1837-08-21 - Sasradiningrat kepada Residen Surakarta

Ringkasan: Residen pesan 8.300 bata jobin merah kepada orang Tembayat (Demang Sokadana). Disanggupi 4-5 bulan selesai, dan disepakati harganya 2 wang setiap biji bata jobin merah, penyerahannya di Tembayat. Demang Sokadana minta uang muka separuh dulu, dan sekarang sudah ada 500 buah bata jobin merah.

Sasampuning kadya punika wiyosipun, kula sampun anampèni dhawuhipun kangjêng tuwan residhèn, ngandikakakên dhawah dhatêng tiyang ing Têmbayat ingkang nate damêl banon jobin abrit, lajêng kula animbali Dêmang Sokadana ing Têmbayat, kula dhawahi damêl jobin abrit kathahipun 8.300. Mênggah aturipun sêndika, wondene dadosipun jobin wolung èwu tigang atus wau, lamènipun gangsal wulan inggalipun kawan wulan. Mênggah rêginipun satunggil nuwun kalih uwang, punika kapasrahakên wontên ing Têmbayat kimawon. Mênggah pambêktanipun lumêbêt ing nagari Surakarta, kasumanggakakên ing nagari, wondene ing sapunika pun Dêmang Sokadana wau nuwun kêncèngan sêpalih, kalihdene sapunika têksih gadhah banon jobin lami ingkang sampun matêng wontên dhusun [dhusu...]

[...n] ing Têmbayat kathahipun 500, punika mênawi kangjêng tuwan residhèn sampun amarêngi, tumuntên kula utusan murugi dhatêng ing Têmbayat.

Ingkang punika mugi kauningana saha kula nuwun dhawahipun ing kangjêng tuwan residhèn.

Kasêrat Surakarta ing dintên Sênèn tanggal kaping 19, wulan Jumadilawal ing taun Jimawal 1765.