1838-09-24 - Sasradiningrat kepada Residen Surakarta

Ringkasan: Menurut surat keputusan bahwa mulai bulan Pebruari, sekolahan bahasa Jawa di Surakarta ditutup, dan guru Cakrajaya akan diberi hadiah 3 kali gaji/bulan sebagai pesangon. Oleh karena hal itu sangat merugikan, karena uang itu tidak cukup untuk kehidupan keluarga, dan kehilangan pekerjaan, maka Cakrajaya mohon supaya tuan gupremen berkenan mencarikan pekerjaan di karaton yang sesuai dan tetap mendapat gaji Rp. 50,- setiap bulan. Hal ini semata-mata karena perjuangan dan pengabdian Cakrajaya terhadap gupremen sudah banyak dan tidak pernah salah. Bukti pengabdian dilampirkan.

Atur panyuwun saha pakurmatan kawula Radèn Mas Cakrajaya, kaonjuk ing kangjêng tuwan Jeyan Prèdrik Teyodhore Mayor, ridêr saking Nèderlansê Leyo, residhèn ing nagari Surakarta Adiningrat.

Mila kawula kamipurun agadhah atur panyuwun, awit ingkang kasêbut ing sêrat kêkancinganipun kangjêng tuwan ingkang wicaksana guprênur jendral, yèn pamulangan Jawi ing Surakarta ing salêbêtipun wulan Pabriwari taun punika saèstu kasuwak. Wondene badan kula badhe kaganjar warni yatra saminipun kalihan balănja kula ing dalêm tigang wulan. Ingkang punika pamanah kula badhe botên anyêkapi kula têdha salaminipun kula gêsang, sarta badhe andadosakên cupêt ing panggêsangan kula dalasan anak rayat kula. Ingkang punika atur panyuwun kula mênawi andadosakên suka pirênanipun kangjêng tuwan residhèn, mugi wontêna sih wêlas pitulungipun kangjêng tuwan residhèn, anyuwunakên pêdamêlan ing nagari Surakarta ngriki, ingkang sakintên kula kuwawi anglampahi, sarta nyuwunakên têtêpipun taksih blănja kula, sèkêt rupiyah, ingkang supados sagêda panjang ing panggêsangan kula dalasan anak rayat kula, ingkang sarta supados wontêna têtêngêripun yèn kula sampun ngabdi ing kangjêng guphrêmèn, ingkang rumiyin dados kapitan prajurit dharat ing Mangkunêgaran, sampun anglampahi damêlipun kangjêng guprêmèn kala pêrang ing tanah Jawi, ngantos sabibaring pêrang, sarta botên kalêpatan. Punapa malih sawontênipun pamulangan Jawi.

Kula inggih ugi anglampahi ing damêlipun kangjêng guprêmèn dados guru. Ingkang punika atur panyuwun kula asangêt-sangêt, ingkang mugi wontêna sih wêlas pitulungipun kangjêng tuwan residhèn angaturakên ingkang dados panyuwun kula punika. Ing wusana mugi sampun kantos andadosakên dukanipun kangjêng tuwan residhèn, amargi gèn kula kamipurun gadhah atur panyuwun kang wontên ing sêrat punika.

Katur ing dintên Jumungah kaping 21 wulan Januari taun 1843.

Ing ngandhap punika pratelaning padamêlan ingkang sampun dipun lampahi dhumatêng Radèn Cakrajaya.