Dengan adanya kekosongan Jajar jaga Musium, Arjasayana yang tadinya sebagai tukang kebun ingin mengisinya. Oleh karena gajinya sama saja, supaya ditanya dulu, apakah sanggup. Di samping itu juga berisi tentang penjelasan tatacara pembuatan surat, menurut aturan yang benar.
Têtêdhakan
Golongan paprentahan praja lan pangadilan
Ôngka 1809 C/6/II
Bab lowongan jajar jagi musium
Dhawuhipun pêpatih dalêm dhumatêng pangarsaning Pahêman Radyapustaka, sêrat paturan katitimangsan kaping 14 Nopèmbêr 1933 ôngka 249, sakanthinipun sampun kauningan, bab anggèning Arjasayana jajar rêrêsik nyuwun mingsêr dados jajar jaga musium, punika kadhawuhan nyêrêpakên rumiyin, sarèhning jajar jagi musium têtêpan enggal balanjanipun ugi namung f 10 sawulan, sami kados balanjanipun jajar rêrêsik, amila saupami panyuwunipun mingsêr wau kaparêngakên, punapa sanggêm ugi amung blônja f 10 sawulan.
Kajawi punika kadhawuhan ngèngêtakên, bilih adangiyah sêrat paturanipun pangarsaning Pahêman Radyapustaka ingkang katur ing pêpatih dalêm, sarta dhatêng pangagênging kantor Kapatihan, punika namung mungêl: katur ing pêpatih dalêm, sarta katur pangagênging kantor.
Makatên wau dèrèng nêtêpi kadosdene pola adangiyah kanthinipun sêrat dhawuh katitimangsan kaping 28 Nopèmbêr 1927 ôngka 319 D/2/II kapacak ing kabar paprentahan taun 1927 ôngka 24, inggih punika lêrêsipun:
I. Manawi sêrat katur pêpatih dalêm, adangiyahipun mungêl: sêrat paturanipun ... katur pêpatih dalêm.
II. Manawi katur pangagênging kantor mungêl: sêrat saking ... katur pangagênging kantor Kapatihan golongan ...
Amila supados lajêng dipun têtêpi.
Kantor Kapatihan kaping 1 Dhesèmbêr 1933.
WG. Wôngsanagara.
Sampun cocog
[tanda tangan]