Tembang macapat
Sastra Gendhing, Sutji Rahajoe, 1936, #825
/sastra/leksikon/leksikon-singkat.inx.php
Leksikon
/sastra/telusuri/telusuri-singkat.inx.php
Telusuri
Sastra Gendhing, Sutji Rahajoe, 1936, #825
/sastra/macapat/tembang.inx.php
Pencarian Tembang
Lingkup pencarian: teks (bait) saja. Teks pencarian: bisa beberapa kata; setiap kata minimal 3 karakter; total 40 karakter; terbatas pada karakter huruf [a...z, diakritik bersangkutan, spasi] dan angka [0...9]. Filter pencarian: huruf besar/kecil serta diakritik diabaikan; hasilnya dapat difilter berdasarkan opsi kata utuh; dan 3 opsi lainnya jika mencari lebih dari satu kata: salah satu kata, semua kata, atau frasa persis.
1 dari 8
1 dari 10
1–10 dari 100
1. Sinom | |
1.01 | Sri Nata Dipèng rat Jawa | Jêng Sultan Agung Matawis | kang ngadhaton nagri Karta | ing jaman saolah mulki | ngrat Jawa nyakra wati | Sabrang Pasisir sumuyut | amirul mukminina | Sayidin Panata Gami | mahambara sinukmèng basa ambara || |
1.02 | Jinunjung kadigbyanira | ing jaman amir rokhimin | tuhu ratu pinandhita | kamantyan kalifah suci | kasub tinêngèng bumi | malikal waliyul lahu | rinilan gêng mangonah | iku kang nruskên sastra di | ngantya nêbda marang trah wuri prasapa || |
1.03 | Yêkti tan ing ngaku[1] darah | yèn tan wignya têmbang kawi | jêr kamot sandining sastra | akathah lohating tulis | kang dhihin basa kawi | tata trap silaning[2] wuwus | tumrap ing niti praja | kasusilan trusing ngèlmi | lawan kawi kang tumrap sandining sastra || |
1.04 | Kayata caraka basa | dasa nama kerata di | bêbasan amangku rasa | rasa karêp marang pamrih | myat tuduh pinangkèngwit | kaya ngran kawi puniku | KA karêping panêdya | WI lêpasing pangèsti |[3] munggèng sastra karêp lêpasing kerata || |
1.05 | Tumrap sandining sasmita | karêp lêpasing sêmèdi | ngèsthi kabèh ing papunggal | linang sukma sarira nir | pranata wus lir jati | marma sugêng trah Matarum | dèn putus olah raras | sasmita sandining kawi | yêkti anggèr satriya mangulah sastra [2] || |
1.06 | Wus dene kang sastra Arab | yogya trang lungi ding[4] kawi | wilêt lukitaning lafal | kirkat myang pasekat tarki | bya jalal isim fingil | miwah ing saliyanipun | jêr wêwacaning lafal | dadi mikraji wong arif | gêng bêbaya lafal salin maknanira || |
1.07 | Tan pae rarasing jawa | rênggan wiramaning gêndhing | kinarya ngimpuni basa | mêmanise dèn rêksani | lamun bubrah kang gêndhing | sastra ngalih raosipun | kang tumrap ing pradangga | swara pinatut ngrêsêpi | manrus kongas ruming langên kalênglêngan || |
1.08 | Kalêngkanirèng swarèndah[5] | sarancak pinêta[6] ngèsthi | kèsthi rêjasing wirama | tuduh pamudyaning dasih | mring Hywang[7] ingkang asung sih | sih muji kaananipun | tan lyan kang janma ngaja | kang pinudyèng swara jati | nyamlêng ingkang gêndhing kaananing tunggal || |
1.09 | Pramila yèn gêndhing bubrah | gugur sêmbahe mring Widhi | batal wisesaning salad | tanpa gawe olah gêndhing | dene ngran têmbang gêndhing | trusirèng swara linuhung | pamuji asmaning Dad | swara saking osik jati | osik mulya wêntaring cipta surasa || |
1.10 | Surasèng ngèskining[8] kayat | kayat ingkang basa kadim | pramila wong olah têmbang | sêdene pradangga gêndhing | dèn yitna tanduk manis | wirama wilêtirèng rum | myang nyamlêngirèng raras | swara nrus pinrêsing ngèsthi | lamun bubrah tar mot pamuji iradat [3] || |
1 dari 10
1 | ingaku. (kembali) |
2 | trapsilaning. (kembali) |
3 | Kurang satu suku kata: WI lêpasing ing pangèsthi. (kembali) |
4 | lungiding. (kembali) |
5 | swarendah. (kembali) |
6 | pinèta. (kembali) |
7 | Hyang (dan di tempat lain). (kembali) |
8 | ngèsthining. (kembali) |