Tembang macapat

Babad Tanah Jawi, Van Dorp, c. 1917–25, #1083

/sastra/leksikon/leksikon-singkat.inx.php

Leksikon

/sastra/telusuri/telusuri-singkat.inx.php

Telusuri

Babad Tanah Jawi, Van Dorp, c. 1917–25, #1083

/sastra/macapat/tembang.inx.php

Pencarian Tembang

Lingkup pencarian: teks (bait) saja. Teks pencarian: bisa beberapa kata; setiap kata minimal 3 karakter; total 40 karakter; terbatas pada karakter huruf [a...z, diakritik bersangkutan, spasi] dan angka [0...9]. Filter pencarian: huruf besar/kecil serta diakritik diabaikan; hasilnya dapat difilter berdasarkan opsi kata utuh; dan 3 opsi lainnya jika mencari lebih dari satu kata: salah satu kata, semua kata, atau frasa persis.

 
36 dari 258
121–122 dari 810
1.202–1.211 dari 8.099
036.05 ya ta malih kang winarni | wontên trahe Brawijaya | sêmpalan Jaran Panolèh | nama Arya Jămbaleka | rusake Majalêngka | adhêdhukuh ing Talsèwu | sukane ardi Dumilah ||
036.06 Ki Jămbaleka winarni | adarbe atmaja lanang | Ki Mas Mănca pêparabe | kang rama alul mêrtapa [1: 191] | ya ta Ki Mas Amănca | tan arsa mêrtapa iku | ênggone mêrtapèng rama ||
036.07 sumêdya tapa pribadi | anênggih Ki Mas Amănca | pasisir kidul karsane | lampahe kalunta-lunta | lajêng ingambil putra | mring Ki Buyut Banyubiru | dhêdhukuh sakidul Balak ||
036.08 sakilène Gêtasaji | dadya karêm anèng kana | dene sangêt pêngandhêge | ki buyut kang ngambil putra | kêlangkung trisnanira | Ki Buyut ing Banyubiru | sakêlangkung asihira ||
036.09 ki buyut waspadèng gaib | kêlamun Ki Mas Amănca | ngêmbani ratu badhene | wus katingal cahyanira | sasêlane kang imba | pulung angêmbani ratu | ki buyut pan ora samar ||
036.10 têtiga kadange singgih | Ki Banyubiru ngandika | Buyut Majasta arine | lawan Ki Wuragil ika | Ki Majasta sêsuta | Jaka Wila wastanipun | kinadang lan Ki Mas Mănca ||
036.11 wau kang winarna malih | ingkang lagya adêdagan | anèng kubure ramane | Ki Agêng Pêngging punika | sira Rahadèn Jaka | lagya angsal tigang dalu | myarsa swara lamat-lamat ||
036.12 ujare swara dumêling | hèh Jaka sira lungaa | angidula ngetan kene | ngèngèra jalma dhêdhêkah | sakidul desa Balak | Ki Buyut ing Banyubiru | pituture lakonana ||
036.13 jênggèlèk Ki Jaka tangi | dènnya sare rêm-rêm ayam | nulya kesah age-age | tan ana wikan wangsanya | wanci bangun raina | kesahira [1: 192: ke...sahira] sang abagus | ngidul ngetan lampahira ||
036.14 datan kawarna ing margi | lampahira Radyan Jaka | prapta ing Balak arèrèn | têtanya wong dhangir kacang | pundi dhukuhe paman | Ki Buyut ing Banyubiru | saure kidul punika ||
121–122 dari 810