Tembang macapat

Babad Kraton, British Library (Add MS 12320), 1777–8, #1016

/sastra/leksikon/leksikon-singkat.inx.php

Leksikon

/sastra/telusuri/telusuri-singkat.inx.php

Telusuri

Babad Kraton, British Library (Add MS 12320), 1777–8, #1016

/sastra/macapat/tembang.inx.php

Pencarian Tembang

Lingkup pencarian: teks (bait) saja. Teks pencarian: bisa beberapa kata; setiap kata minimal 3 karakter; total 40 karakter; terbatas pada karakter huruf [a...z, diakritik bersangkutan, spasi] dan angka [0...9]. Filter pencarian: huruf besar/kecil serta diakritik diabaikan; hasilnya dapat difilter berdasarkan opsi kata utuh; dan 3 opsi lainnya jika mencari lebih dari satu kata: salah satu kata, semua kata, atau frasa persis.

 
16 dari 170
91–92 dari 856
908–917 dari 8.560
016.008 waja amindha maniking [[f. 84v]: mani...king] warih | mandra-mandra awor | lan tutung[1] randha iya manise | alis angroning emba nêlahi | tingale ajait[2] | manising pandulu ||
016.009 sêkar capaka binaud asri | cêcerong mas kaot | awida jênar arum gandane | rema kêbêk sêkar gandanya mrik | warnane dyah dèwi | lir wulan sumunu ||
016.010 surup yyang arka gumanti wêngi | myang căndra wus miyos | tanggal ping kawan wêlas kêncare | lir raina kang purnama sasi | pamêwahing sasi | trênggana mawêlu ||
016.011 sang kakung baud dhatêng ing rabi | jiwa raga awor | mulat ing garwa su[3] rêmpu tyase | lir cintaka ikang minta riris | ing tawang arami | mangsanya mawêlu ||
016.012 sang dyah ayu tan pêgat liniring | ing manah wirarong[4] | arêrêpa[5] kakung panadrane[6] | dhuh mirah gusti kang mindha tulis | baya nimas adi | gèn isun anyatu ||
016.013 dhuh kusuma gusti dawêg guling | suka ta kula mong | turunana kang warsa ing mangke | ngajapa lir bramana rêrêngih | sajroning ngugèni[7] | gènnya amrih santun ||
016.014 sang rêtna ayu anêdha liring | apatut patêmon | radèn ing tingal kari manise | sinarèkakên kang mindha tulis | kakung aningali | manahe su rêmpu ||
016.015 sang dyah ingaras awanti-wanti | anyêngkah jaja lon | lir madu brăngta lakung wuwuse | anarèkkên[8] ingkang mindha Ratih | tansah dèn sarêngi | juwitaning [[f. 85r]: juwi...taning] arum ||
016.016 sinarèkên[9] sang rêtna aririh | srênggara kalangon | ing jro tilam nêkakkên kaptine | wêkasane sinjang sampun kongkih | acampuh sarêsmi | kepyan kang pulangyun ||
016.017 sang dyah ayu murcita ing rêsmi | sarira kalêson | êmar alupa tanpa jiwane | ya ta sang kakung wêlas ningali | ingaras sang dèwi | sarêng lan pangrurum ||
91–92 dari 856

 


1 tuntung (dan di tempat dan bentukan lain) (Babad Kraton, Pantja Sunjata dkk., Jilid 1.94, Pupuh 16.8.3). (kembali)
2 anjait (Babad Kraton, Pantja Sunjata dkk., Jilid 1.94, Pupuh 16.8.5). (kembali)
3 suh (dan di tempat lain) (Babad Kraton, Pantja Sunjata dkk., Jilid 1.94, Pupuh 16.11.3; Babad Tanah Jawi, Balai Pustaka, Pupuh 19.12.3; Babad Tanah Jawi, Pakubuwana IV, Pupuh 19.12.3). (kembali)
4 wirangrong (dan di tempat lain) (Babad Kraton, Pantja Sunjata dkk., Jilid 1.94, Pupuh 16.12.2); awirangrong (Babad Tanah Jawi, Balai Pustaka, Pupuh 19.13.2; Babad Tanah Jawi, Pakubuwana IV, Pupuh 19.13.2). (kembali)
5 angrêrêpa (dan di tempat lain). (kembali)
6 panabdane (Babad Tanah Jawi, Balai Pustaka, Pupuh 19.13.3). Bandingkan: panêbdane (Babad Tanah Jawi, Pakubuwana IV, Pupuh 19.13.3). (kembali)
7 Bandingkan: udyani (Babad Tanah Jawi, Balai Pustaka, Pupuh 19.15.5). (kembali)
8 anyarèkkên (Babad Kraton, Pantja Sunjata dkk., Jilid 1.95, Pupuh 16.15.4). (kembali)
9 sinarèkkên (Babad Kraton, Pantja Sunjata dkk., Jilid 1.94, Pupuh 16.16.1). (kembali)