Tembang macapat
Prabu Parikêsit Grogol, Purwasudirja, 1902, #1651
/sastra/leksikon/leksikon-singkat.inx.php
Leksikon
/sastra/telusuri/telusuri-singkat.inx.php
Telusuri
Prabu Parikêsit Grogol, Purwasudirja, 1902, #1651
/sastra/macapat/tembang.inx.php
Pencarian Tembang
Lingkup pencarian: teks (bait) saja. Teks pencarian: bisa beberapa kata; setiap kata minimal 3 karakter; total 40 karakter; terbatas pada karakter huruf [a...z, diakritik bersangkutan, spasi] dan angka [0...9]. Filter pencarian: huruf besar/kecil serta diakritik diabaikan; hasilnya dapat difilter berdasarkan opsi kata utuh; dan 3 opsi lainnya jika mencari lebih dari satu kata: salah satu kata, semua kata, atau frasa persis.
1 dari 29
1 dari 154
1–10 dari 1.532
1. Dhandhanggula | |
01.01 | raras rume wardayèng artati | amardawa ruweyadi kuna | dènnya nulat sujanane | pan saking drênging kayun | jinurungna puja basuki | purnamaning pangripta | wawêngkoning tutur | supatra Pustakaraja | diraning tyas wilapa dèn sangkalani | jaksu tri ngèsthi tunggal |[1]| |
01.02 | amarna ring jamanira nguni | jêng sang ulun Prabu Dipayana | Dipasarana parabe | yeka ingkang jêjuluk | Mahaprabu Sri Parikêsit | jumênêng ing Ngastina | rat Jawa kawêngku | Hindhu Sumantrah Jênggala | kang agama Jawata Budha liyaning | sumungkêm mring sang nata || |
01.03 | dene ingkang iyasa rumiyin | Sang Aprabu Aji Jayabaya | ing Kadhiri kadhatone | binathara satuhu | makêtêring isining bumi | mring Aji Jayabaya | panganggêpe guru | kang kinèn ngapus carita | Êmpu Tapa Wangkêng nuju amarêngi | taun surywasangkala || |
01.04 | pan tri tata daksaka malêtik |[2] wolung atus sèkêt langkung tiga | utawi taun candrane | sangkalanirèng dangu | wiwarane kuda angèsthi |[3] astha tus pitung dasa | songa langkungipun | sinawung têmbang mancêpat | mrih cêpête adhangan ingkang miyarsi | asung sêngsêming driya || |
01.05 | jinêjêr duk Prabu Parikêsit | arsa miyos tinangkil ing wadya | ngrasuk busananing ngrojèng | makutha rukmi mancur | ngagêm jamang lawan sêsumping | wangun garudha krura | kêlat bau murup | bêbinggêl karoncong êmas | sami wangun daksaka[4] krodha makikik | pinatik sêsotya bra || |
01.06 | purba kalung kudhuping sitèngsi | rinêngga ing mêmanik [1: 4: mêmani...k] maneka | ing madya kumala gêdhe | panêtêp săngga gêlung | grudha ngoling kikrawistha[5] di | bante-bante kancana | nèng jaja ngênguwung | tumumpang ing badhong êmas | praptèng ngandhap sumimping mring kanan cêthik | bangkol lir sarpa raja || |
01.07 | walantaka kampuh cindhe adi | kang paningsêt cawêni pathola | clana kêtangi limare | canela abra murup | sinawung ing sagung hèr gêni | măngka wangkinganira | mancorong sinêlut | kinatah kinaturêngga | kêkandêlan suwasa sinung hèr gêni | obra tumejangkara || |
01.08 | suwarnane tuhu langkung pêkik | kèh kasmaran sagunge para dyah | lir Hyang Asmara jatine | sigra têdhak sang prabu | ginarêbêg para rum sami | ampilan banyakdhalang | sawunggalingipun | kalawan ardawalika | êlar badhak sami ngêbut kanan kering | tamèng towok lan pêdhang || |
01.09 | dirganing kang rèh gandhewa gadhing | panah agêm rong indhong kêmbaran | kêcohan ing ngarsa dhewe | nèng keringe sang prabu | beda lawan sumbul kapering | kang ngampil upacara | kênya prawan tuhu | pinaesan binuratan | boya pae ing swarga para apsari | dhèrèk palinggot bawa || |
01.10 | jajarane rêmpêk ngrumiyini | songsong êmas munggul sungsun tiga | agêmira sang pamase | wus praptèng sitiluhur | lênggah munggèng ing dhampar manik | obah kang para wadya | lungguh marikêlu | kadya konjêm ing kisma |[6] kang pradăngga tinêmbang asri ngêrangin | ngrênggani pasewakan || |
1 dari 154
1 | Tanggal: jaksu tri ngèsthi tunggal (AJ 1832). Tahun AJ 1832 jatuh antara tanggal Masehi: 10 April 1902 sampai dengan 29 Maret 1903. (kembali) |
2 | Tanggal: tri tata daksaka (853 tahun surya). (kembali) |
3 | Tanggal: wiwarane kuda angèsthi (779 tahun căndra). Biasanya watak bilangan kata "èsthi" adalah delapan (8). Lihat sangkala pada Pupuh 1.1.10 di atas. (kembali) |
4 | taksaka. (kembali) |
5 | kinrawistha. (kembali) |
6 | Kurang satu suku kata: kadya konjêm ing bantala. (kembali) |