Guprênur Jendral, Pigeaud, 1953, #1415

Pencarian Teks:

Lingkup pencarian: teks dan catatan-kakinya. Teks pencarian: 2-24 karakter. Filter pencarian: huruf besar/kecil serta diakritik diabaikan; mengakomodasi variasi ejaan, termasuk [dj : j, tj : c, j : y, oe : u].

Panêmbrama Guprênur Jendral

1. Kinanthi

1. sarjuning tyas saha atur | wilujêng rawuh ing ngriki | langkung ing sokur kawula | panduka tumêdhak malih | sèwu bêgja kamayangan | sasat tamuan dewadi ||

2. bingahipun manah ulun | kadi gring manggih usadi | kabanjiran ing sarkara | kajugrugkan[1] wukir sari | ratus gănda paripurna |

--- 4 : 93 ---

sumrik sumrambah mring dhiri ||

3. marmanta paminta ulun | ing panduka ingkang mugi | rinêsêpna ing wardaya | kalilana ing samangkin | sumêngka atur sunggata | lêlangên tumraping gêndhing ||

4. dadya panêmbramèng rawuh | nadyan saru kapiyarsi | awit punika minăngka | paèsing kawiryan Jawi | sampun kirang pangagsama | amêngku kang nêdya asih ||

5. wiyahing jagad saèstu | wêwijanganing nagari | wontên carane priyăngga | kados botên sang dewaji | paduka kakilapana | lagsitanirèng[2] dumadi ||

6. tita têtelaning atur |

--- 4 : 94 ---

tumuntur atur pamuji | mugi-mugi jêng panduka | kadugèna kang kinapti | pinanjangna yuswanira | dening Hyang Kang Maha Sukci ||

7. santi panêmbramèng kidung | cinitrèng Raditya ari | patlikur ingkang candrama | lèk Sapar ing taun Alip | satata trus pujinira | jêng gusti pangran dipati |[3][4]|

 


kajugrugan. (kembali)
kajugrugan.
laksitanirèng. (kembali)
laksitanirèng.
§ Taun Jawi 1795. Masèi: X 1866 wulan Juli. (kembali)
§ Taun Jawi 1795. Masèi: X 1866 wulan Juli.
Tanggal: Raditya (Ngahad) patlikur (24) Sapar Alip: satata trus pujinira jêng gusti pangran dipati (AJ 1795). Tanggal Masehi: Minggu 8 Juli 1866. (kembali)
Tanggal: Raditya (Ngahad) patlikur (24) Sapar Alip: satata trus pujinira jêng gusti pangran dipati (AJ 1795). Tanggal Masehi: Minggu 8 Juli 1866.