Tembang macapat

Babad Kraton, British Library (Add MS 12320), 1777–8, #1016

/sastra/leksikon/leksikon-singkat.inx.php

Leksikon

/sastra/telusuri/telusuri-singkat.inx.php

Telusuri

Babad Kraton, British Library (Add MS 12320), 1777–8, #1016

/sastra/macapat/tembang.inx.php

Pencarian Tembang

Lingkup pencarian: teks (bait) saja. Teks pencarian: bisa beberapa kata; setiap kata minimal 3 karakter; total 40 karakter; terbatas pada karakter huruf [a...z, diakritik bersangkutan, spasi] dan angka [0...9]. Filter pencarian: huruf besar/kecil serta diakritik diabaikan; hasilnya dapat difilter berdasarkan opsi kata utuh; dan 3 opsi lainnya jika mencari lebih dari satu kata: salah satu kata, semua kata, atau frasa persis.

 
5 dari 170
40–41 dari 856
399–408 dari 8.560
005.008 sri nalendra parane ngidul angetan | lan êmban wong mung kêkalih |[1] mundur mring Jajaran | bêkta tiyang bandhangan | wong Sundha asuka sami | katur sang nata | jalma bokokan sami ||
005.009 sampun katur kang raka lalos kewala | asuka sri bupati | wus kinèn boyonga | nagri Galuh punika | kabayong wus têlas sami | lan rajabrana | sadaya tanna kari ||
005.010 ênêngêna sang nata ing Pajajaran | Nata Galuh lumaris | lakung kawlasarsa | ngambah ing wanawasa | lan êmban mung wong kêkalih | glis lampahira | kèndêl prapta pasisir ||
005.011 arsa lajêng sang nata ngambah samodra | lir dharatan lumaris | tan winarnèng [[f. 33v]: winar...nèng] samodra |[2] lir dharatan pan egal | bang kidul prapta pasisir | lajêng lampahnya | prapta nusa Tumbini ||
005.012 anèng wana punika ta ikang bawah | nagri nusa Tumbini | sang nata têtanya | ngêndi iki lah bapa | kabawah nusa Tumbini | wana punika | mayo bapa lumaris ||
005.013 nulya watên têtiyang cêmêng satugal | netra wiyar tur abrit | cêwêta[3] kewala | kapirsa sri nalendra | lamun wontên wong sanugil[4] | cêmêng kalintang | kagyat nata ningali ||
005.014 sun tingali manusa apa ta bapa | irêng netranya abrit | apa jim prayangan | apa jalma manusya | dhikul-dhikul anèng siti | yèn kitên[5] kula | manusa igih gusti ||
005.015 mayo bapa kang manusa pinaranan | egal pan sampun prapti | tinanya punang jalma |[6] sira pa gawenira | dhikal-dhikul gawa siti | kinarya apa | damêl bata ngong iki ||
005.016 wus cinithak anuli kinapakêna | dipun abong pan abrit | akal sira manusya |[7] lêmah ginawe abang | yèn mêngkono isun iki | milu awisma | mring sira anèng ngriki ||
005.017 lah panduka gusti pundi kang pinăngka | kawuryan sun tingali | isun tanpa wisma | saparan nut ing brăngta | mapan wong Mêndhangkasilir | tanna sinêdya | mangke karsa sang aji ||
40–41 dari 856

 


1 Lebih satu suku kata: lan êmban wong kêkalih. (kembali)
2 Lebih satu suku kata. (kembali)
3 cawêtan? (Babad Kraton, Pantja Sunjata dkk., Jilid 1.39, Pupuh 5.13.3). (kembali)
4 sanunggil (dan di tempat dan bentukan lain) (Babad Kraton, Pantja Sunjata dkk., Jilid 1.39, Pupuh 5.13.5). (kembali)
5 kintên (dan di tempat lain). Bandingkan: kinèn (Babad Kraton, Pantja Sunjata dkk., Jilid 1.39, Pupuh 5.14.6). (kembali)
6 Lebih satu suku kata: tinanya pun jalma. (kembali)
7 Lebih satu suku kata: akal si manusya. (kembali)