Murid, Pigeaud, 1953, #1416
Pencarian Teks
Lingkup pencarian: teks dan catatan-kakinya. Teks pencarian: 2-24 karakter. Filter pencarian: huruf besar/kecil, diakritik serta pungtuasi diabaikan; karakter [?] dapat digunakan sebagai pengganti zero atau satu huruf sembarang; simbol wildcard [*] dapat digunakan sebagai pengganti zero atau sejumlah karakter termasuk spasi; mengakomodasi variasi ejaan, antara lain [dj : j, tj : c, j : y, oe : u, d : dh, t : th].
Panêmbrama dhatêng Para Murid-murid ing Pamulangan
1. Kinanthi
1. dhuh siswa sumitraningsun | marma sira sun suruhi | prapta anèng ngarsaningwang | purwèng sun ngrungu pawarti | lamun sira wus linilan | tilik mring prajanta sami ||
2. rèhning panjênêngan ingsun | rumasa sira bantoni | pamulanging siswaningwang | kang tansah gilir gumanti |
--- 4: 96 ---
sakancanira sogata | kang wus têbdèng[1] pamarsudi ||
3. awit saking pakonipun | wantyanta Sang Maha Muni | graning pawiyatèng Jawa | ing Surakarta Nagari | Dr. Palmers[2] kasumbaga | Van den Broek[3] ingkang wêwangi ||
4. ing mêngko ta jênêng ingsun | nglairkên sukaning galih | myang dahat panrimaningwang | mring wantyanta Sang Ayogi | tuwin marang sira padha | kang wus bantu wèh waradi ||
5. saking rênane tyasisun[4] | sumapala amaringi | lêlangên mring sira padha | têmbang tinumrapkên gêndhing | sanadyan kurang prayoga | mung minăngka tandhaning sih ||
--- 4: 97 ---
6. nihanta kang wus tinutur | ingsun aparing basuki | ing marga mring sira samya | pra siswa ingkang umulih | mring prajanta sowang-sowang | aywana sangsayèng margi ||
7. amung ta pamujiningsun | sapraptanira ing panti | panggih lawan yayah rena | myang kadang warganta sami | suka rêna tur raharja | praptaning wêwangên nuli ||
8. ywa wiyang enggala wangsul | dèn ngrasa sira antuk sih | mring Jêng Gupêrmèn Nèdêrlan | kang asung marganing bukti | tuwin marganing kamulyan | èstokna pitutur mami ||
9. titi panêmbramèng kidung | cinitrèng Anggara ari |
--- 4: 98 ---
limalas ingkang candrama | ing sasi Rabingulakir | taun Je sangkalanira | mangkat lunga ngèsthi siwi ||[5][6]
| 1 | lêbdèng. (kembali) |
| 2 | Nama "Dr. Palmers" ditulis dengan huruf Latin. (kembali) |
| 3 | Nama "Van den Broek" ditulis dengan huruf Latin. (kembali) |
| 4 | tyas ingsun. (kembali) |
| 5 | § Ăngka warsa Jawi: 1800. Masèi surya 3 Agustus 1871. (kembali) |
| 6 | Tanggal: Anggara (Slasa) limalas (15) Rabingulakir Je: mangkat lunga ngèsthi siwi (AJ 1800). Tanggal Masehi: Selasa 4 Juli 1871. Tahun AJ 1800 jatuh pada tahun Be dan bukan Je. Konversi tanggal Jawa di catatan kaki di atas (3 Agustus) tampaknya salah. (kembali) |