1838-07-28 - Sasradiningrat kepada Residen Surakarta

Ringkasan: Ada rumah di dekat Kalitan terbakar, karena ada orang-orang yang sedang berjudi, dan hampir merembet ke rumah jaga seperti halnya di Tangkisan. Atas perintah residen supaya orang-orang yang sering berbuat onar ditumpas. Rumah yang terbakar itu adalah rumah janda Biyang Ireng di dusun Kranggan. Kemudian tugas menumpas dan membunuh orang-orang yang sering membuat onar itu diserahkan kepada Ngabei Bandawasa dari Kartasura.

Atur tabe kula saha kaurmatan akathah-kathah, Kangjêng Radèn Adipati Sasradiningrat. Katur kangjêng tuwan mayor, residhèn ing Surakarta Adiningrat.

Sasampuning kadya punika wiyosipun. Kula sampun anampèni sêrat pêparingipun kangjêng tuwan residhèn. Kang katitimangsan Surakarta kaping 23 wulan Juli taun 1838; ingkang mungêling sêrat kangjêng tuwan residhèn, amaringi wuninga dhatêng ing kula, yèn kala wingi wontên griya kabêsmi, cakêt pos ing Kalitan. Mênggahing pawartos awit sangking tiyang angadêgaken pakêplekan wontên ing ngriku, kang sarta griya pos wau mèh katiwasan. Kados pos ing Tangkisan. Punika pamundhutipun kangjêng tuwan residhèn, mugi kula andhawahna parentah ingkang sangêt. Angicalakên rarêsah wau, sampun ngantos wontên bilai.

Ingkang punika atur wangsulan kula ing kangjêng tuwan resin.[1] [resi...]

[...n.] Panèwu rêdi Ngabèi Băndawasa ing Kartasuntên. Mênggah griya ingkang kabêsmi punika, têtiyang răndha sampun sêpuh nini-nini, awasta Biyang Irêng, ing dhusun Kêranggan, sakilèn karêtêg ing Kalitan. Mênggah têbihipun griya ingkang kabêsmi kalihan pos kareta wau, awêtawis satêngah pal. Wontên dene kula kadhawahan andhawahakên parentah ingkang sangêt. Supados sampun ngantos wontên rêrêsah, punika lajêng kula dhawahakên dhatêng pun Ngabèi Băndawasa, sakancanipun rêdi saha amêjahi sêwêrnènipun têtiyang ingkang sami ngadêgakên kasukan kêplèk. Mênggah aturipun inggih sêndika anglampahi.

Kasêrat Surakarta ing dintên Sêptu kaping 6 wulan Jumadilawal ing taun Je, ăngka 1766.