-gênti | wusira

--- 96 ---

tata sami | Dyan Kuda Gadhingan matur | ing rama sri narendra | pukulun sri narapati | putra dalêm nah anggèr Dyan Rawisrêngga ||

10. nuwun duka sri narendra | tan mawi sowan ngrama ji | pan laju kundur kewala | akathah karya ing wuri | dening prakawis jurit | sangking idi sang aprabu | mêngsah wus sirna gêmpang | pun Sukma Nglêngkara Aji | wus pralaya laju tinigas kêng murda ||

11. pêjahira Natèng Gêdhah | ing yuda dipun kalihi | pun yayi Sinompêrdapa | lan yayi mas Wukirsari | wong Gêdhah kêng katali | kathahira kawan atus | sumăngga karsa nata | sang narpa ngandika manis | hèh Gadhingan kabèhe ingsun tarima ||

12. dene bêbandan wong Gêdhah | lah padha tarinên sami | kêlamun anêdya gêsang | kabèh sun apura yêkti | namung sun mundhut kêdhik | kabèh kasraha nak ingsun | sêtun satus kèhira | kakangira Ki Tohpati | paringana jêr padhantuk karyanira ||

13. sandika kang sinung sêbda | ngandika malih sang aji | hèh Patih Kudanawarsa | wadya gung ganjarên sami | pêpangkatirèng kardi | wadya kang padha kêsambut | ing aprang gêntènana | kadang utawa kang siwi | sapantêse miwah ingkang nandhang brana ||

14. padha sira opènana | pangan myang tambaning jalmi | kabèh iku wajib ingwang | nêmbah sandika kya patih | gya luwaran sang aji | kyana patih mêdal sampun | miwah Dyan Brajanata | tênapi sagung sumiwi | wadya Gêdhah sêmana wus linuwaran ||

15. kang pinundhut mring narendra | mung wong pitung dasa êncik | lawan mantri tigang dasa | pinatah-patah kêng kardi | ana kinarya

--- 97 ---

koki | wênèh kinarya pênatu | ana dadya musikan | liyan dadya wong mênjait | mantrinira pan kinarya juru dagang ||

16. Rahadèn Nila Prabăngsa | satus bageaning jalmi | kêng kalih atus wong Gêdhah | mring Dyan Panji Wanèngpati | ya ta wau kawarni | Radèn Putra Marabangun | kundur sangking payudan | sakadeyanira ngiring | pra prajurit laju mantuk sowang-sowang ||

17. dene kang para kadeyan | dèrèng wontên bubar sami | laju marang pêkajangan | wau sang narendra siwi | kundur ing dalêm nuli | pinêthuk mring garwanipun | Sang Dyah Căndrakirana | myang Sang Dyah Rêtna Jinali | atênapi kang para sêlir biyada ||

18. cundhuk anèng ing taratag | Dyah Galuh laju mijilki[21] | dirèng padanirèng raka | dyan putra sarêng ningali | kang rayi sang dyah ragil | kraos ing driya kumênyut | dening dadya lampahan | ingêlus bune kang rayi | rajaputra laju lênggah ing jêrambah ||

19. nahan ing kala sêmana | Radèn Inokêrtapati | mêksa tan marêm ing driya | ningali Dyah Sêkartaji | ing galih tansah nganti | ruwatira sang rêtna yu | lir nganti timbulira | watu itêm nèng jro warih | sang kusuma lami tan kapadhan karsa ||

20. dening raka manggung ewa | tan pupug raosing galih | cuwêngah asmaranira | marêming Dyah Sêkartaji | lamun ngangkat aguling | kalingling lêlatèng lulut | kadibyanirèng raka | panyiptèng asmaragami | wungu nendra sang dyah rêtna kudandapan ||

21. dening Dyan Panji tan ana | têrkadhang nimbali sêlir | kang asring lênggah nèng jaba | lan Dyan Wasi Jayèngrêsmi | tan kenging pisah kêdhik | wau sang narendra sunu | lawan Dyan Narawăngsa [Nara...]

--- 98 ---

[...wăngsa] | tansah manguswèng pudya sih | runtang-runtung lir mimi saparanira ||

22. Rahadèn Gagakpêrnala | wau ing sansaya lami | kraos onênging asmara | mring garwa Dyah Sêkartaji | kang jinêmpana ngangin | mêksa tan marêm ing kalbu | dhatêng kang mindha warna | tan lyan paraning wiyadi | dhatêng ingkang rayi Radèn Narawăngsa ||

23. tan kadya mulat ing priya | lir kagiwang asmarèstri | kewran mrih têlênging tilam | dadya manggung manguswèng sih | sih titising mêmanis | manrus kongasing pudya kung | kungkal ing kalênglêngan | sêtun pambukèng brăngta sih | namur guwya sarya ngras angrangkul madya ||

24. Radèn Kuda Narawăngsa | yèn raka dyan Kêrtapati | kaduk panrêging asmara | sru duka laju ngewani | risang narendra siwi | kêlangkung pangrêpanipun | minta-minta apsama | lêjar Radèn Jayèngrêsmi | dening sampun kêpapan janjining sobat ||

25. Kusuma Căndrakirana | tansah nginjên nitik-nitik | sasolahira kang raka | yèn nuju rukêt pawor sih | sang dyah nèng dalêm anjrit | gêgulungan nèng bêbatur | gêra-gêro karuna | lir sapi kelangan siwi | sru sêsambat tan kêpadhan kanthinira ||

16. Kinanthi

1. pamanglahira sang ayu | dhu lae paran wak mami | wus lawas gon ingsun panggya | lan Jêng Peran Wanèngpati | yêkti nora ganêp rong jam | nèng dalêm lênggah lan mami ||

2. sênajan sare yèn dalu | kaya tan pupug ing rêsmi | baya dèn sirêpi ingwang | tan wruh pamarnèng pudya sih | sabên ingsun tangi nendra | katêmu lênggah ing jawi ||

3. gêgujêngan nutug-nutug | lan kamrate Jayèngrêsmi | sabên dina rêrangkulan | iku [i...]

--- 99 ---

[...ku] pratingkah punapi | padha lanang tan pêsaja | akaku rasaning ati ||

4. Lahadèn Si Wukirsantun | lawan Si Rêtna Jinali | karone milu Jênggala | sakêrsane kangmas Panji | dhasar padha asih trêsna | mring Si Kuda Jayèngrêsmi ||

5. mring ingsun padha tan sarju | nora ngêthukkên si wasi | Kangjêng Peran Rawisrêngga | iya padha dèn prantèni | klangênan kênya dhêlikan | iku pamrihe punapi ||

6. mula peran kakang brangus | mring sun saya doh ing galih | kadange kang amrih rênggang | padha sêngit marang mami | apabaya dosaningwang | sarwi gra-gêro sang dèwi ||

7. Dyan Jayèngrêsmi sang bagus | mirsa tangise sang dèwi | èsmu lingsêm ing wêrdaya | ngandika dhatêng Dyan Panji | hèh kasatriyan rungokna | bojomu angot ngrak-ngêrik ||

8. tulungên si gajah abuh | saru rinungu ing jalmi | rusak wanguning satriya | yèn garwa amurang niti | Rahadèn Gagakpêrnala | malêbêt ing dalêm aglis ||

9. sang kusuma dèn lêlipur | ya ta lêjaring kang galih | warnanên dalu sêmana | Radèn Inowanèngpati | arsa klangênan ringgitan | Rahadèn Kuda Sasimping ||

10. kinèn angringgit sang bagus | gêdhog sêksana wus nyimping | kêlir balencong pinasang | dhasare anyar kang ringgit | mubyar kang sungging prêdapa | sêmbada wangunnya luwih ||

11. Ki Sogèng lawan Ki Cêkruk | kang sami ngladosi Simping | gamêlan sampun tinata | kang sami nabuh ing gêndhing | sagunging para kadeyan | myang pra wêdana pangarsi ||

12. kang ngrêbab Dyan Wukirsantun | angêndhang Radèn Pêrmadi | Dyan Jayamiruta bonang | panrus Dyan Andaga nênggih | anabuh barung ing bonang | kang êgong Dyan Jayèngpati ||

--- 100 ---

13. kêng nyaron gambang nyalêmpung | lukat ngêthuk ngênongi |[22] ajangkêp para wêdana | Radèn Wasi Jayèngrêsmi | tansah nèng wurining dhalang | Rahadèn Panji Sêsimping ||

14. Radèn Panji Marabangun | ningali nèng lêbêt kêlir | lan garwa asêsarean | Kusuma Rêtna Jinali | miwah sagunging para dyah | samyatap cakêt kang kêlir ||

15. wau rahadèn kumêndhung | Sêsimping Panji Dhadhari | sêksana lêkas amayang | sasolahira mantêsi | dhasar bagus warnanira | bêsus sêmbada sung brangti ||

16. ingoglèngakên kang dhuwung | anampir kunca rêspati | munya sri ingkang mêrdăngga | kang nabuh sami winasis | aririh padha kêrasa | anganyut-anyut kapyarsi ||

17. kang mulat jêjêl supênuh | samya kayungyun ing ati | dhêdhalang wasis ukara | kêng panjak apêkik-pêkik | lakoning rigit[23] winêdhar | mungêl walgita maarti ||

18. Panji Anom kalanipun | ngawula mring Pranaragi | risang panji kasatriyan | ambêdhah nêgara Bali | nyabrang ing sêgara rupak | mênang dènira ajurit ||

19. angsal dirada gêng luhur | pêthak sratinira putri | aran Sang Dyah Dèwi Saga | undurnya prapta ing margi | Dyan Sinom kinaniaya | dening Panji Pranaragi ||

20. cinidra pinrih kêng lampus | karuna lintang kaswasih | sêsambatira lir grantang | wêlas sagung kang ningali | pamayangira rahadyan | tanduk pêsaja mantêsi ||

21. Dyan Jayèngrêsmi sang bagus | mèsêm sêbdanira manis | hèh yayi Sinompradapa | wus bêcik dènira ngringgit | nanging kêdhik pamrihira | tan ana raras pinirit ||

22. sêpi wanguning pasêmun | utamanira wong ngringgit | ing lakon mamiringana | wêktu wahyaning dumadi | tan kêmba dinêlêng kathah |

--- 101 ---

lah mundura Panji Simping ||

23. sun gêntèni pamayangmu | anulya mundur Dyan Panji | wus majêng Dyan Narawăngsa | amanggung ngarsaning kêlir | rêspati sasolahira | ngoglèng curiga mantêsi ||

24. tinêtêpakên kang kuluk | mênggêp kang kunca sinampir | salewanira sung brăngta | dhasare bagus kang warni | lênglêng sagunging tumingal | ya ta wus salin kang gêndhing ||

25. angrangin asri milêt kung | Ki Cêkruk ingkang nyindhèni | lawan Ki Menak Prasănta | sêksana lêkas angringgit | Radèn Wasi Narawăngsa | mêdhar carita pamirit ||

26. amunggêl lêlakonipun | kala Panji Pranaragi | suwita mring Bauwarna | kanggêp ing sri narapati | tinriman putraning nata | wasta Sang Dyah Wadalwêrdi ||

27. kang warna kêlangkung saru | kadya lègêr dèn paèsi | sêmbada ngèyèl mring priya | angayok murwa ing rêsmi | kakung pinangku ingaras | dadya priyanira sêdhih ||

28. langkung kuciwa ing sêmu | tan lamak ing palakrami | dening Dyah Căndrakirana | lagya anamurkula lit | ngawula anèng Jênggala | anglampahi kawlasasih ||

29. ngungun kang sami andulu | dènira ngringgit dyan wasi | Radèn Panji dhawuh marma | miyarsa mèsêm ing galih | lir ginugah onêngira | mring garwa kang mukswèng latri ||

30. kang mindha warna sang ayu | kalangkung dènira runtik | miyarsa dènnya carita | Radèn Wasi Jayèngrêsmi | asru dènira ngandika | iku wong mayang pênyakit ||

31. datan apantês rinungu | sasuwene mamiringi | kaya satru kabuyutan | iya marang awak mami | kadang-kadang wong ing arga | tan wruh tataning prayayi ||

--- 102 ---

32. dèn ugung mring kakang brangus | gêdhe atine si kirik | mring ingsun saya suwiyah | calunthangan anyênyêngit | kadar wong kumbah kêrakah | tan karuan kang sasiwi ||

33. dèn ugung marang wong agung | saya mênyunyang si baring | lah uwis aja amayang | bêcik si yayi Sêsimping | dadak gêntèni andhalang | Dyan Rawisrêngga ngrêpa sih ||

34. dhuh mas mirah jiwaningsun | mindêla aja aruntik | mring si yayi Narawăngsa | mung ingsun dêlêngên yayi | jimat mundrine pun kakang | sêsotyaning tilamsari ||

35. kang nukmèng purnama santun | ratu-ratuning mêmanis | wau Radèn Narawăngsa | miyarsa sang dyah aruntik | saya bêntèring wêrdaya | sêbdanira sru dyan wasi ||

36. lah nêpsu si gajah abuh | anyrêngêni wong angringgit | pêrdulèn si warak kawak | hèh kasatriyan dèn bêcik | gonira ngrêksèng dirada | mêta mêngko ngobrak-abrik ||

37. kurang nyamlêng pangungrummu | rungunên ingsun warahi | jimat kêmate pun kakang | kêkesedaning jinêm-mrik | kang nukmèng sasi grahana | ratuning kêkator najis ||

38. pêngawak lègêr winangun | bênthing ngrêca ngrandhu gunting | amêngkik-mêngkik lir warak | èsême lir bratawali | sudine kang nusonana | parikudu ngasmara di ||

17. Asmaradana

1. Sang Kusuma Sêkartaji | saya sangêt runtikira | karuna sru gêra-gêro | tansah linipur ing raka | ngungun sagung miarsa | sêmana Ki Sadulumur | tansah ngacuwis carita ||

2. Ki Sogèng kang dèn kandhani | mangkana ing wuwusira | lah ingsun tuturi Dhayok | nguni jênate si bapa | reyang nonton wong mayang | Patrakuwal aranipun | amayang ing Pawêdhusan ||

--- 103 ---

3. aku Dhayok aningali | pêksaningsun arsa berag | ikêt kopyah nora duwe | gundhulku cinukur anyar | têka duwe karenah | sirahku sun wèhi apu | rinekaa kêkopyahan ||

4. ing dhuwur sun wèhi jait | rineka tarak limalas | anadene nyênyamate | iya kunir kang sun karya | ana ngunyêng-unyêngan | wêtara ana sajumput | ing ancur wus kaya êmas ||

5. sarta damar ingsun sandhing | gon ingsun linggih nèng têngah | reyang sambi mangan tape | sêkathahe wong wayangan | kapengin nyamat ingwang | baya ingaran mas tuhu | sinêbrot kukuh kêng nyamat ||

6. dening ancur lèngkèt luwih | wêkasan gundhul ngalinyam | wêtara ana sabêton | aku Dhayok galimpangan | nangis angaru-ara | gègèr wong kang andêdulu | dene wong anyêbrot nyamat ||

7. gumuyu sagung miarsi | kandhane Ki Lurah Bancak | pra kadeyan suka kabèh | wau Radèn Narawăngsa | mêksih dènira mayang | lêlagon kêng swara arum | nêpangi rarasing kăndha ||

8. Rahadèn Panji Sasimping | kang sami dadya tontonan | dènnya bêsus panylêmpunge | dhasar bagus gawe brăngta | mirib dhêdhalangira | rahadèn wasi sang bagus | mangkana wangsalanira ||

9. gayung sumur sun arani | lumbung alit jroning wisma | padha dèn prayitna rèhe | akèh rêmbêng ngimba-imba | salam sabrang upama | kêrangeyan nèng têgal gung | sun anti pangrasanira ||

10. lah iya Rahadèn Panji | gong alit ing pawayangan | muga kinumpulna têmbe | prakutut gung saupama | parikan dadol gula | ywa lali sira wong agung | kasatriyan aku sapa ||

11. Kusumayu Sêkartaji [Sê...]

--- 104 ---

[...kartaji] | tan pêgat dènnya karuna | kadi gulamit sasote | asu gunung kurang ajar | daluya nora tata | tan wis-wis panyêngèsipun | ladak saya ngicak-icak ||

12. kaya maru marang mami | margane yèn mêngkonoa | jêng peran kang ngugung wite | sakarêpe tinurutan | tur angsring kakêlonan | mulane saya dalurung | marang sun sawiyah-wiyah ||

13. wau Radèn Kêrtapati | sang dyah tansah rinarêpa | tandya masang sasirêpe | pinrih enggala anendra | Sang Dyah Căndrakirana | gya sare sang kusuma yu | kenging ing pangaribawa ||

14. gêluran ngarok sang dèwi | lir maesa pinaragad | radyan saya ewa tyase | dhatêng ingkang mindha warna | nguni kolur ing driya | sawêtara wlas andulu | tuhu sing godha rêncana ||

15. sêbdaning Ywang Durga Dèwi | miwah saliring sumbaga | pasah magoyang driyarjèng | lan ajrih ing sudarmendra | manganti ruwatira | lami yungyunên sang bagus | tan ana wusananira ||

16. tan lyan paraning trêsna sih | dhatêng Radèn Narawăngsa | kasuksmèng cipta langêne | kadya mring kang lagya murca | kusuma di ing Daha | cawêngah kang warna kakung | kewran panujwèng asmara ||

17. sêdangunira ningali | dènira marnèng carita | Dyan Kuda Jayèngrêsmine | wau Radèn Rawisrêngga | saya kraos ing driya | rêncana ingkang nalimur | sarêng kang mindha wus nendra ||

18. têdhak sing paprêman aglis | mêrpêki dènira mayang | Dyan Wasi Narawangsane | ingoyag kakêlirira | radyan sarwi ngandika | yayi wasi dèn agupuh | wêtokna Kirananira ||

19. kagèt Radèn Jayèngrêsmi | ingoyag-oyag kêlirnya | dyan wasi sêndhu dêlinge | lah sapa ngregoni mayang | ing mêngko kêpradangan | katiban curiganingsun [curi...]

--- 105 ---

[...ganingsun] | ampuh mêngko babarpisan ||

20. dyan putra ngandika malih | yayi iya jênêng ingwang | kudu yun wruh Kiranane | yayi age wêtokêna | manirarsa uninga | dyan wasi ngandika arum | lah Panji tangèh wêdalnya ||

21. tandya Radèn Kêrtapati | miyos mring jawi wêrana | cêlak andhêsêk lênggahe | kang rayi Dyan Narawăngsa | pinidih wêntisira | cinêpêngkên astanipun | ing ringgit sarwi ngandika ||

22. payo wêtokêna nuli | lah yayi Kirananira | sun arsa wêruh babare | ngandika Radyan Ngasrama | hèh Panji dhawuh marma | ywa ngregoni wong amanggung | lungguh aja dhadhêsêkan ||

23. ing mêngko sun pêrang kêris | sira mati kapisanan | mendah bojomu tangise | kaya gajah kaluwenan | kang mindha bêdhawangan | yèn takon Kirananingsun | yêkti tangèh wêtunira ||

24. najan sun mayang rong sasi | pêsthi nora mêdal-mêdal | yèn durung têkèng masane | wêtune Kirananingwang | yèn Jênggala wus arja | ngandika Dyan Marabangun | lah ta yayi Narawăngsa ||

25. saikine ana ngêndi | adhi mas Kirananira | arsa sun susul yêktine | tan bêtah sun pisah lawas | nganti-anti wirayat | ruwate kang aran Galuh | tan ana wusananira ||

26. ngandika Dyan Jayèngrêsmi | kasatriyan apa nyata | sira gêng trêsna sang sinom | Kusuma Căndrakirana | kang piningit mring dewa | nêbda Radèn Marabangun | lah adhi mas pindho karya ||

27. tumêkoa lara pati | yayi gon ingsun ngupaya | anggêr karuan jujuge | sayêktine ingsun larah | najan anèng tlak naga | jimat manira sun ruruh | ngandika Dyan Narawăngsa ||

28. nyata mantêp Wanèngpati | hèh kasatriyan wruhanta | wus [wu...]

--- 106 ---

[...s] adoh Kirananingong | anèng luhuring ngakasa | pamingit ing jawata | kêng kaping pat langit iku | jajahan lakuning căndra ||

29. awor lawan widadari | kang padha mêmajang wulan | rajaputra andikane | yayi wus ingsun talika | sangking pamuja măntra | sêpi tan ana kadulu | adhi mas Kirananira ||

30. ngandika malih dyan wasi | kêlamun wus nora nana | ngalih langit ping pitune | jajahan lakuning surya | kayanganing jawata | yèn wus tan ana ing ngriku | banjur mring junggringsêlaka ||

31. pakujati parewarni | ngayunan Ywang Girinata | upama tan ana kono | banjur mring sasoringaras | goning Sukma Kawêkas | ngandika sang narpasunu | yayi kabèh wus sun jajah ||

32. amêksa nora kêpanggih | nêbda Radèn Narawăngsa | bali mring marcapadane | hèh Panji Kirananingwang | nukmèng pangrasanira | ngandika Dyan Marabangun | yayi mas pangrasaningwang ||

33. Kusumayu Sêkartaji | nukma ing dhalang myang wayang | kudu sira ariningong | kang yogya ngruwat cintraka | nirèng Căndrakirana | dyan wasi kewran ing kalbu | binêtahakên ing raka ||

34. pangandikanira manis | lah ta iya kasatriyan | ing mêngko ingsun ruwate | bojomu Căndrakirana | kang kaya gajah băngka | dèn pêpak sêsajènipun | kawijil sarating sêbda ||

18. Mijil

1. duk sêmana kang wanci wus enjing | mega bang sumarot | radèn wasi kèndêl pamayange | laju kundur dhatêng dalêm alit | Dyah Rêtna Jinali | kang mêthuk sang bagus ||

2. wau Radèn Panji Kêrtapati | kundur dhatêng gêdhong | Dyan Prabata kusuma kang dhèrèk | atanapi parêpat kêkalih | tan arsa umanjing |

--- 107 ---

dhatêng dalêm agung ||

3. pra kadeyan wus bubaran sami | sowangan makuwon | kawarnaa Dyan Jayèngrêsmine | ingkang kundur lan Sang Dyah Jinali | laju sami guling | pranya sang ayu |[24]|

4. dhatêng ingkang raka radèn wasi | gêng trêsnaning batos | nguni tuhu kêlangkung lulute | dhatêng kangbok Sang Dyah Sêkartaji | sarêng salin warni | ewanira langkung ||

5. dadya trêsnanira mring dyan wasi | tan raos-rumaos | tan rêringa lir kadang jatine | dhasar sang dyah pan dèrèng birai | sêmana aguling | atunggil sakasur ||

6. Dyah Onêngan wus kêpati guling | dhasare alembon | pan kalungsèn wus enjing wancine | jam sêkawan langkung pitung mênit | Radèn Jayèngrêsmi | tan eca aturu ||

7. tansah kêgagas rujiting galih | èsthinirèng batos | hèh jawata kang marnèng titahe | paranbaya ing lêlakon mami | lamun sun turuti | ngrucat warna kakung ||

8. anèng nagri ing Jênggalamanik | mandah wirang ingong | ingsun têmah tumêkèng patine | katon têmên rarêbutan laki | dening Radèn Panji | wus darbe garwa yu ||

9. lamun ora ambabara mami | tanpa wêkasing don | yèn muliha marang Kadhirine | iya misih andêdawa warti | gêgawa sudarmi | ing kanisthanipun ||

10. bêcik ingsun marang Bauwarni | marêk paman katong | tambuh têmbe ing kawêkasane | măngsa barong pamarnèng dewa di | hèh Rêtna Jinali | karia riningsun ||

11. mung lembone kang nora marèni | alit têkèng tuwoh | dèn abisa ngladèni kadange | kangjêng pangeran kantuna mukti | ngong pamit ngêmasi | kesah andon nglangut ||

12. wau Radèn Wasi Jasèngrêsmi[25] |

--- 108 ---

têdhak sing jinêm-ron | kapirangu kêrantan trêsnane | dhatêng rayi Dyah Rêtna Jinali | tinilar aguling | kalingling tyas trênyuh ||

13. tandya sang dyah dèn apit gêguling | sasingêb winaon | radyan laju miyos butulane | lir dinulur tan ana kang uning | kêng wanci sayènjing | jam gangsal anuju ||

14. sata kaluruk piniarsa sri | kang wulan angayom | riyêm-riyêm sumilak padhange | radèn wasi kagagas ing galih | pamêgating kang sih | kathah kang kaetung ||

15. dhatêng rayi Radèn Wukirsari | myang ragil sang sinom | miwah dhatêng Dyan Rawisrênggane | rangu-rangu wirang kari ringgit | dadya radèn wasi | amijil ingkang luh ||

16. tibèng sêsalang lantaran pipi | ingusapan alon | buntaring kunca laju lampahe | sarwi ngrimong kuncanira kering | tinon kawlasasih | tindakira rawuh ||

17. ing ujwana ararywan dyan wasi | têpining tlaga gon | sangandhaping kang nagasarine | duk sêmana ywang arka wus mijil | sri rênggèng ujwani | papêthetan turut ||

18. sêdhêng măngsa kang woh sinang asri | taru-taru ngayom | sêkar-sêkar angambar gandane | kumbang darpa mrih wêdharing sari | kumênyut dyan wasi | myat rêsmyèng jwana rum ||

19. ketang langên pudyasmarèng laki | duk nèng sawargandon | kala mêksih Wisnu lawan Srine | anèng kayangan Ngutaratasik | mong wibawèng rêsmi | rêsmyarjèng jwana rum ||

20. lir sumaput ing galih dyan wasi | kabyatan onêng wor | merang-merang sêmana rahadèn | nglokro sagung ingkang busana di | wus karsèng dewa di | babar warnanipun ||

21. pan waluya atêmahan jati | jatining sang sinom | tuhu Sang Dyah Căndrakiranane | manik sêsotya [sêso...]

--- 109 ---

[...tya] putri Kadhiri | guruning pawèstri | iya Sang Dyah Galuh ||

22. ngupoyoa sajagat tan olih | kang kadi sang sinom | dhasar ayu-ayu sawantahe | tan kaworan wiraga myang dhêsthi | trusing susela di | adining wong ayu ||

23. pra apsari pantês anyênyèthi | mring sang kadi sinom | tangèh lamun winarnèng kandhane | citranira Sang Dyah Sêkartaji | dhasar sang rêtna di | sinihan dewa gung ||

24. dènnya lukar kang busana sami | sang dyah tan kêraos | lir tinata marang juwatane | myang salinnya sumbaganing putri | sang rêtna tan uning | kuwasèng dewa gung ||

25. tuhu busana sangking sawargi | sinjang miwah kampoh | myang paningsêt cindhe puspitane | êmêrlulut cinitrèng rêtna di | ukêl amantêsi | kinancing hèrlaut ||

26. rumbing agantya sêngkang rêtna di | sênsaya yu kaot | sang dyah ngrasuk busanèng swargane | dene ingkang busana priya di | tumpuk dadya siji | clona kampuh kuluk ||

27. amangsuli kandhanira nguni | mila sang lir sinom | warna kakung wit sangking murahe | ywang jawata sinrang ing pamuji | Sang Dyah Wadalwêrdi | kang puja jinurung ||

28. sangking sangêt kêsmaraning galih | mring Dyan Panji Ino- | kêrtapati Ywang Durga mong rèhe | dadya Sang Ywang Nêrada nuruni | Sang Dyah Sêkartaji | sêkala binanjut ||

29. pinudya warna satriya sigit | pinarnah ingkang gon | ing aldaka Jênggala tlatahe | mrih ywa klajêng cobaning Dyan Panji | de Dyah Wadalwêrdi | mila-milanipun ||

30. putrinira natèng Bauwarni | duk nandhang wirangrong | nulya kesah sêparan-parane | sêdya ngupaya guna pêngasih | sêmana [sê...]

--- 110 ---

[...mana] pinanggih | mring Jagal mèt sunu ||

31. Ki Karungbang kêlangkung asugih | dunyane tanpa gon | asor Nyai Ronamênggalane | gêng sêsarat mring Blarong mrih sugih | Ki Jagal ngrajongi | dhatêng sutanipun ||

32. dènnya kêsmaran mring Radèn Panji | tan ngeman brana grong | mèt sêrana wong guna bisane | sinêpuhan mring Ywang Durga Dèwi | kêlampahan ugi | kanggêp Sang Dyah Galuh ||

33. mangkya dugi ubayaning pêsthi | wêkasing lêlakon | mung sêmono rêncana pasahe | wau Sang Dyah Rêtna Sêkartaji | nulya anênulis | ing pandhan ronipun ||

34. pan sinêrat ing kênaka lungid | kang sastra awados | sandi sancaya nênggih wastane | pilih jalma kang wegya nupiksi | liya sang rêtna di | mung Dyan Marabangun ||

35. ingkang wegya nukma rasèng tulis | sêmana wus dados | èsthining tyas kawrat jro sêstrane | tinumpangkên nèng busana nuli | pinarnah ing tambi | ning wit nagasantun ||

36. sang dyah laju miyos ing ujwani | samarga angrempong | kapirangu kagagas rujite | rasa-rasa tumindak sang dèwi | kabyatan gêng kingkin | kèlu lir pêpucung ||

19. Pocung

1. kunêng Sang Dyah Kirana kang sêdya nglampus | malih ginupita | Kusuma Rêtna Jinali | karainan wus wungu dènira nendra ||

2. kudandapan myat dyan wasi tan kadulu | nulya ingupaya | adangu datan kêpanggih | akaruna sang dyah mring gyaning kang raka ||

3. Radyan Panji Rawisrêngga lagya wungu | sang dyah sarêng prapta | nungkêmi raka sarywanjrit | awêwarta yèn dyan wasi datan ana ||

4. rajaputra duk myarsa turnya sang ayu | sru gêtêri driya | têdhak arsa angulati | Dyah Onêngan tansah kinanthi ing raka ||

5. Radèn [Radè...]

--- 111 ---

[...n] Wukirkusuma pan datan kantun | parpat kalihira | kinèn sami animbali | pra kadeyan ngupaya Dyan Narawăngsa ||

6. Radèn Sinompradapa Rahadèn Wirun | Dyan Puntapêrtala | Dyan Jayamiruta tuwin | duk miarsa yèn Dyan Jayèngrêsmi murca ||

7. gêpah-gêpah gurawalan sami ngruruh | jro dalêm myang jaba | wus tapis datan kêpanggih | sami ngungun-ngungun kang para kadeyan ||

8. dening sami wus rêntah katrêsnanipun | mring Dyan Narawăngsa | sasolah angrêspatèni | Dyan Pramadi tansah têbah-têbah jaja ||

9. Radèn Punta tan pêgat acêlak-cêluk | yayi Narawăngsa | paduka dhatêng ing pundi | sumaura Dyan Panji sangêt sungkawa ||

10. orêg wadyèng kasatriyan sami ngruruh | srang-srangan sumêbyar | laju mring jawining nagri | wênèh bablas ngulati ring wana arga ||

11. pra kadeyan dupi antara tan pangguh | ngumpul marêk samya | ngarsèng Radyan Kêrtapati | rajaputra pan tansah nglênggêr kewala ||

12. Dyan Pêrmadi sumungkêm sarwi umatur | jêng paran sumăngga | kundur kewala rumiyin | dimèn kănca kewala kang ngulatana ||

13. ing dyan wasi amba wus nyêbar wadya gung | anglarah wanarga | ngulati Dyan Jayèngrêsmi | mung paduka sampun kêlajêng sungkawa ||

14. ngandika lon Radèn Putra Marabangun | kakang Jayèngrana | wruhanira karsa mami | yayi wasi arsa sun ruruh priyăngga ||

15. ingsun ora sêdya mulih yèn tan pangguh | tan kudu wibawa | yèn tan panggya yayi wasi | ingsun têmah tumêka ing lara pêjah ||

--- 112 ---

16. gêdhêg-gêdhêg ngusap jaja Radèn Wirun | alon aturira | dhuh jêng paran kadyapundi | dene sangêt kasêngsêm Dyan Narawăngsa ||

17. lah punapa ingkang dadya sababipun | rèh têbih sing murwat | raos tan têpang lan budi | dene namung awit pinrih dadya patah ||

18. sarta datan kantênan ing wijilipun | yêktos bagusira | kêlangkung-langkung asigit | ing sênajan mêngkatên pan dede lampah ||

19. jêng paduka amathêm kalangkung-langkung | murwating watara | jêr patah sarating krami | amrih mulya cintrakaning putri Daha ||

20. ing wusana datan wontên yêktosipun | prayogi sarèhnya | sampun-sampun ngendra pati | angulati patah Radèn Narawăngsa ||

21. yèn tan kanggêp arinta Sang Dèwi Galuh | prayogi matura | mring rama sri narapati | kados wontên karsanira sri narendra ||

22. tuwin laju kinesahakên Dyah Galuh | sêtun ngulatana | putri Daha kang sayêkti | pan sumăngga wus lêrês ngupaya garwa ||

23. karsa tuwan pun Narawăngsa rinuruh | kinarya punapa | kêpati dipun ulati | kadingarèn paduka kenyut ing priya ||

24. najan kêrsa măngsa kiranga wong bagus | nêgari Jênggala | kang dhandhing jlarat jukithit | inggih dèrèng sami lan pun Narawăngsa ||

25. angandika Radèn Panji Marabangun | kakang gawe apa | milihi wong pêkik-pêkik | saliyane yayi Kuda Narawăngsa ||

26. rasaning tyas sênajan durung katêmu | putri ing Mamênang | kang jati-jatining nguni |

--- 113 ---

ingsun marêm sandhing lan Ki Narawăngsa ||

27. dene sira yèn nora trêsna maring sun | lah iya karia | tunggua ing Pranaragi | aja matur dhingin marang kangjêng rama ||

28. lah sakèhe iya kakang-kakang ingsun | myang sira adhi mas | Sêsimping lan Wukirsari | padha sira karia mukti wibawa ||

29. ingsun ingkang nglakoni kawêlasayun | kang para kadeyan | myarsa sêbdane Dyan Panji | akaruna ngrubung sang raja pinutra ||

30. matur sarêng tan ana kang nêja kantun | Radèn Wukirsêkar | mingsêk-mingsêk dènnya nangis | sarwi dhêsêk kang êmbok Dèwi Onêngan ||

31. sang dyah runtik mingsêr dènira alungguh | mèsêm Lurah Bancak | mirsa solahe Dyan Wukir | ya ta lajêng Radèn Kuda Rawisrêngga ||

32. sêdya ngruruh dyan wasi kang kesah nglangut | karsa dhatêng taman | mênawi Dyan Jayèngrêsmi | sêdya nilib cêngkrama marang ujwana ||

33. tindakira Dyan Panji tansah mong gandrung | kapirangu brăngta | kabyatan trêsnaning galih | dhatêng ingkang rayi Radèn Narawăngsa ||

34. tansah manglah ing driya kalingling gandrung | adhuh ariningwang | baya sira marang ngêndi | dene nora pêpoyan marang manira ||

35. bisa têmên yayi gawe lara gandru[26] | apa sisip ingwang | lungane anyalawadi | lah elinga yayi mring wong kawlasarsa ||

36. praptèng taman Dyan Panji sênsaya gandrung | mulat kêmbang-kêmbang | myang rêsmining kang ujwadi | kagurawa langêning Dyan Narawăngsa ||

37. pra kadeyan nêlasah kang ujwana rum | sami angupaya | ing Dyan Wasi Jayèngrêsmi | ting carêluk amêksa datan kapanggya ||

38. Ki Prasănta tênapi Ki Sadulumur | dènira ngupaya | papêthetan dèn pènèki | cêlak-cêluk [cêlak-cêlu...]

--- 114 ---

[...k] ing Dyan Kuda Narawăngsa ||

39. sarwi mangan wowohan anyamak-nyamuk | Radèn Jayèngrana | myat tumpukan busana di | anèng tambi nagasari pinggir tlaga ||

40. kagyat ing tyas nulya pinaranan gupuh | wau tiningalan | tan samar agêming rayi | Dyan Ngasrama Wasi Kuda Narawăngsa ||

41. gêtêring tyas mênawa tiwas ing ranu | gya kêng para kadang | inguwuh sêdaya prapti | gênti-gênti ningali ingkang busana ||

42. datan samar yèn agêmira sang bagus | sumêlang sêdaya | yèn tiwas anèng jro warih | margi siram ya ta Radèn Jayèngrana ||

43. aningali ron pandhan sumlêmpit kampuh | anulya cinandhak | wontên sêstranira sandi | nanging Radyan Wirun tan sagêd nupiksa ||

44. gênti-gênti para ri kinèn andulu | tan ana kêng wegya | nupiksa kang sastra sandi | Dyan Pêrmadi gya matur mring rajaputra ||

45. gêpah-gêpah Radèn Panji Marabangun | mring gyaning busana | tan pisah Sang Dyah Jinali | dupi prapta mulat saliring sumbaga ||

46. datan samar yèn agêm-agêmanipun | Radèn Narawăngsa | sêkala Dyan Kêrtapati | lir sumaput ing driya kanthi rudita ||

20. Kinanthi

1. kêgagas onênging kalbu | mring ari Dyan Jayèngrêsmi | kadi katon sumandhinga | kêng kampuh dèn asta aglis | tan pêgat ingaras-aras | saya kalimput Dyan Panji ||

2. srat kang nèng roning pandhan rum | dèrèng arsa aningali | kêtungkul mulat busana | winiwir winolak-walik | tandya Radèn Jayèngrana | matur sarya ngasih-asih ||

3. paran emuta ing kalbu | sampun kalimput tanpa wit | sêrat yogi tinupiksa | bilih mrih karya kêng

--- 115 ---

gati | amba tan sagêd maosa | de sastra sandi tur rêpit ||

4. ya ta Radèn Marabangun | srat pandhan pinundhut aglis | kumêpyur raosing driya | ningali kang sastra sandi | tuhu kang wêrga sancaya | kaluwihaning wong Bali ||

5. liya sang narendra sunu | dèrèng wontên kang mangêrti | nguni kang sampun winulang | mung garwa Dyah Sêkartaji | tuhu lantip ing sasmita | putri adi ing Kadhiri ||

6. tandya sinukma kang têmbung | mangkana udayèng tulis | pèngêt ingkang sêrat saha | sêmbah sungkêming pamuji | sangking pun Căndrakirana | cèthi kang sangking Kadhiri ||

7. kang nglampahi kawlasayun | winayang ing dewa luwih | mêntas sinipatan priya | awasta pun Jayèngrêsmi | ing mangke sampun binabar | wangsul kadya wingi uni ||

8. wiyos kawula sang bagus | pamit sêdya ngendra pati | paduka kantuna wirya | baudhêndha nyakrawati | pintên banggi yèn kanggea | patikbra malih nyênyèthi ||

9. dening paduka sang bagus | wus krama putri yu luwih | inggih ngran Căndrakirana | tur antêng jêtmika manis | ngungun kawula kalintang | wontên Galuh tiga kalih ||

10. nging warti ingkang asamun | paduka cinidra ing sih | binawur ing lêlampahan | wiyah ngakên Sêkartaji | yêktosing sutaning Jagal | wasta Dèwi Wadalwêrdi ||

11. ngakên wasta Sang Dyah Galuh | kenging cintrakaning bumi | mila malih warnanira | paduka kêdah trêsna sih | sumăngga wawrat-wawratan | mung amba anuwun pamit ||

12. kesah ing sapurug-purug | ngulati margining pati | sèwu panjalma tan nêdya | nyèthi liyan sang apêkik | têrkadhang jujug kawula | dhatêng nagri Bauwarni ||

13. titi saèsthining [sa...]

--- 116 ---

[...èsthining] kalbu | kawrat ing pustaka sandi | ya ta sang raja pinutra | duk mirsa ungêling tulis | sumrêpêt paningalira | tandya kantaka Dyan Panji ||

14. sinundhang agupuh-gupuh | mring rayi Radèn Sêsimping | miwah Sang Dèwi Onêngan | sami karuna sarêng jrit | sagunging para kadeyan | parêpat ngrubung anangis ||

15. akathah sêsambatipun | wau gunging busana di | tumpukan sumbaga priya | gya sirna kabêktèng angin | kang sangêt dènnya karuna | Kusuma Rêtna Jinali ||

16. sêsambatira mlasayun | lah elinga kakang Panji | kêna ngapa sira kakang | dene barêng maca tulis | banjur niba kapidhara | kakang-kakang aja mati ||

17. sapa kang ngêmong maring sun | lah sapa kang sun ladèni | sapa kang muruk mêmaca | Ki Cêkruk ajêlah-jêlih | gusti pangeran èngêta | baya kêna ngapa iki ||

18. mêntas maos ron pandhan run | têka andhawuh tan eling | kang pandhan tumumpang clona | agême Dyan Jayèngrêsmi | baya ana tênungira | busanane radèn wasi ||

19. kadeyan nangis gumrumung | anglênggêr Dyan Jayèngpati | dangu dènnya kapidhara | Radèn Inokêrtapati | satêngah jam winatara | gya wungu pêpungun nglilir ||

20. wus tata lênggah sang bagus | kagagas raosing tulis | kaetang runtiking driya | dhatêng ingkang mindha warni | alon dènira ngandika | mring raka Radèn Pêrmadi ||

21. wruhanira kakang Wirun | kang ron ijêmaning tulis | yêkti yayi Narawăngsa | adhinira Sêkartaji | kinarsan dening jawata | warna priya luwih sigit ||

22. mêngko wus babar warna yu | mulya kadi wingi uni | laju pamit ngendralaya | dene [de...]

--- 117 ---

[...ne] sru wiranging ati | ana ingkang mindha-mindha | ngaku Sang Dyah Sêkartaji ||

23. sajatine wadon iku | aran Rara Wadalwêrdi | anake Jagal Karungbang | lah ta kakang Jayèngpati | jawi kang tracak malela | anetra kumala adi ||

24. kang bakal nyudhang maring sun | ana sajroning jinêm-mrik | iku kakang patènana | tuhu wong niyaya luwih | mring nimas Căndrakirana | tur gawe bodho mring mami ||

25. Dyan Jayasena mêsat wus | ing driya sru ngingkid-ingkid | dhatêng ingkang mindha warna | wau Radèn Wukirsari | tan pamit dhatêng ing raka | tumut Radèn Jayèngpati ||

26. bramantyanira kêlangkung | dene ngakên Sêkartaji | dyan kalih enggal-inggalan | sêdya lumêbêt ing puri | kocap ingkang mindha warna | nèng dalêm tansah anganti ||

27. kundurnya Dyan Marabangun | ingayap kang êmban cèthi | sang kusuma angandika | dhu lae paran kang warti | kangmas Kuda Rawisrêngga | baya têdhak marang ngêndi ||

28. dene swarane ting grubyug | banène anggêgolèki | matur kang sinungan sêbda | gusti ing pamirêng mami | sabubarira ringgitan | Radèn Wasi Jayèngrêsmi ||

29. kesah datan mawi matur | mring raka dalêm Dyan Panji | dadya sami ingupaya | jêng gusti tindak pribadi | sêmune kasêsa-sêsa | kêbut wadya Pranaragi ||

30. samya ngulati sêdarum | ing Dyan Wasi Jayèngrêsmi | sang rêtna sêndhu ngandika | iku biyung sêdhih mami | kamas Peran Rawisrêngga | olèhe kêpati-pati ||

31. mring Si Narawăngsa gunung | nganti akaku kang ati | bangêt supene maringwang | pijêr kèkèt lan si wasi [wa...]

--- 118 ---

[...si] | anggung gawe gêgandhengan | wong wis minggat lah bok uwis ||

32. tur dudu sêntananipun | trêsnane kêpati-pati | dhasare Si Narawăngsa | marang sun cumêri-cêri | kaya maru potang pêjah | kangjêng peran angiloni ||

33. mulane saya dêlurung | gêdhe êndhase si wasi | sêmune agêmbelingan | dèn ugung mring kangmas Panji | anyuwuna barang-barang | tan luput dipun têkani ||

34. sandhangane tumpuk-tumpuk | nganti sêpuluh kang kêris | kêrtêpe sapirang-pirang | mula Peran Wanèngpati | utange nganti rong lêksa | marang toko koja êncik ||

35. ginawe ngrêga si gunung | angur dèn paringna sêlir | ingsun nora munasika | kang dadi laraning ati | sun kêpingin klambi duryas | jêbul dèn paringi êncit ||

36. ni êmban nêmbah umatur | dhuh gustiningsun sang dèwi | sampun mêngkatên bêndara | wus limrahing satriya di | sêbarang numpang mring kênya | ing sakarsa-karsa dadi ||

37. lêhêng sumarah ing kakung | têrkadhang luntur ingkang sih | dangu dènira ngandika | sang dyah lan kang êmban cèthi | kêsaru dyan kalih prapta | agatya tan nolèh wuri ||

21. Pangkur

1. Radèn Arya Jayasena | akalihan Dyan Arya Wukirsari | kêng netya tansah sinamun | sêdya mangapus krama | sang kusuma pisaha lan cèthinipun | praptaning dyan kalihira | sang dyah atêtanya aris ||

2. sira yayi Wukirsêkar | lawan kakang Jayasena kang prapti | apa karyanira malbu | ana ngêndi jêng peran | pawartane nusul wong lunga anglangut | si binatang Narawăngsa | wong wis minggat dèn ulati ||

3. kaya wong kurang manungsa | kang ngladèni dene kêpati-pati | wong wis mêlsat dipun ruruh | ngontog Dyan [Dya...]

--- 119 ---

[...n] Wukirsêkar | nging sinamun ing guywa sarwi umatur | kangbok dèn sarèh ywa duka | mangke kawula atur wrin ||

4. lampah kawula dinuta | mring rakamta kakang mas Kêrtapati | nimbali paduka sang rum | dhatêng ujwana sêkar | kados onêng kangmas Pangran Marabangun | dhatêng paduka sang rêtna | arsa cêngkramèng ujwani ||

5. dene ta pun Narawăngsa | inggih yêktos kesah datanpa pamit | nanging tan patya kaetung | dènira mring ujwana | mila arsa plêsir lan kangbok sang ayu | dene yêktos ingupaya | kangmas Kuda Jayèngrêsmi ||

6. pan awon nganggur kewala | namung nyêbar kapêdhak kalih dèsi | sang rêtna duk mirsèng atur | kumêpyur sukèng driya | ngandika lon apa nyata Wukirsantun | sun ora pati pitaya | marang sira yayi Wukir ||

7. jêr ta sira rada-rada | lali kadang trêsna mring Jayèngrêsmi | ngubungi mring kakang brangus | lulut mring Narawăngsa | kanggêk ing tyas Rahadèn Prabatasantun | malih sang rêtna ngandika | sira kakang Jayèngpati ||

8. mung sira ingsun pracaya | sêlawase ana Si Jayèngrêsmi | pan ora pati mailu | lumrah-lumrah kewala | saliyane angrojongi kakang brangus | dènira sih Narawăngsa | ingsun duga tau sami ||

9. sobat blèngkèt padha lanang | têpa-têpa ngomong mring kangmas Panji | kakang tutura dèn tuhu | kapriye yêktinira | apa nyata sun dèn undang kakang brangus | lawan iya apa nyata | dènnya ngruruh Jayèngrêsmi ||

10. pan ala nganggur kewala | Radèn Jayasena ngandika aris | aja sumêlang ing

--- 120 ---

kalbu | yayi Căndrakirana | mula sira dèn undang Ki Marabangun | bakal ingajak cêngkrama | si wasi wus tan dèn pikir ||

11. lah idhêpên ujar ingwang | bojonira bangêt angarsi-arsi | marang sira yayi Galuh | kinèn nuli mangkata | lawan aja sira nganggo gawa batur | kang mindha putri ing Daha | wrin sêbda Dyan Jayèngpati ||

12. kêlangkung bungahing manah | ngraos badhe tutug apulangrêsmi | maoni busananipun | angagêm gănda wida | megal-megol pupure tansah rinêmbug | gya mangkat inggal-inggalan | dyan kalih tansah ing wuri ||

13. dungkap mèh praptèng ujwana | Radèn Jayasena tan srontèng galih | tandya jinambak sang ayu | keswanira sing wuntat | sru kalumah jinêjak wantya jinagur | sang rêtna datan gulawat | karuna sambat kaswasih ||

14. hèh ta kakang Jayasena | ya pogene ingsun sira larani | apa baya dosaningsun | sun nora palacidra | nora sèdhèng mring adhimu kakang brangus | kakang sun jaluk apura | uculêna rambut mami ||

15. mêngko ingsun punjung sira | sèwu rispis namung uculna mami | baya ta ing pakonipun | si kêpruk Narawăngsa | nyênyetani kang ora-ora tinutur | nêbda Radèn Jayasena | aja kakehan sêtari ||

16. buh-êmbuh kang sira ucap | dosanira niyaya Sêkartaji | dene têka ngaku-aku | sira wong Pêjagalan | gawe bodho mring Ki Putra Marabangun | Rahadèn Wukirkusuma | datan sêrănta ing galih ||

17. sigra anarik curiga | sang kusuma pan arsa dèn larihi | Sang Ywang Durga kêbatipun | sang dyah nulya sinêndhal | ingantukkên dhatêng Pêjagalan [Pêjaga...]

--- 121 ---

[...lan] sampun | radèn kalih kari gona | gagêtunira tan sipi ||

18. de Dyah Wadalwêrdi murca | tandya sami marêk mring Radèn Panji | matur saniskaranipun | dhatêng Dyan Rawisrêngga | narpaputra duk myarsa kêlangkung ngungun | yèn ingkang nalimur sirna | pra kadang gagêtun sami ||

19. tan dugi lamun mangkana | katujune dèrèng trêsna Dyan Panji | dhatêng kang mindha Dyah Galuh | tan bodho asihira | dhatêng Radèn Narawăngsa sang abagus | wau Dyan Gagakpêrnala | saya kêraos ing galih ||

20. onêngira mring kang garwa | Sang Dyah Daha Kusuma Sêkartaji | ketang dènnya pamit nglampus | kêng kawrat ing ron sastra | kagurawa mangu-mangu gung mangun kung | gya tindak sang rajaputra | agandrung samargi-margi ||

21. sêdya angulati garwa | kang pra kadang parêpat datan kari | wus têbih sing ujwana rum | pinunggêl kang carita | sampun ngambah drigama sumêngkèng gunung | sakèhing cira-ngacira | sato kabarasat wingwrin ||

22. bayak-bayak apêpanthan | isthanira kadya baris jajari | lyan lir têdah marganipun | panjriting kancil kidang | piniarsa lir pasambating dyah muwun | kumênyut sang agêng brăngta | ketang Sang Dyah Sêkartaji ||

23. kêng pamit angendralaya | iya uga karuna ing samargi | radyan karujit tyas gandrung | brăngta kawêdhar sêbda | dhuh riningsun antènana dasihipun | ywa age lêpas riningwang | pun kakang kèri gêng kingkin ||

24. yayi ing apsamanira | ingsun rada kèlu kang mindha warni | nanging tan pisan wak ingsun | kagimira ing manah | mring kang mindha tan lyan mung sira wong ayu | najan nganggo cara jendral [je...]

--- 122 ---

[...ndral] | sun nêdya sumiwèng rêsmi ||

25. gumrah swaraning kukila | mencok ing pang isthanya lir nêmbrami | takèn warta sugun-sugun | ingkang nusul ing garwa | risang agêng brăngta kagagas ing gandrung | wimbuh myat ing kêmbang-kêmbang | kongas kasilir ing angin ||

26. ketang asmaraning garwa | sang kusuma sêsotya ing Kadhiri | mangu mênggah ing tyas gandrung | ngungun karsaning dewa | pamayanging kawula tan mantrèng pasmun | wau Sang Dèwi Onêngan | kêraos sayah sang dèwi ||

27. samarga tansah karuna | rêreyongan tindakira Dyan Panji | sangking rêmbênnya sang ayu | sakêdhap-kêdhap raryan | pra kadeyan parêpat adulur-dulur | kang tansah nganthi sang rêtna | kang raka Radèn Sêsimping ||

28. dene wau tindakira | Sang Dyah Galuh untap-untapan margi | ananging datan kapranggul | pamayanging jawata | dèrèng dugi ya ta Radèn Marabangun | èngêt ijêmaning sastra | yèn Sang Rêtna Sêkartaji ||

29. sêdya dhatêng Bauwarna | dadya Radèn Apanji Wanèngpati | ingkang sinêdya ing kayun | nêgari ing Ngurawan | datan kandhêg tindaknya sang among gandrung | para kadeyan tan pisah | cipta tan nêdya gumingsir ||

 


Judul tambahan dari redaksi berdasarkan nama yang digunakan dalam naskah. (kembali)
Halaman sebelumnya hilang. Belum jelas berapa halaman yang hilang, tetapi penomoran naskah ini mulai halaman 42. (kembali)
Kurang lima suku kata. (kembali)
Kurang tiga gatra: ke-1 (12u), ke-2 (8i), dan ke-3 (8u). Semestinya gatra yang kurang ini terdapat di folio yang hilang. (kembali)
lawan. (kembali)
surya. (kembali)
kinăntha. (kembali)
Lebih satu suku kata: bêksa solah msajani. (kembali)
bakayune. (kembali)
10 Rahadèn (dan di tempat lain). (kembali)
11 Ketiga pupuh Gambuh dalam naskah ini (Pupuh 7, 32, dan 39) tidak sesuai dengan aturan tembang macapat pada umumnya. Semua gatra yang ke-2 kurang dua suku kata menjadi 8u (biasanya 10u). Variasi ini tidak dicatat sebagai catatan kaki. (kembali)
12 Kurang satu suku kata: raja kalih myang sabalanipun. (kembali)
13 sêdarum. (kembali)
14 Lebih satu suku kata: orêgirèng jawi wus kapirsèng aji. (kembali)
15 sinêbit. (kembali)
16 Lebih satu suku kata: radèn sumêkta sasikêpirèng jurit. (kembali)
17 panggadanira. (kembali)
18 Kurang satu suku kata: miwah ingkang para kadang. (kembali)
19 Kurang satu suku kata: Sang Puntianak Narendra. (kembali)
20 langkung. (kembali)
21 mijiki. (kembali)
22 Kurang satu suku kata: lukat ngêthuk angênongi. (kembali)
23 ringgit. (kembali)
24 Kurang satu suku kata: pranyata sang ayu. (kembali)
25 Jayèngrêsmi. (kembali)
26 gandrung. (kembali)