Găndasiswara, Pigeaud, 1953, #1417
Pencarian Teks
Lingkup pencarian: teks dan catatan-kakinya. Teks pencarian: 2-24 karakter. Filter pencarian: huruf besar/kecil, diakritik serta pungtuasi diabaikan; karakter [?] dapat digunakan sebagai pengganti zero atau satu huruf sembarang; simbol wildcard [*] dapat digunakan sebagai pengganti zero atau sejumlah karakter termasuk spasi; mengakomodasi variasi ejaan, antara lain [dj : j, tj : c, j : y, oe : u, d : dh, t : th].
Panêmbrama Konduripun Kangjêng Pangeran Ariya Găndasiswara Pêrang Saking Nagari Ngacih Taun 1803
1. Sêkar Walagita[1]
1. pulo rawa atmaja Sang Hyang Nurasa | adhuh anggèr | sukur bagya rahayu kang mênang yuda ||
2. Patih Kăngsa pangèsthi kang amrih kêna | adhuh anggèr | nèng Sumatra ambêdhah ing Ngacih praja ||
3. urug wrêksa dewaning Hyang Sasadara | adhuh anggèr | ramening prang campuhe luwih sacăndra ||
--- 4: 100 ---
4. bêsat rata kahyangan para jawata | adhuh anggèr | pira-pira mungsuh rowang kang pralayang ||
5. wastra seta tamtuning kang parasêja | adhuh anggèr | mari yuda kasaru ratune seda ||
6. panduk carma kang lata misayèng mina | adhuh anggèr | anglês driya merang kalamun nungkula ||
7. perak pindha tawing mukaning wiwara | adhuh anggèr | têmah praja bêdhahe tanpa karana ||
8. tuduh warna santining janma sangsaya | adhuh anggèr | kang mangkana èstu pitulunging suksma ||
9. krama wrèksa ari Prabu Basudewa | adhuh anggèr | Kangjêng Raja Nèdêrlan sinung[2] nugraha ||
10. garwa Salya sudarma Rêsi Wisrawa | adhuh anggèr |
--- 4: 101 ---
duk cinitra malêm Rêbo kaping astha ||
11. parab Boma jawata kang salah warna | adhuh anggèr | sasi Sura taun Alip na sangkala ||
12. pandhan pita pambajêng Sri Basudewa | adhuh anggèr | panas sirna sarira praptaning bala |[3][4]|
2. Sindhenan
1. tapas krêsna kang wulan tanggaping warsa | duk praptane Sêtatsiyun Surakarta ||
2. jarwa warta wiji gêng mawa sarkara | kang kinăndha kurmate kang mênang yuda ||
3. trah ngawirya sabawa sukaning driya | pra satriya surak santi jaya-jaya ||
4. ginda wanda kutha waruju Pandhawa | urut marga jajaran rontèk bandera ||
--- 4: 102 ---
5. salar basa punggawa andêl Ngalêngka | sabên plêngkung bul-umbul kalawan găngsa ||
6. bikang gora we mijil ing bomantara | rabinira ngudani Găndakusuma ||
7. rêming arka kang tambang pranti wisaya | iribira kaya Arjuna Wijaya ||
8. parab wipra ari Prabu Gêndrayana | iku măngka sudarsananing prawira ||
| 1 | § Tumrap ing gêndhing ladrang Sumatra dhawah katawang Ngacih, salendro pathêt sanga. (kembali) |
| 2 | nyinung. (kembali) |
| 3 | § Taun Jawi 1803, Masèi 1874, wulan Pèbruari. (kembali) |
| 4 | Tanggal: Rêbo astha (8) Sura Alip: panas sirna sarira praptaning bala (AJ 1803). Tanggal Masehi: Rabu 25 Februari 1874. (kembali) |