Menurut kerajaan abonemen majalah Medan Muslimin dirasa kurang penting maka diperintahkan untuk tidak lagi langganan. Tetapi menurut kepentingan Musium perlu sekali, termasuk Majalah Guru Desa, dan Pusaka Jawi. Oleh karena itu pihak Musium masih ingin melanjutkan langganan, dan atas pertimbangan para pengurus, hal itu penting kecuali Majalah Kridawacana.
Têtêdhakan
Kula nuwun, pundhutan nagari abonêmèn tid sêkrip Medhan Muslimin, wiwit mêdal sapisan dumugi sapunika ing sataun-taunipun kabindhêl dados buk lajêng dados pasimpênan ing musium, sapunika kadhawuhan nyuwak botên abonêmèn, dening kirang maidahi ing nagari, nanging mênggahing musium kados wontên pêrlunipun, amargi ngêmot rêmbag-rêmbag kawruh Arab. Kajawi punika, abonêmèn musium tid sêkrip Guru Desa dumugi sapunika dèrèng sagêd kaparingan bayaran saking nagari, taksih kabayaran arta saking musium piyambak.
Awit saking punika nyuwun dhawuh dalêm, Medhan Muslimin saha Guru Desa wau, punapa lajêng kasuwak, punapa taksih kalêstantunakên abonêmèn, kabayaran saking arta musium piyambak, kathahipun ing dalêm sataun Medhan Muslimin f 6.- Guru Desa f 2.- sapunika wontên malih tid sêkrip enggal, nama Pusaka Jawi, kalih Kridhawacana, sami ngêmot kawruh Jawi, kajawi kaparêngipun karsa dalêm, ing musium kados wontên pêrlunipun ugi abonêmèn, ing musium dados botên kasêpênan tid sêkrip.
Katur kaping 27 Dhesèmbêr 1932.
W.G. Prajapustaka
Kabèh rujuk, amung bab Kridhawacana kurang pêrlu
WG.