Tembang macapat
Ngadani Bêndungan Tambak Agung, Pigeaud, 1953, #1457
/sastra/leksikon/leksikon-singkat.inx.php
Leksikon
/sastra/telusuri/telusuri-singkat.inx.php
Telusuri
Ngadani Bêndungan Tambak Agung, Pigeaud, 1953, #1457
/sastra/macapat/tembang.inx.php
Pencarian Tembang
Lingkup pencarian: teks (bait) saja. Teks pencarian: bisa beberapa kata; setiap kata minimal 3 karakter; total 40 karakter; terbatas pada karakter huruf [a...z, diakritik bersangkutan, spasi] dan angka [0...9]. Filter pencarian: huruf besar/kecil serta diakritik diabaikan; hasilnya dapat difilter berdasarkan opsi kata utuh; dan 3 opsi lainnya jika mencari lebih dari satu kata: salah satu kata, semua kata, atau frasa persis.
1 dari 1
1 dari 2
1–10 dari 14
1. Kinanthi | |
1.01 | awit saking karsanipun | Jêng Gusti Pangran Dipati | Arya Amangkunagara | ping sakawan kang piniji | mirungga ajudhanira[1] | jêng raja nagri Walandi || |
1.02 | Ridêr ing Ordhê satuhu | Nèdêrlan Sêleyo nami | kolnèl myang komandhanira | lèsiyunipun pribadi | ing nagari Surakarta [2: 2] | têlênging karaton Jawi || |
1.03 | bilih mangke karsanipun | yasa bêndungan banawi | wontên dhusun ing Maguwan | tanah Sêmbuyan kang nginggil |[2] supados ing toyanira | lumèbèr mring têgal sabin || |
1.04 | karsa kang makatên wau | sèstu dadosakên sami | bingah myang panuwunira | abdi dalêm among tani | wit wêwah pasilanira | marakkên rèh kang basuki || |
1.05 | mila ing dintên winastu | Jêng Gusti Pangran Dipati | Arya Amangkunagara | kadhèrèkkên putra kalih | Jêng Pangran Găndasuputra | lan Găndaatmaja ari || |
1.06 | nyalirani karsanipun [2: 3] | ngawiti anambut kardi | masang banoning bêndungan | kang tumrap dhasaring warih | sarta mawi kajênêngan | wakil jêng gupêrmèn kalih || |
1.07 | jêng tuwan ingkang sinêbut | K.A.L.Y. Yèkêl nami | residhèn ing Surakarta | lawan kangjêng tuwan malih | Van Ordhên ing namanira | asistèn ing Wanagiri || |
1.08 | lawan pra administratur | dêmang răngga lawan naib | sadaya bawah Sêmbuyan | kang supados pandamêling | bêndungan gya kalêksanan | rampung ramping mikantuki || |
1.09 | makatên ing karsanipun | jêng gusti anyalirani | dados sokur bingahira [2: 4] | sagunging kang para abdi | tanah Sêmbuyan sadaya | ciptantuk barkahing Gusti || |
1.10 | dèntên mangke kang tinuduh | kapitados ngundhagèni | panambute ing bêndungan | abdi dalêm Tuwan Portir | pangagêng ing Eramaka | lan Dêmang Păncajahnawi || |
1 dari 2
1 | ajudanira (dan di tempat lain). (kembali) |
2 | § Tlatah Sêmbuyan inggih punika Kabupatèn Wanagiri Mangkunagaran ingkang sisih kidul. (kembali) |