Dutadilaga kepada Anonim 2

Ringkasan: Keterangan tentang kebenaran penulisan kata-kata yang telah menjadi kata jadian, yang didasarkan pada Serat Paramasastra Ranggawarsita, dan Serat Paramabasa

Dhêmên andugang, punapa: dhêmên dugang of dhêmên ndugang

Sok andhupak, punapa sok dhupak of sok ndhupak

Ambok sampun, punapa bok sampun of mbok sampun

Makatên wau ing wêwaton Rănggawarsitan Sêrat Paramasastra wontên ingkang mratelakakên:

I. Garba sastra, sarta garba swara, kasêbut ing bab 89.

II. Kêmbêngan ngêmu lan nyimpên, ênggon = nggon,

Êndi = ndi.

Ing Sêrat Paramabasa, têmbung tanduk ingkang purwaning lingga aksara: da, ja, ba, angsal anuswara, kados ta:

andugang, botên dugang

anjambak, botên jambak

ambithi, botên bithi

amargi, dugang, jambak, bithi ingkang tanpa anuswara, sagêd gadhah raos cawuh dados lingga.

Tuwan Walbip mratelakakên wontên ing karanganipun de woord afleiding bab kawitan, bilih ing kina ngangge: nggaris, njala, mbathara, nanging rèhning samangke botên kêlimrah lajêng ngangge anuswara, anggaris, anjala, ambathara.

Mênggah pamanggih kula, kados Paramabasa, nanging manawi dados ukara gandhengan sarta manggèn ing wingking sarta sampun nyigêg aksara anuswaranipun, botên susah dipun pitulungi: a, kados ta:

Sampun dugang of sampun sok andugang, enz. Wusana sumăngga.

Dutadilaga.